Kosova është renditur në mesin e 14 vendeve ku njerëzit ndihen më së shumti të sigurt duke ecur vetëm në rrugë gjatë natës, sipas raportit të fundit të Gallup mbi Sigurinë Globale, raporton Express.
Në këtë listë bashkë me Kosovën janë edhe Kuvajti, Singapori, Norvegjia, Arabia Saudite, Taxhikistani, Sllovenia, Emiratet e Bashkuara Arabe, Salvadori, Mali I Zi, Islanda, Luksemburgu dhe Zvicra, teksa Kosova është e 12’ta në këtë listë.
Kosova renditet edhe tek shtetet me indeksin më të lartë për rend dhe ligj apo 91 pikë.
Këtij raporti i ka bërë jehonë edhe Lëvizja Vetë vendosje, përmes një postimi në faqen zyrtare.
“Sipas raportit të fundit të Gallup mbi Sigurinë Globale, Kosova renditet në vendin e 12-të në botë, në mesin e vendeve ku njerëzit ndihen më së shumti të sigurtë në vitin 2023”, thuhet në postimin e VV’së ./ S.M
