<?xml version="1.0" encoding="UTF-8"?><rss version="2.0"
	xmlns:content="http://purl.org/rss/1.0/modules/content/"
	xmlns:wfw="http://wellformedweb.org/CommentAPI/"
	xmlns:dc="http://purl.org/dc/elements/1.1/"
	xmlns:atom="http://www.w3.org/2005/Atom"
	xmlns:sy="http://purl.org/rss/1.0/modules/syndication/"
	xmlns:slash="http://purl.org/rss/1.0/modules/slash/"
	xmlns:media="http://search.yahoo.com/mrss/">

<channel>
	<title>Kosova &#8211; Gazeta Fjala</title>
	<atom:link href="https://fjala.al/category/kosova/feed/" rel="self" type="application/rss+xml" />
	<link>https://fjala.al</link>
	<description>Fjala është e lirë. Liria është fuqi!</description>
	<lastBuildDate>Tue, 17 Nov 2026 18:21:00 +0000</lastBuildDate>
	<language>en-US</language>
	<sy:updatePeriod>
	hourly	</sy:updatePeriod>
	<sy:updateFrequency>
	1	</sy:updateFrequency>
	<generator>https://wordpress.org/?v=7.1.4</generator>

<image>
	<url>https://fjala.al/wp-content/uploads/2025/10/cropped-unnamed-5-150x150.jpg</url>
	<title>Kosova &#8211; Gazeta Fjala</title>
	<link>https://fjala.al</link>
	<width>32</width>
	<height>32</height>
</image> 
	<item>
		<title>19:21 Shiroka-Pula: Aktgjykimi i sotëm ndaj Thaçit e të tjerëve ngre shqetësime për respektimin e të drejtave të tyre</title>
		<link>https://fjala.al/shiroka-pula-aktgjykimi-i-sotem-ndaj-thacit-e-te-tjereve-ngre-shqetesime-per-respektimin-e-te-drejtave-te-tyre/</link>
		
		<dc:creator><![CDATA[Monika]]></dc:creator>
		<pubDate>Tue, 17 Nov 2026 18:21:00 +0000</pubDate>
				<category><![CDATA[Aktualitet]]></category>
		<category><![CDATA[Kosova]]></category>
		<guid isPermaLink="false">https://fjala.al/?p=955743</guid>

					<description><![CDATA[Presidentja e Kosovës, Justina Shiroka-Pula ka reaguar pas aktgjykimit të sotëm të Dhomave të Specializuara në Hagë, ndaj Hashim Thaçit dhe të tjerëve, lidhur me akuzat për pengim të administrimit të drejtësisë. Ajo shprehet se aktgjykimi i sotëm ngre shqetësime sa i përket respektimit të të drejtave të tyre. “Çdo institucion i Republikës së Kosovë, [...]]]></description>
										<content:encoded><![CDATA[<p>Presidentja e Kosovës, Justina Shiroka-Pula ka reaguar pas aktgjykimit të sotëm të Dhomave të Specializuara në Hagë, ndaj Hashim Thaçit dhe të tjerëve, lidhur me akuzat për pengim të administrimit të drejtësisë.</p>
<p>Ajo shprehet se aktgjykimi i sotëm ngre shqetësime sa i përket respektimit të të drejtave të tyre.</p>
<p>“Çdo institucion i Republikës së Kosovë, duke përfshirë edhe Dhomat e Specializuar, duhet të veprojë në pajtim me juridiksionin që ka në Kushtetutën e Republikës së Kosovës dhe duhet të respektojë të drejtat që i përmban Kapitulli II i Kushtetutës dhe standardet ndërkombëtare për të drejtat e njeriut që janë të garantuara me Nenin 22 të Kushtetutës. Çdo proces gjyqësor duhet të zhvillohet në përputhje të plotë me standardet ndërkombëtare të gjykimit të drejtë, duke garantuar të drejtat e të akuzuarve dhe respektimin e procedurave ligjore. Aktgjykimi i sotëm i Dhomave të specializuara ngre shqetësime sa i përket respektimit të të drejtave të palëve”, thuhet në reagimin e presidencës.</p>
<p>Ndërkohë, më tej ajo thekson se Kosova mbetet e përkushtuar ndaj drejtësisë porse “presim qe në këtë frymë do të veprojnë edhe Dhomat e Specializuara dhe çdo proces gjyqësor dhe të drejtat për ankimin të bëhen në frymën e standardeve ndërkombëtare të gjykimit të drejtë”.</p>
<p>Njëkohësisht, Shiroka-Pula deklaron se kontributi i Ushtrisë Çlirimtare të Kosovës në luftën për liri dhe pavarësi, si dhe sakrifica e popullit të Kosovës, janë pjesë e historisë sonë dhe nuk mund të vihen në pikëpyetje nga procese gjyqësore./mxh </p>
]]></content:encoded>
					
		
		
		<enclosure url="https://fjala.al/wp-content/uploads/2026/11/WhatsApp-Image-2026-11-17-at-7.14.43-PM.jpeg" length="130598" type="image/jpeg"/><media:content url="https://fjala.al/wp-content/uploads/2026/11/WhatsApp-Image-2026-11-17-at-7.14.43-PM.jpeg" width="1360" height="870" medium="image" type="image/jpeg"/>	</item>
		<item>
		<title>18:39 Pas më shumë se dy vitesh, Kosova i rikthehet lobimit në SHBA</title>
		<link>https://fjala.al/pas-me-shume-se-dy-vitesh-kosova-i-rikthehet-lobimit-ne-shba/</link>
		
		<dc:creator><![CDATA[Monika]]></dc:creator>
		<pubDate>Tue, 17 Nov 2026 17:39:13 +0000</pubDate>
				<category><![CDATA[Aktualitet]]></category>
		<category><![CDATA[Kosova]]></category>
		<guid isPermaLink="false">https://fjala.al/?p=955651</guid>

