Këshilli i Sigurimit i Organizatës së Kombeve të Bashkuara do të mbajë një mbledhje të jashtëzakonshme të premten më 20 qershor në New York, për të diskutuar konfliktin e vazhdueshëm Izrael-Iran.
Kjo mbledhje vjen pas kërkesës së Iranit, e mbështetur nga Kina, Pakistani dhe Rusia.
Një pjesë e kërkesës së Iranit përfshin edhe ftesën që Drejtori i Përgjithshëm i Agjencisë Ndërkombëtare për Energjinë Atomike, Rafael Grossi, si dhe shefja për çështjet politike në OKB, Rosemary DiCarlo, të bëjnë një raport të ri për Këshillin.
Kjo do të jetë mbledhja e dytë emergjente, pas asaj të parë që u zhvillua të premten e kaluar./kb
