Ceremoni të shumta janë mbajtur në Kosovë me rastin e 14 vjetorit të vdekjes së Ibrahim Rugovës, presidentit historik të saj.
Ato nisën me homazhe tek varri i tij në Velani e vizita në familjen Rugova, ndërsa LDK mbajti dhe një event përkujtimor.
Në përvjetorin e parë të vdekjes së Rugovës, ish-presidenti i Kosovës, Fatmir Sejdiu, e dekoroi atë me Urdhrin “Hero i Kosovës”, titulli më i lartë në vend që u jepet figurave historike shqiptare dhe të Kosovës. Rugova u zgjodh 23 dhjetorin e vitit 1989 si kryetar i Lidhjes Demokratike të Kosovës, partisë së parë politike në Kosovë që sfidoi drejtpërdrejt regjimin komunist në ish-Jugosllavi.
Hashim Thaci kujtoi kontributin e madh të ish presidentit në rrugëtimin e gjatë dhe të mundimshëm të popullit të Kosovës drejt lirisë dhe pavarësisë. Kryeministri në detyrë Ramush Haradinaj bëri homazhe tek varri e më vonë kujtoi se “Kosovën e presin sfida të mëdha, por puna dhe angazhimi i presidentit Rugova jeton gjithnjë”.
Homazhe ka bërë edhe ambasadori i Shqipërisë, Qemajl Minxhozi i cili theksoi se sot kujtohet kontributi i ish-presidentit për lirinë e Kosovës.
Albin Kurti citoi historianian britanik Noel Malcolm të theksonte se Rugova, në njërën anë, i bashkoi shqiptarët e Kosovës kundër Serbisë, e në tjetrën, e ndërkombëtarizoi çështjen e Kosovës.
Edhe ish- kryeministri Sali Berisha ka kujtuar Presidentin e Parë të Kosovës, Ibrahim Rugovën në 14- vjetorin e vdekjes së tij. Ai e quan Rugovën, arkitekt të Kosovës së pavarur dhe i krahason cilësitë e tij me ato të Mahatma Gandit, me aftësi të rralla diplomatike, këmbëngulje të palëkundur dhe paqësore.
Ibrahim Rugova ishte Presidenti i parë i Republikës së Kosovës, duke shërbyer në vitet 1992–2000 dhe përsëri në vitet 2002–2006, ishte Intelektual, politikan, akademik dhe shkrimtar shqiptar[1]. Rugova mbante titullin Doktor.
Presidenti Ibrahim Rugova ishte bashkëthemelues i Lidhjes Demokratike të Kosovës e cila ishte lëvizja e parë demokratike gjithë popullore ne Kosove qe udhëhoqi popullin e Kosovës drejt rrugës për Liri, Pavarësi e Demokraci dhe qe më vonë do te transformohej ne Parti Politike dhe Rugova ishte kryetar i saj qe nga themelimi i saj më 23 dhjetor të vitit 1989 deri më 21 janar të vitit 2006 kur ndërroi jetë
Ai udhëhoqi një luftë popullore për pavarësi, që avokoi një rezistencë paqësore ndaj sundimin jugosllav dhe loboi për mbështetje nga SHBA-të dhe Evropa, veçanërisht gjatë Luftës së Kosovës[4][5]. Ai theksoi fort trashëgiminë e lashtë të Dardanisë, mbretëri e pavarur dhe më vonë provincë e Perandorisë Romake që përfshinte territorin e sotëm të Kosovës, për të forcuar identitetin e vendit dhe për të promovuar politikën e tij të marrëdhënieve të ngushta me Perëndimin.
Për shkak të rolit të tij në historinë e Kosovës, Rugova është quajtur “Ati i Kombit” dhe “Gandi i Ballkanit”, ndërsa pas vdekjes është shpallur Hero i Kosovës.
Pas një sëmundje të rëndë më 21 janar të vitit 2006, Ibrahim Rugova ka ndërruar jetë.
