Tensionet mes dy vendeve Kosovë dhe Serbi sa vijnë e shtohen. Sakaq, zhvillimet e ditës së djeshme kanë bërë jehonë në mediat ndërkombëtare, ku përmendet ndikimi i drejtpërdrejtë i Moskës.
Një medium italian La Repubblica raportoi se ky konflikt po i atribuohet Moskës, e cila sipas këtij mediumi “po ndez konfliktin në vend”.
Duke përmendur një sërë faktorësh, ‘La Repubblica’ shkroi se “Beogradi e ka vendosur ushtrinë në gatishmëri” dhe se Kryeministri i Kosovës Albin Kurti hodhi akuza te Rusia.
Ndërkaq ‘Blick’ shkroi se u përshkallëzua sërish mosmarrëveshja për çështjen e targave.
‘The Guardian’ raportoi se pikëpamja anti-perëndimore në Serbi nuk vjen nga përkrahja për Putinin.
Sipas tyre, pikëpamja anti-perëndimore në Serbi nuk vjen nga përkrahja për Putinin. Sipas këtij artikulli, ekziston një numër i konsiderueshëm i rusofilëve në shoqërinë serbe, ndonëse janë një pakicë e zhurmshme prej rreth 21 për qind.
50 për qind e serbëve, thuhet sipas këtij artikulli se nuk janë të përkushtuar ndaj interesave ruse, por nuk janë as pro-perëndimorë.
Një medium tjetër që raportoi për situatën është edhe Politicio, i cili shkroi se në titull se “tensionet etnike u ndezën sërish në veri të Kosovës”. Krahas kësaj, mediumi raportoi gjithashtu edhe për protestën, ku sipas tyre morën pjesë qindra protestues.
Të shtunën dhe të dielën, serbët e Kosovës kanë dhënë dorëheqje nga të gjitha pozitat në institucionet publike të Kosovës. Mobilizimi i tyre erdhi si shenjë proteste ndaj vendimit të Kosovës për implementimin e targave kosovare për banorët serbë. Serbët gjithashtu kanë kërkuar krijuar e Asociacionit të Komunave Serbe.