					<description><![CDATA[Pas më shumë se dy vjetësh pa asnjë lobist të angazhuar në Shtetet e Bashkuara, këtë muaj Kosova ka lidhur marrëveshje me një kompani amerikane për t’i përfaqësuar interesat e saj në Uashington. Ministria e Punëve të Jashtme dhe Diasporës (MPJD) ka lidhur kontratë me kompaninë amerikane Ballard Partners, e cila do të ofrojë këshillim [...]]]></description>
										<content:encoded><![CDATA[<p>Pas më shumë se dy vjetësh pa asnjë lobist të angazhuar në Shtetet e Bashkuara, këtë muaj Kosova ka lidhur marrëveshje me një kompani amerikane për t’i përfaqësuar interesat e saj në Uashington.</p>
<p>Ministria e Punëve të Jashtme dhe Diasporës (MPJD) ka lidhur kontratë me kompaninë amerikane Ballard Partners, e cila do të ofrojë këshillim strategjik dhe shërbime të marrëdhënieve me institucionet qeveritare amerikane, sipas një dokumenti të regjistruar në Departamentin amerikan të Drejtësisë, në kuadër të Aktit për Regjistrimin e Agjentëve të Huaj (FARA).</p>
<p>Kontrata është dorëzuar në FARA më 13 nëntor dhe ka hyrë në fuqi më 15 nëntor 2026, për një periudhë njëvjeçare.</p>
<p>Sipas marrëveshjes, Kosova do t’i paguajë kompanisë 50 mijë dollarë në muaj, apo gjithsej 600.000 dollarë për një vit. Kësaj shume i shtohen edhe shpenzimet e arsyeshme të udhëtimit dhe përfaqësimit, të cilat duhet të miratohen paraprakisht nga MPJD-ja.</p>
<p>Pagesat do të bëhen në këste tremujore prej 150.000 dollarësh. Të njëjtën kompani e pati angazhuar edhe zyra e Presidencës në vitin 2017, kur postin e presidentit e mbante Hashim Thaçi.</p>
<p>Në kontratë, të nënshkruar nga ministri i Jashtëm, Glauk Konjufca, dhe presidenti i kompanisë, Brian Ballard, thuhet se Ballard Partners do të këshillojë dhe përfaqësojë Kosovën lidhur me çështje që i konsideron të nevojshme dhe të përshtatshme për t’u trajtuar pranë Qeverisë federale amerikane.</p>
<p>Dokumenti i regjistruar në FARA përmend lobimin dhe avokimin, përgatitjen dhe shpërndarjen e materialeve informative, si dhe diskutimin e mundësive të reja të bashkëpunimit ndërmjet Shteteve të Bashkuara dhe Kosovës.</p>
<p>Megjithatë, kontrata nuk specifikon objektiva konkrete politike për të cilat kompania do të angazhohet në emër të Kosovës.</p>
<p>Radio Evropa e Lirë ka kontaktuar Ministrinë e Punëve të Jashtme dhe Diasporës për më shumë informacione, por nuk ka marrë ende përgjigje.</p>
<p>Kjo Ministri, kishte lidhur kontratat e fundit të lobimit në SHBA në vitin 2023, kur udhëhiqej nga Donika Gërvalla, tani ministre e Drejtësisë.</p>
<p>Kosova pa kontrata lobimi që nga viti 2024</p>
<p>Në qershor të vitit 2023, Ministria e Punëve të Jashtme dhe Diasporës (MPJD) kishte angazhuar dy kompani për lobim në SHBA: Afërdita Rakipi Communications LLC, në pronësi të Afërdita Rakipit, dhe Ambal LLC, në pronësi të Avni Mustafajt.</p>
<p>Sipas kontratave të nënshkruara më 26 qershor 2023, të dyja kompanitë u angazhuan për nga një vit, me synimin e deklaruar për “avancimin e marrëdhënieve dypalëshe mes SHBA-së dhe Qeverisë së Kosovës”. Secila parashihej të paguhej nga 147 mijë euro, pra gjithsej 294 mijë euro.</p>
<p>Përveç pagesave të kontratës, ata kishin deklaruar edhe shpenzime shtesë, kryesisht për ushqim dhe udhëtime. Një pjesë e madhe e takimeve të deklaruara ishin zhvilluar në restorante në Prishtinë, ndonëse kontrata parashihte këshilla strategjike dhe përfaqësim të MPJD-së në SHBA.</p>
<p>Të dhënat e publikuara në FARA tregonin se, nga korriku 2023 deri në janar 2024, Rakipi kishte deklaruar dy kontakte, ndërsa Mustafaj katër. Në disa raste, të dy kishin raportuar takime me të njëjtët zyrtarë amerikanë në të njëjtën datë.</p>
<p>Kontratat përfunduan në fund të qershorit 2024 dhe nuk u vazhduan. Që nga atëherë, Kosova nuk ka pasur asnjë lobist në SHBA, ndërkohë që vendet e rajonit kanë nënshkruar disa të tilla.</p>
<p>Angazhimi i rajonit për lobim në SHBA</p>
<p>Kontratat e vendeve të rajonit tregojnë se ato po përpiqen të avancojnë interesat e tyre nëë Uashington përmes lobimit.</p>
<p>Në vitet e fundit, Serbia ka zgjeruar angazhimin e saj në Uashington, përmes disa kontratave aktive me kompani amerikane:</p>
<p>me KARV Communications, për komunikim strategjik dhe marrëdhënie me mediat, me pagesë prej rreth 60 mijë dollarësh në muaj;</p>
<p>me Valcour LLC, për promovimin e Serbisë si nikoqire e EXPO 2027, me 65 mijë dollarë në muaj;</p>
<p>dhe me CRB Global LLC, për këshillim strategjik, me 10 mijë dollarë në muaj.</p>
<p>Përveç qeverisë, në regjistrin amerikan figurojnë edhe kontrata të Odës Ekonomike të Serbisë dhe dy kompanive private serbe.</p>
<p>Edhe Republika Sërpska, entitet i Bosnje e Hercegovinës, ka rritur ndjeshëm shpenzimet për lobim në SHBA në vitet e fundit. Në 16 kontratat aktive, një nga objektivat kryesore del të ketë qenë heqja e sanksioneve amerikane ndaj udhëheqësit të atëhershëm të entitetit, Milorad Dodik, dhe personave të lidhur me të.</p>
<p>Ndërkohë, Mali i Zi figuron me dy kontrata aktive, të dyja të nënshkruara në muajt e fundit të këtij viti. Njëra u lidh nga Organizata Kombëtare e Turizmit dhe tjera nga Partia Demokratike Popullore.</p>
<p>Nga institucionet shtetërore të Shqipërisë nuk figuron asnjë kontratë aktive lobimi, por vetëm një nga Partia Demokratike e Shqipërisë dhe të tjera nga individë dhe kompani private.</p>
<p>Ngjashëm, edhe Maqedonia e Veriut figuron në regjistrin FARA vetëm përmes angazhimeve të një kompanie private, ATS Group, dhe një partie politike, Bashkimi Demokratik për Integrim.</p>
<p>Teksa vendet e rajonit përpiqen t’i avancojnë interesat e tyre në Uashington, lobimi në SHBA ka rëndësi të veçantë për Kosovën për shkak të rolit amerikan në sigurinë e vendit dhe në proceset ndërkombëtare që e prekin.</p>
<p>Vitin e kaluar, kur Kosova s’kishte asnjë kontratë lobimi aktive, analistja politike Donika Emini kishte vlerësuar për REL-in se Kosova nuk mund të mbështetet vetëm në diplomacinë konvencionale, përmes ambasadave dhe konsullatave.</p>
<p>Sipas saj, në një kohë kur Serbia po e forcon angazhimin në Uashington, mungesa e një pranie aktive të Kosovës rrezikonte ta linte vendin në hije.</p>
<p>“Uashingtoni nuk është një vend ku vlerësohesh vetëm për vullnetin e mirë; është një fushëbetejë e influencës, ku lobimi, partneritetet strategjike dhe aftësia diplomatike përcaktojnë se kush zë vend në tavolinë”, kishte thënë Emini për REL-in./mxh </p>
]]></content:encoded>
					
