Policia italiane ka arrestuar një shtetas shqiptar në Crespina Lorenzana. Sipas raportimeve, 31-vjeçari shqiptar është kapur nga policia italiane gjatë një kontrolli të rastësishëm.
Sjellja e tij nervoze bëri që policia të dyshojë dhe të zhvillojë një kontroll të imtësishëm në mjetin që drejtohej nga shqiptari, identiteti i të cilit ende nuk bëhet me dije.
Gjatë kontrollit, policia zbuloi në makinën e shqiptarit rreth 7 kilogramë kokainë ndërsa zhvilloi kontrollet të imtësishme edhe në banesën e 31-vjeçarit.
Në shtëpinë e tij policia italiane gjeti rreth 7 mijë euro të cilat dyshohet se janë përfituar nga aktiviteti kriminal ndërsa hetimet vijojnë nga autoritetet. m.p.
