Sulmuesi i Kombëtares Shqiptare të Futbollit Rey Manaj ka arritur akordin me klubin e Barcelona B dhe pasi u kryen dhe vizitat mjekësore, tashmë ka mbetur vetëm prezantimi zyrtar.
Manaj largohet kështu nga klubi i Albasete dhe bashkohet me kampionët në fuqi të Spanjës, por me skuadrën që luan në ligën e tretë të futbollit në këtë vend.
Së fundmi mësohet se Manaj është takuar me një talent tjetër shqiptar në Katalunjë, i cili e ka mikpritur atë në Barcelonë.
Në një postim në rrjetet sociale 19-vjeçari Labinot Kabashi ka bërë me dije se do të jetë shok skuadre me Manajn. Kabashi ka shprehur të gjithë mbështetjen e tij për lojtarin Kombëtares.
Në foton e postuar 19-vjeçari shkruan në gjuhën shqipe: “Mirë se erdhe vëlla”./Fjala.al/
