Begaj u prit nga kryetari i Komunës së Prizrenit, Shaqir Totaj. Kreu i Shtetit vizitoi sot Prizrenin në kuadër të 147-vjetorit të ‘Lidhjes Shqiptare’.
I shoqëruar nga ambasadori i Shqipërisë në Kosovë, Petrit Malaj, Presidenti Begaj ka ecur në këmbë nga Shtëpia e Bardhë deri në Kompleksin e Lidhjes Shqiptare të Prizrenit, ku është takuar me qytetarët e Prizrenit dhe të trojeve shqiptare, të cilët ishin mbledhur për të shënuar këtë përvjetor.
Gjatë fjalës së tij Begaj theksoi se “Lidhja e Prizrenit na bashkon të gjithëve” dhe shtoi se “historia nuk mësohet vetëm në libra, por edhe duke vizituar vendet ku kanë ndodhur ngjarjet historike.”
Kjo vizitë vjen në një ditë me rëndësi të veçantë historike, pasi më 10 qershor 1878 nisi themelimi i Lidhjes së Prizrenit një moment kyç në historinë e lëvizjes kombëtare shqiptare./e.t
