Kryeministri Edi Rama, në Itali, në takim me shqiptarët, në fillim të fjalës së tij u shpreh se ndihet i prekur nga mikpritja e bashkëkombësve.
Ai theksoi se shqiptarët e Italisë janë përbashkuesit e dy brigjeve të Adriatikut.
“Jam thellësisht i prekur nga mikpritja juaj. Dua që ta dini që më ka emocionuar tej masa vala e nxehtë e përshëndetjeve. Mirënjohje pafund për dëshirën e madhe për të më takuar. Një përqafim të gjithëve nga kjo arenë ku flamujt kuqezi dhe trengjyrëshi italian dëshmojnë bukurinë lidhjen e përjetshme e dy popujve, të cilët I ka bashkuar një det historie. Ju shqiptarët e Italisë, jemi shëmbëlltyra më rrezatuese e pararojave të shqiptarëve në bashkimin me Europën. Ju, as politika, as biznesi, as media, por ju jeni përbashkuesit kryesorë në dy brigjet e Adriatikut”, tha ai./kb
