Një studim i fundit në fushën e psikologjisë ka hedhur dritë mbi një tendencë interesante: gratë beqare rezultojnë të jenë më të lumtura dhe më të kënaqura me jetën e tyre sesa burrat që nuk janë në një marrëdhënie.
Ekspertët e marrëdhënieve ndërpersonale theksojnë se gratë, në përgjithësi, gëzojnë më shumë stabilitet emocional dhe shëndet mendor kur janë beqare, në krahasim me burrat në të njëjtën situatë.
Faktorët kryesorë që ndikojnë në këtë diferencë përfshijnë:
-Rrjetet sociale më të forta: Gratë shpesh mbështeten tek miqësitë e ngushta dhe lidhjet familjare për mbështetje emocionale, çka i bën të ndihen të përmbushura edhe pa një partner romantik.
-Fokus te vetja dhe zhvillimi personal: Ato janë më të prira të kujdesen për mirëqenien e tyre dhe të investojnë në rritjen personale, pa ndjerë nevojën për një lidhje për të plotësuar boshllëqe emocionale.
-Varësia emocionale më e lartë tek burrat: Sipas studimit, burrat shpesh mbështeten tek partneret për ndihmë emocionale dhe përkujdesje, gjë që bën që mungesa e një marrëdhënieje të ndikojë më negativisht në mirëqenien e tyre.
Ky studim sfidon perceptimin tradicional se lidhjet romantike janë të domosdoshme për lumturinë personale.
Përkundrazi, ai thekson rëndësinë e pavarësisë emocionale dhe vetëpërmbushjes – veçanërisht për gratë që duket se lulëzojnë edhe jashtë marrëdhënieve romantike./ e.t
