Policia e Shtetit, në një postim në rrjetin social “ Facebook”, tregon rreth mbarëvajtjes në natën e ndërrmit të viteve.
Policia njofton se në të gjithë vendin, gjatë natës së ndërrimit të viteve dhe deri në këto momente, nuk është rregjistruar asnjë ngjarje kriminale.
Gjithashtu asnjë aksident me pasojë jetën dhe nuk është konstatuar ndonjë shkelje e rëndë me konsumimin e tepruar të alkoolit, ndërsa në fund të njoftimit uron edhe qytetarët për festat.
Njoftimi i plotë:
Falë masave parandaluese të marra para, gjatë dhe pas natës së ndërrimit të viteve, si dhe falë qytetarisë së treguar nga qytetarët, në të gjithë vendin, gjatë natës se ndërrimit të viteve dhe deri në këto momente nuk është shënuar asnjë ngjarje kriminale, si dhe nuk është evidentuar asnjë konflikt me pasoja.
Në të gjitha qarqet nuk është evidentuar asnjë aksident rrugor me pasojë jetën.
Janë ushtruar kontrolle me dragera dhe duke marrë shkas nga numri i mjeteve në qarkullim, verifikimi i rasteve të drejtimit të mjetit nën efektin e alkoolit ishte minimal.
Policia e Shtetit vijon të jetë në gatishmëri, “Shërbim të përforcuar”, për të garantuar rendin dhe sigurinë gjatë festimeve në vijim.
Policia e Shtetit uron gjithë qytetarët gëzuar Vitin e Ri 2020, mirësi, paqe e begati e sa më shumë besim e bashkëpunim mes nesh, për të mirën e përbashkët./Fjala.al