		
		
		<enclosure url="https://fjala.al/wp-content/uploads/2026/11/fghbb.jpg" length="37598" type="image/jpeg"/><media:content url="https://fjala.al/wp-content/uploads/2026/11/fghbb.jpg" width="826" height="490" medium="image" type="image/jpeg"/>	</item>
		<item>
		<title>18:19 Maqedonia e Veriut mënjanon një atentat terrorist, të lidhur me Iranin, në Greqi</title>
		<link>https://fjala.al/maqedonia-e-veriut-menjanon-nje-atentat-terrorist-te-lidhur-me-iranin-ne-greqi/</link>
		
		<dc:creator><![CDATA[Monika]]></dc:creator>
		<pubDate>Tue, 17 Nov 2026 17:19:10 +0000</pubDate>
				<category><![CDATA[Aktualitet]]></category>
		<category><![CDATA[Kosova]]></category>
		<guid isPermaLink="false">https://fjala.al/?p=955614</guid>

					<description><![CDATA[Agjencia e Sigurisë Kombëtare (ASK) dhe Byroja e Sigurisë Publike (BSP) e MPB-së, në bashkëpunim me Agjencinë Kombëtare greke të Zbulimit dhe shërbime të tjera partnere, kanë zbuluar një rrjet ndërmjetësues në Maqedoninë e Veriut të lidhur me një shtetas iranian, anëtarët e të cilit ndërmorën aktivitete përgatitore logjistike për të kryer një akt terrorist, [...]]]></description>
										<content:encoded><![CDATA[<p>Agjencia e Sigurisë Kombëtare (ASK) dhe Byroja e Sigurisë Publike (BSP) e MPB-së, në bashkëpunim me Agjencinë Kombëtare greke të Zbulimit dhe shërbime të tjera partnere, kanë zbuluar një rrjet ndërmjetësues në Maqedoninë e Veriut të lidhur me një shtetas iranian, anëtarët e të cilit ndërmorën aktivitete përgatitore logjistike për të kryer një akt terrorist, vrasjen e një personi në Greqi.</p>
<p>Aktivitetet u ndërmorën në fillim të vitit 2026, në bashkëpunim me shërbime të huaja partnere.</p>
<p>U ndërmorën aktivitete operative-teknike dhe analitike për të zbuluar rrjetin e lidhur me shtetasin iranian Edris Jahangiri Mavane, i cili është identifikuar si një person i lidhur me aktorë të tjerë të përfaqësuar të shërbimeve iraniane të sigurisë dhe zbulimit përfshirë bosin e drogës Naxhi Sharifi Zindashti (Naji Sharifi Zindashti).</p>
<p>”Në lidhje me rrjetin e Maqedonisë së Veriut, bëhet fjalë për individë të vendosur në strukturat kriminale në vend, të cilët, nën udhëzimet e drejtpërdrejta të shtetasit iranian, ndërmorën aktivitete përgatitore logjistike për të kryer një akt terrorist/atentat kundër një personi në Greqi”, thuhet në kumtesë.</p>
<p>Shkëmbimi i informacionit me shërbimet partnere të huaja zbuloi gjithashtu mënyrën e funksionimit të rrjetit, duke përfshirë mbajtjen e takimeve konspirative në territorin e vendeve të treta, përfshirë Iranin.</p>
<p>Në të njëjtën kohë, u konfirmuan lidhjet me shtetasin iranian, i cili tregohet si bartësi kryesor i veprimit të planifikuar terrorist.</p>
<p>Nga ASK-ja dhe BSP-ja vlerësojnë se lidhje të tilla përshtaten me përpjekjet e shërbimeve sekrete iraniane për të fshehur aktivitetet e tyre përmes rrjeteve kriminale me ndërmjetësim në vendet e treta, përfshirë Maqedoninë e Veriut.</p>
<p>Si një kontekst shtesë sigurie, ata theksojnë se në periudhën e kaluar, disa vende janë përballur me kërcënime dhe sulme terroriste nga aktorë të ndërmjetëm iranianë.</p>
<p>Nga ASK dhe BSP njoftojnë se do të punojnë për zbulimin dhe parandalimin e kërcënimeve të mundshme terroriste përmes elementëve nga Irani, si dhe ekspozimin e individëve të tjerë të përfshirë në rrjete të tilla./mxh </p>
]]></content:encoded>
					
