Më 27 maj të vitit 927 vdiq Simeon i Madh, udhëheqësi i parë bullgar i shpallur si Perandor. Fushatat e tij të suksesshme kundër Bizantit, hungarezëve dhe serbëve çuan në zgjerimin e perandorisë bullgare duke e bërë atë shtetin më të fuqishëm në Evropën Lindore të asaj kohe.
Simeoni është biri i tretë i princit Borisi i parë, pagëzuesi i bullgarëve. Ka lindur ndoshta në vitin 864 në kryeqytetin e atëhershëm Pliska. Në vitin 878 e dërguan në Kostandinopojë, ku kreu Shkollën e lartë prestigjioze të Magnaurit, në të cilën ishtë nxënës i zellshëm. Mësoi greqishten, diplomaci, aritmetikë, astronomi dhe muzikë. Në vitin 886 me ftesë të princit Borisi i parë në Bullgari erdhën dishepujt e iluministëve sllavë Shenjtorëve Qiril dhe Metodij. Pas kësaj princi thirri edhe Simeonin në Atdhe – ndoshta për të ndihmuar për përhapjen e fjalës së Zotit në gjuhën bullgare. Por fati kishte vendosur një gjë tjetër. Tubimi kishtaro-popullor, mbledhur në kryeqytetin e ri bullgar Presllav zgjodhi Simeonin princ bullgar.
Gjatë sundimit të vet, Simeoni i zgjeroi ndjeshëm territoret e shtetit në të gjitha drejtimet dhe kufijtë e Bullgarisë lageshin nga tre dete – Deti i Zi, Deti Egje dhe Deti Adriatik. Shteti bullgar ishte një faktor, të cilin të gjithë ishin të detyruar ta respektonin jo vetëm si forcë politike, po dhe si forcë ushtarake. Planet e Simeonit nuk u kufizuan në caqet e një dëshire për dominim ushtarak. Ai synonte që Bullgaria të bëhej qendër kulturore e botës së krishterë. Gjatë atyre viteve Simeoni mbështeti me të gjitha forcat e mjetet që kishte letërsinë, artet, zanatet. Përpjekjet e sundimtarit bullgar Simeon për konsolidimin e bullgarëve, për krijimin e qytetërimit të krishterë, për eliminimin e tutorisë bizantine dhe për ndërtimin e një programi politik të vetin, formësojnë atë periudhë në historinë tonë, të cilën ne e quajmë Shekulli i Artë i Shtetit bullgar.
Në vitin 904 Simeoni pushtoi Vlorën, Himarën, Butrintin; bullgarët u shtrinë më në veri, pushtuan rreth 30 kështjella, por Durrësin dhe Shkodrën nuk i morën dot. Qëndra kryesore nën sundimin bullgar (851 – 1018) u bënë Devolli, Nikopoja (Berati) dhe Glavinica (në Ballshin e Mallakastrës).
Kalendar
27 maj 1703 – Cari Pjetri i Madh themelon qytetin e Shën Petersburg. Më 1924 qytetit do t’i jepej emri Leningrad, dhe pas shpërbërjes së BS do të quhej përsëri Shën Petersburg
27 maj 1860 – Giuseppe Garibaldi fillon sulmin e tij në Palermo, Sicili, si pjesë e fushatës për bashkimin e Italisë.
27 maj 1905 – Fillon Lufta Japonezo-Ruse, përkatësisht Beteja e Tsushimas.
27 maj 1930 – Hapet per publikun ndërtesa Chrysler në New York, struktura më e lartë e bërë nga dora e njeriut deri në atë kohë – 319 metra.
27 maj 1937 – Në Kaliforni, Ura Golden Gate hapet për trafikun e këmbësorëve, duke krijuar një lidhje jetike midis San Franciskos dhe kontese Marin.
27 maj 1999 – Gjykata e OKB-së mbi krimet e luftës në Hagë konfirmoi se ka paditur presidentin jugosllav, Slobodan Milosheviç, si kriminel lufte.
