Robert Lewandowski është shpallur zyrtarisht ‘snajperi’ i Europës. Sulmuesi polak ka rrëmbyer së fundmi çmimin e ‘Këpucës së Artë’, që i jepet futbollistit me më shumë gola gjatë një sezoni.
33-vjeçari arriti këtë sezon të shënonte 41 gola me Bayern Mynchen, duke thyer edhe rekordin e legjendës Gerd Myller me 40 gola.
Lewandowski sezonin e kaluar e humbi çmimin në konkurencë me sulmuesin e Lazio-s Ciro Immobile, i cili kishte avantazhin e 14 penalltive të dhënë nga gjyqtarët në Seria A. Këtë vit konkurentët e ‘snajperit’ polak ishin Cristiano Ronaldo dhe Lionel Messi, me këtë të fundit që realizoi 10 gola më pak.