		
		
		<enclosure url="https://fjala.al/wp-content/uploads/2026/11/IMG-20261117-WA0009-696x527-1.jpg" length="71218" type="image/jpeg"/><media:content url="https://fjala.al/wp-content/uploads/2026/11/IMG-20261117-WA0009-696x527-1.jpg" width="696" height="527" medium="image" type="image/jpeg"/>	</item>
		<item>
		<title>18:07 Gruaja e Rexhep Selimit pas dënimit të Thaçit: Një përshkallëzim tjetër i padrejtësisë</title>
		<link>https://fjala.al/gruaja-e-rexhep-selimit-pas-denimit-te-thacit-nje-pershkallezim-tjeter-i-padrejtesise/</link>
		
		<dc:creator><![CDATA[Monika]]></dc:creator>
		<pubDate>Tue, 17 Nov 2026 17:07:49 +0000</pubDate>
				<category><![CDATA[Aktualitet]]></category>
		<category><![CDATA[Kosova]]></category>
		<guid isPermaLink="false">https://fjala.al/?p=955601</guid>

					<description><![CDATA[Gruaja e Rexhep Selimit, Shqipe Mehmeti Selimi përmes një postimi në “Facebook” ka reaguar lidhur me vendimin e Gjykatës Speciale në Hagë e cila i shtoi dënimin ish-presidentit Hashim Thaçi me 17 muaj burg dhe dënimin e 7 personave të tjerë. Ajo shkruan se dënimi ishte përshkallëzim tjetër i padrejtësisë. Ajo shton se do të [...]]]></description>
										<content:encoded><![CDATA[<p>Gruaja e Rexhep Selimit, Shqipe Mehmeti Selimi përmes një postimi në “Facebook” ka reaguar lidhur me vendimin e Gjykatës Speciale në Hagë e cila i shtoi dënimin ish-presidentit Hashim Thaçi me 17 muaj burg dhe dënimin e 7 personave të tjerë.</p>
<p>Ajo shkruan se dënimi ishte përshkallëzim tjetër i padrejtësisë. Ajo shton se do të luftojnë për drejtësi edhe në fazat e tjera gjyqësore.</p>
<p>“Sot ndodhi edhe një përshkallëzim tjetër i padrejtësisë në Dhomat e Specializuara të Kosovës në Hagë. Ashtu siç ishte i padrejtë dënimi i H. Gucatit, N. Haradinajt, H. Shalës, S. Jonuzajt, I. Bahtjarit, P. Shalës dhe S. Mustafës, ashtu siç ishte e padrejtë edhe shpallja fajtorë e krerëve të UÇK-së, Hashim Thaçi, Jakup Krasniqi, Rexhep Selimi dhe Kadri Veseli, më 16 shtator të këtij viti, po ashtu edhe dënimi i sotëm i H. Thaçi, F. Fazliu, B. Smakaj dhe H. Kuqi është i padrejtë dhe i papranueshëm.</p>
<p>Ne presim dhe duhet të vazhdojmë të luftojmë për drejtësi edhe në fazat e tjera gjyqësore. Ndërkohë, i uroj Isni Kilajt dhe familjes së tij për shpalljen e pafajësisë dhe lirimin e tij”, shkruan ajo në postim./mxh </p>
]]></content:encoded>
					
		
		
		<enclosure url="https://fjala.al/wp-content/uploads/2026/11/Thaciii.jpg" length="52663" type="image/jpeg"/><media:content url="https://fjala.al/wp-content/uploads/2026/11/Thaciii.jpg" width="1103" height="555" medium="image" type="image/jpeg"/>	</item>
		<item>
		<title>17:12 PDK: Do t’i përgjigjemi vendimit të Speciales me veprime konkrete politike, juridike e diplomatike</title>
		<link>https://fjala.al/pdk-do-ti-pergjigjemi-vendimit-te-speciales-me-veprime-konkrete-politike-juridike-e-diplomatike/</link>
		
		<dc:creator><![CDATA[Monika]]></dc:creator>
		<pubDate>Tue, 17 Nov 2026 16:12:39 +0000</pubDate>
				<category><![CDATA[Aktualitet]]></category>
		<category><![CDATA[Kosova]]></category>
		<guid isPermaLink="false">https://fjala.al/?p=955568</guid>

