Një nga finalistët e “Big Brother VIP Albania 3”, Meritoni ka festuar dje ditëlindjen e 29-të.
Banori i “Big Brother VIP Albania 3” ka marrë urime të ngrohta nga banorët e tjerë finalistë brenda shtëpisë më të famshme në Shqipëri.
Por nga ana tjetër, urimi më i bukur i ka ardhur, nga partnerja e tij, Ilnisa Agolli.
“Gëzuar ditëlindjen Meritoni im. Je arsyeja e fitores time”, shkruan ajo, së bashku me një zemër të bardhë.
Ndërkohë që me rastin e ditëlindjes së tij, “Vëllai i Madh” organizoi një festë surprizë për Meritonin. Festës iu bashkuan edhe disa nga ish-banorët e këtij edicioni, ku nuk mungoi edhe partnerja e tij Ilnisa./ S.M