Kryeministri Edi Rama ka zgjedhur një formë të veçantë për të inkurajuar shqiptarët në këto kohë të vështirë në luftën ndaj koronavirusit. Ai ka zgjedhur një shprehje të Tom Hanks duke e ndarë me ndjekësit e tij përmes një fotoje ku shihet aktori amerikan i cili thotë se nëse “Ka miliona mbijetues, bëji 1 milion e një”
-“Të çmuara,” shkruan kryeministri krah fotos.
Një gjetje interesante për të inkurajuar shqiptarët me një nga ikonat e kinematografisë botërore i cili u prek gjithashtu nga koronavirusi disa javë më parë bashkë me bashkëshorten e tij, Rita.
Por, të dy ia arritën të shërohen nga Covid-19 dhe tani Rama nuk ngurron ta përdorë si ‘mashë’ inkurajimi për shqiptarët, kur në vendin tonë numri i të prekurve nga koronavirusi vijon të rritet, ku deri tani janë 259 persona me Covid-19, ndërsa 15 të tjerë kanë ndërruar jetë.