					<description><![CDATA[Ushtruesja e detyrës së kryetares së Partisë Demokratike të Kosovës, Vlora Çitaku në një konferencë për media e ka quajtur të papranueshëm dhe të turpshëm dënimin me 17 muaj burgim për ish-presidentin e Kosovës, Hashim Thaçi, në rastin kundër administrimit të drejtësisë. “Vendim i turpshëm dhe i papranueshëm. Nuk ka asgjë më shkatërruese për drejtësinë [...]]]></description>
										<content:encoded><![CDATA[<p>Ushtruesja e detyrës së kryetares së Partisë Demokratike të Kosovës, Vlora Çitaku në një konferencë për media e ka quajtur të papranueshëm dhe të turpshëm dënimin me 17 muaj burgim për ish-presidentin e Kosovës, Hashim Thaçi, në rastin kundër administrimit të drejtësisë.</p>
<p>“Vendim i turpshëm dhe i papranueshëm. Nuk ka asgjë më shkatërruese për drejtësinë sesa kur vendimet e saj pushojnë së befasuari, sepse besimi në paanshmërinë e saj është cenuar thellë. Shprehim zhgënjimin dhe shqetësimin tonë të thellë për vendimin e sotëm të Gjykatës Speciale në Hagë ndaj Presidentit Hashim Thaçi dhe të tjerëve në procesin për pengimin e drejtësisë”, tha ajo në një konferencë për media.</p>
<p>Ajo ka theksuar se sipas PDK-së, kontestimet procedurale, proceset e njëpasnjëshme dhe zvarritjet shumëvjeçare kanë shtuar dyshimet lidhur me mënyrën e administrimit të drejtësisë nga Gjykata Speciale.</p>
<p>“Kontestimet procedurale, proceset e njëpasnjëshme dhe zvarritjet shumëvjeçare i kanë anuluar edhe më tej pikëpyetjet tona serioze për administrimin e drejtësisë së kësaj gjykate. Drejtësia nuk mund të ketë dy standarde”, shtoi ajo.</p>
<p>Çitaku ka bërë të ditur se PDK-ja do t’i përgjigjet këtij vendimi përmes qëndresës, mobilizimit dhe veprimeve politike, juridike e diplomatike.</p>
<p>“Do t’i përgjigjemi ashtu siç e meriton, me qëndresë, me mobilizim dhe me përkushtim të palëkundur, me veprime konkrete politike, juridike e diplomatike dhe me vendosmëri deri në fund. Lufta jonë për liri ishte e drejtë, UÇK-ja ishte ushtria jonë çlirimtare, sakrifica e një populli për çlirim është pjesë e pandryshueshme e historisë sonë dhe nuk mund të njolloset asnjëherë”, shtoi Çitaku./mxh </p>
]]></content:encoded>
					
		
		
		<enclosure url="https://fjala.al/wp-content/uploads/2026/11/WhatsApp-Image-2026-11-17-at-17.07.13.jpeg" length="123721" type="image/jpeg"/><media:content url="https://fjala.al/wp-content/uploads/2026/11/WhatsApp-Image-2026-11-17-at-17.07.13.jpeg" width="1360" height="870" medium="image" type="image/jpeg"/>	</item>
		<item>
		<title>15:59 Qeveria e Kosovës reagon pas ridënimit të Thaçit: Drejtësia duhet jo vetëm të vihet në vend, por edhe të jetë e drejtë</title>
		<link>https://fjala.al/qeveria-e-kosoves-reagon-pas-ridenimit-te-thacit-drejtesia-duhet-jo-vetem-te-vihet-ne-vend-por-edhe-te-jete-e-drejte/</link>
		
		<dc:creator><![CDATA[EL]]></dc:creator>
		<pubDate>Tue, 17 Nov 2026 14:59:50 +0000</pubDate>
				<category><![CDATA[Aktualitet]]></category>
		<category><![CDATA[Kosova]]></category>
		<guid isPermaLink="false">https://fjala.al/?p=955514</guid>

					<description><![CDATA[Qeveria e Kosovës tha se kritikat e saj ndaj Gjykatës Speciale “mbeten të qëndrueshme”, në një postim në Facebook, pas dënimit të ish-presidentit Hashim Thaçi në rastin e dytë ndaj tij dhe të tjerëve për pengim të drejtësisë. Ekzekutivi në Kosovë doli për rëndësinë e pavarësisë së gjyqësorit dhe respektimin e vendimeve, por shtoi se [...]]]></description>
										<content:encoded><![CDATA[<p class="wp-block-paragraph" data-asw-org-font-size="18">Qeveria e Kosovës tha se kritikat e saj ndaj Gjykatës Speciale “mbeten të qëndrueshme”, në një postim në Facebook, pas dënimit të ish-presidentit Hashim Thaçi në rastin e dytë ndaj tij dhe të tjerëve për pengim të drejtësisë.</p>
<p class="wp-block-paragraph" data-asw-org-font-size="18">Ekzekutivi në Kosovë doli për rëndësinë e pavarësisë së gjyqësorit dhe respektimin e vendimeve, por shtoi se kjo s’e përjashton të drejtën për të ngritur shqetësime për funksionimin e institucioneve të drejtësisë.</p>
<p class="wp-block-paragraph" data-asw-org-font-size="18">“Sot, në Dhomat e Specializuara në Hagë, u shpall aktgjykimi në rastin ndaj Hashim Thaçit dhe të tjerëve, lidhur me akuzat për pengim të administrimit të drejtësisë. Pavarësia e gjyqësorit dhe respektimi i vendimeve gjyqësore janë parime themelore të sundimit të ligjit. Megjithatë, kjo nuk e përjashton të drejtën dhe përgjegjësinë për të ngritur shqetësime lidhur me funksionimin e institucioneve të drejtësisë.</p>
<p class="wp-block-paragraph" data-asw-org-font-size="18">Në këtë kuptim, kritikat dhe rezervat që kemi shprehur vazhdimisht ndaj Dhomave të Specializuara mbeten të qëndrueshme, veçanërisht sa i përket transparencës së procedurave, respektimit të të drejtave të palëve dhe garantimit të standardeve të një gjykimi të drejtë”, thuhet në reagimin e Qeverisë.</p>
<p class="wp-block-paragraph" data-asw-org-font-size="18">Qeveria tha se “besimi në drejtësi nuk ndërtohet vetëm mbi vendimet që merren, por edhe mbi mënyrën se si arrihet deri tek ato”.</p>
<p class="wp-block-paragraph" data-asw-org-font-size="18">“Prandaj, angazhimi ynë për sundimin e ligjit dhe insistimi për respektimin e plotë të të drejtave dhe garancive procedurale janë pjesë e të njëjtit qëndrim parimor: drejtësia duhet jo vetëm të vihet në vend, por edhe të jetë e drejtë, transparente dhe e besueshme”, thuhet në reagim./et</p>
]]></content:encoded>
					
		
		
		<enclosure url="https://fjala.al/wp-content/uploads/2025/10/logonewk.png" length="18137" type="image/png"/><media:content url="https://fjala.al/wp-content/uploads/2025/10/logonewk.png" width="356" height="91" medium="image" type="image/png"/>	</item>
		<item>
		<title>15:40 Nga fshehja e identitetit te zhvendosja, si mbrohen dëshmitarët e krimeve të luftës?</title>
		<link>https://fjala.al/nga-fshehja-e-identitetit-te-zhvendosja-si-mbrohen-deshmitaret-e-krimeve-te-luftes/</link>
		
		<dc:creator><![CDATA[EL]]></dc:creator>
		<pubDate>Tue, 17 Nov 2026 14:40:09 +0000</pubDate>
				<category><![CDATA[Aktualitet]]></category>
		<category><![CDATA[Kosova]]></category>
		<guid isPermaLink="false">https://fjala.al/?p=955490</guid>

					<description><![CDATA[Sot në Hagë, ish-presidenti i Kosovës, Hashim Thaçi, dhe tre të tjerë u dënuan nga Gjykata Speciale për pengim të administrimit të drejtësisë. Çështja lidhet me ndërhyrjet te dëshmitarët në gjykimin për krime lufte ndaj Thaçit dhe tre ish-krerëve të tjerë të UÇK-së. Thaçi u dënua me 17 muaj burgim. Gjykatësi konstatoi se, gjatë vizitave [...]]]></description>
										<content:encoded><![CDATA[<p class="wp-block-paragraph" data-asw-org-font-size="18">Sot në Hagë, ish-presidenti i Kosovës, Hashim Thaçi, dhe tre të tjerë u dënuan nga <a href="https://www.evropaelire.org/a/fshehja-identitetit-zhvendosja-mbrojtja-deshmitareve-krimeve-luftes/33900350.html" data-asw-org-font-size="18">Gjykata Speciale </a>për pengim të administrimit të drejtësisë. Çështja lidhet me ndërhyrjet te dëshmitarët në gjykimin për krime lufte ndaj Thaçit dhe tre ish-krerëve të tjerë të UÇK-së.</p>
<p class="wp-block-paragraph" data-asw-org-font-size="18">Thaçi u dënua me 17 muaj burgim. Gjykatësi konstatoi se, gjatë vizitave në paraburgim në vitin 2023, Thaçi u kishte dhënë vizitorëve informacione konfidenciale për dëshmitarët dhe, përmes tyre, u kishte përcjellë dëshmitarëve udhëzime se si të dëshmonin.</p>
<p class="wp-block-paragraph" data-asw-org-font-size="18">Ndërhyrja te dëshmitarët përmes frikësimit ishte evidentuar edhe në aktgjykimin e 16 shtatorit, kur katër ish-krerët e UÇK-së, Thaçi, Kadri Veseli, Rexhep Selimi dhe Jakup Krasniqi, u shpallën fajtorë për krime lufte. Gjykatësit konstatuan se procesi ishte zhvilluar në një klimë të vazhdueshme frikësimi, ku disa dëshmitarë kishin tërhequr deklaratat ose ndryshuar dëshmitë e tyre.</p>
<p class="wp-block-paragraph" data-asw-org-font-size="18">Në një çështje tjetër, Gjykata Speciale kishte dënuar më herët edhe dy ish-udhëheqës të Organizatës së Veteranëve të Luftës së UÇK-së, Hysni Gucatin dhe Nasim Haradinajn. Ata kishin publikuar dokumente konfidenciale me të dhëna për dëshmitarët dhe u shpallën fajtorë, ndër të tjera, për frikësim gjatë procedurës penale.</p>
<p class="wp-block-paragraph" data-asw-org-font-size="18">Që në vitin 2011, teksa mandati i Tribunalit për ish-Jugosllavinë po i afrohej fundit, Asambleja Parlamentare e Këshillit të Evropës përmendi vrasjen e disa dëshmitarëve në Kosovë dhe u kërkoi autoriteteve të Kosovës të miratonin një ligj për mbrojtjen e dëshmitarëve në rastet e krimeve të luftës dhe të krimeve të tjera të rënda.</p>
<p class="wp-block-paragraph" data-asw-org-font-size="18">Në prill të vitit 2014, Kosova dhe BE-ja u pajtuan që Dhomat e Specializuara, të njohura si Gjykata Speciale, të kishin një seli jashtë Kosovës dhe të punonin me gjykatës e staf ndërkombëtar.</p>
<p class="wp-block-paragraph" data-asw-org-font-size="18">Marrëveshja e vitit 2016 mes Kosovës dhe Holandës mundësoi mbajtjen e gjykimeve në Hagë. Sipas Speciales, frikësimi i dëshmitarëve ishte një nga arsyet për zgjedhjen e Hagës. Gjykata i përcaktoi masat për mbrojtjen e dëshmitarëve që në fillim.</p>
<p class="wp-block-paragraph" data-asw-org-font-size="18"><strong>Si mbrohen dëshmitarët në Hagë e si në Kosovë?</strong></p>
<p class="wp-block-paragraph" data-asw-org-font-size="18">Dhomat e Specializuara kanë një Zyrë për Mbrojtjen dhe Mbështetjen e Dëshmitarëve, e cila funksionon në kuadër të Regjistrit të Gjykatës, që merret me mbrojtjen dhe mbështetjen e dëshmitarëve para, gjatë dhe pas dëshmisë.</p>
<p class="wp-block-paragraph" data-asw-org-font-size="18">Gjykata tha për Radio Evropën e Lirë se, në pesë gjykime të zhvilluara deri më tani, 92 dëshmitarë që dëshmuan në sallë ose përmes video-lidhjes kishin një formë të masës mbrojtëse brenda gjykatës, por tha se nuk mban statistika të detajuara për llojet e masave të përdorura.</p>
<p class="wp-block-paragraph" data-asw-org-font-size="18">Masat e urdhëruara nga gjyqtarët kanë përfshirë përdorimin e pseudonimeve, ndryshimin e zërit ose të imazhit, heqjen e emrave dhe të të dhënave identifikuese nga dokumentet, mbajtjen e dëshmisë në seanca private ose të mbyllura për publikun, si dhe dëshmimin përmes video-lidhjes. Në disa raste është lejuar edhe prania e një psikologu gjatë dëshmisë.</p>
<p class="wp-block-paragraph" data-asw-org-font-size="18">Gjykata thotë se mund të zbatohen edhe masa të tjera, varësisht nga rrethanat e secilit rast pasi për çdo dëshmitar bëhet vlerësim individual i rrezikut.</p>
<p class="wp-block-paragraph" data-asw-org-font-size="18">“Masat mbrojtëse shtrihen përtej dëshmisë dhe përfundimit të procedurave gjyqësore, kur kjo është e nevojshme. Vlerësime bëhen edhe për rreziqet e mundshme të sigurisë pas dëshmisë dhe ndërmerren masat e duhura”, thuhet në përgjigjen e Gjykatës për REL-in.</p>
<p class="wp-block-paragraph" data-asw-org-font-size="18">Ajo konfirmoi se ka mundësi ligjore të bashkëpunojë me autoritetet vendore dhe shtetet e tjera për të siguruar mbrojtjen e vazhdueshme të dëshmitarëve, përfshirë zhvendosjen e tyre. Megjithatë, Gjykata tha se nuk mund të ofrojë hollësi për këto raste.</p>
<p class="wp-block-paragraph" data-asw-org-font-size="18">Ndërkohë, në Kosovë, mbrojtja e dëshmitarëve rregullohet me Ligjin për Mbrojtjen e Dëshmitarëve, të miratuar më 2011. Ligji parasheh masa para, gjatë dhe pas procedurës penale, kur ekziston rrezik serioz për jetën ose shëndetin fizik dhe psikik të dëshmitarit apo të familjarëve të tij.</p>
<p class="wp-block-paragraph" data-asw-org-font-size="18">Masat përfshijnë mbrojtjen fizike, zhvendosjen e përkohshme në një vend të sigurt, ndërrimin e vendbanimit, punës ose shkollimit, ndryshimin e identitetit dhe mbështetjen financiare, sociale e ligjore.</p>
<p class="wp-block-paragraph" data-asw-org-font-size="18">Megjithë këto masa të parapara me ligj, zbatimi çalon. Misioni i OSBE-së në Kosovë analizoi 48 raste gjykimesh për krime lufte me 138 të akuzuar, të trajtuara nga Departamenti Special i Gjykatës Themelore në Prishtinë gjatë viteve 2019–2025.</p>
<p class="wp-block-paragraph" data-asw-org-font-size="18">Raporti, i publikuar në korrik të vitit 2026, identifikoi vonesa të gjata që lidheshin, ndër të tjera, me mosparaqitjen e dëshmitarëve në gjykatë. Në fund të raportit, OSBE-ja kërkoi masa më të forta mbrojtëse dhe mbështetje më efektive për viktimat dhe dëshmitarët.</p>
<p class="wp-block-paragraph" data-asw-org-font-size="18">Por, efekti i frikësimit të dëshmitarëve ndihet përtej vonesave në gjykim.</p>
<p class="wp-block-paragraph" data-asw-org-font-size="18"><strong>Presioni publik mund të ndikojë te dëshmitarët</strong></p>
<p class="wp-block-paragraph" data-asw-org-font-size="18">Amer Alija nga Fondi për të Drejtën Humanitare në Kosovë thotë se praktikat gjyqësore në rastet e krimeve të luftës kanë nxjerrë në pah ndjeshmërinë e pozitës së dëshmitarëve, veçanërisht në proceset ndaj të akuzuarve të profilit të lartë.</p>
<p class="wp-block-paragraph" data-asw-org-font-size="18">“Vëmendja publike, komentet dhe, në raste të caktuara, etiketimet mund të krijojnë presion mbi dëshmitarët”, thotë Alija për REL.</p>
<p class="wp-block-paragraph" data-asw-org-font-size="18">Meqë në të kaluarën janë evidentuar raste të zbulimit të identitetit të dëshmitarëve të mbrojtur, ai thotë se këto raste kanë ngritur shqetësime për sigurinë e tyre dhe të familjarëve.</p>
<p class="wp-block-paragraph" data-asw-org-font-size="18">“Situata të tilla mund të ndikojnë në besimin ndaj mekanizmave të mbrojtjes dhe në gatishmërinë për të bashkëpunuar me drejtësinë”, thotë ai.</p>
<p class="wp-block-paragraph" data-asw-org-font-size="18">Alija vlerëson se në proceset aktuale në Kosovë për krime lufte ndaj pjesëtarëve të forcave serbe, ku të dëmtuarit janë kryesisht civilë shqiptarë, rrethanat mund ta kenë lehtësuar dëshmimin publik.</p>
<p class="wp-block-paragraph" data-asw-org-font-size="18">Megjithatë, ai thotë se përvoja dhe ndjenja e sigurisë ndryshojnë nga një dëshmitar te tjetri.</p>
<p class="wp-block-paragraph" data-asw-org-font-size="18">“Nevoja për mbrojtje duhet të vlerësohet individualisht, duke përfshirë, kur është e nevojshme, edhe fshehjen e identitetit nga publiku”, thotë Alija.</p>
<p class="wp-block-paragraph" data-asw-org-font-size="18"><strong>Dënime për ndërhyrje te dëshmitarët</strong></p>
<p class="wp-block-paragraph" data-asw-org-font-size="18">Në aktgjykimin e shpallur më 17 nëntor, Gjykata Speciale në Hagë e shpalli fajtor ish-presidentin e Kosovës, Hashim Thaçi, për tentim të pengimit të personave zyrtarë në kryerjen e detyrave zyrtare, shkelje të fshehtësisë së procedurës dhe mosbindje ndaj gjykatës. Për këto vepra, ai u dënua me 17 muaj burgim.</p>
<p class="wp-block-paragraph" data-asw-org-font-size="18">Gjykatësi konstatoi se Thaçi, gjatë vizitave në objektin e paraburgimit më 2023, u kishte dhënë vizitorëve informacione konfidenciale për dëshmitarët e Prokurorisë dhe u kishte përcjellë udhëzime se si duhej të dëshmonin në procesin për krime lufte. Në dy raste, vizitorët i kishin përcjellë këto udhëzime te dëshmitarët Rrustem Mustafa dhe Bislim Zyrapi.</p>
<p class="wp-block-paragraph" data-asw-org-font-size="18">Në këtë proces u dënuan edhe tre të tjerë, teksa një nga të akuzuarit u shpall i pafajshëm.</p>
<p class="wp-block-paragraph" data-asw-org-font-size="18">Dënimet lidhen me veprimet për pengimin e drejtësisë në procesin kryesor ndaj Thaçit dhe të tjerëve për krime lufte, që kishte nisur në prill të vitit 2023.</p>
<p class="wp-block-paragraph" data-asw-org-font-size="18">Në atë proces, Thaçi u dënua me 25 vjet burgim, Kadri Veseli me 18, Rexhep Selimi me 13 dhe Jakup Krasniqi me 25 vjet. Ata u shpallën përgjegjës për krime lufte që përfshinin ndalim arbitrar, trajtim mizor, torturë dhe vrasje. Gjykata i liroi nga akuzat për krime kundër njerëzimit. Verdikti pritet të apelohet.</p>
<p class="wp-block-paragraph" data-asw-org-font-size="18">Por, gjatë leximit të përmbledhjes së aktgjykimit për atë rast, gjykata tha se disa dëshmitarë të Prokurorisë kishin ndryshuar deklaratat e tyre të mëparshme. Sipas gjykatës, disa mund të kenë pasur frikë ose të mos kenë qenë të gatshëm t’i tregonin të gjitha rrethanat, për shkak të shqetësimit për sigurinë e tyre dhe të familjarëve.</p>
<p class="wp-block-paragraph" data-asw-org-font-size="18">Verdikti i sotshëm s’është dënimi i parë nga Gjykata Speciale për pengim të drejtësisë.</p>
<p class="wp-block-paragraph" data-asw-org-font-size="18">Në shtator të vitit 2020, Hysni Gucati dhe Nasim Haradinaj, atëherë drejtues të Organizatës së Veteranëve të Luftës së UÇK-së, pranuan dokumente konfidenciale që lidheshin me hetimet e Task-Forcës Speciale Hetimore dhe Zyrës së Prokurorit të Specializuar.</p>
<p class="wp-block-paragraph" data-asw-org-font-size="18">Ata i publikuan dokumentet në konferenca për media, paraqitje televizive dhe në rrjete sociale. Dokumentet përmbanin emra dhe të dhëna personale të dëshmitarëve dhe dëshmitarëve të mundshëm.</p>
<p class="wp-block-paragraph" data-asw-org-font-size="18">Në maj të vitit 2022, të dy u dënuan me nga katër vjet e gjashtë muaj burgim. Në shkurt të vitit 2023, Gjykata e Apelit ua uli dënimet në nga katër vjet e tre muaj burgim, duke ua llogaritur kohën e kaluar në paraburgim.</p>
<p class="wp-block-paragraph" data-asw-org-font-size="18">Gjykata konstatoi se Gucati dhe Haradinaj kishin përdorur edhe etiketime si “tradhtarë”, “spiunë” dhe “bashkëpunëtorë” për t’iu referuar dëshmitarëve. Sipas trupit gjykues, këto deklarata synonin t’i frikësonin ata dhe t’i bënin të hezitonin të bashkëpunonin me Prokurorinë.</p>
]]></content:encoded>
					
		
		
		<enclosure url="https://fjala.al/wp-content/uploads/2026/11/frggg-1.jpg" length="108378" type="image/jpeg"/><media:content url="https://fjala.al/wp-content/uploads/2026/11/frggg-1.jpg" width="763" height="498" medium="image" type="image/jpeg"/>	</item>
		<item>
		<title>15:31 “Është urgjente”, djali i Kadri Veselit kërkon reagim institucional pas vendimit të Hagës</title>
		<link>https://fjala.al/eshte-urgjente-djali-i-kadri-veselit-kerkon-reagim-institucional-pas-vendimit-te-hages/</link>
		
		<dc:creator><![CDATA[EL]]></dc:creator>
		<pubDate>Tue, 17 Nov 2026 14:31:12 +0000</pubDate>
				<category><![CDATA[Aktualitet]]></category>
		<category><![CDATA[Kosova]]></category>
		<guid isPermaLink="false">https://fjala.al/?p=955477</guid>

					<description><![CDATA[Djali i Kadri Veselit, Klestor Veseli ka reaguar pas vendimit të fundit të Gjykatës në Hagë ndaj ish-presidentit të Kosovës, Hashim Thaçi. Përmes një postimi në Instagram, Veseli ka shprehur pakënaqësinë e tij lidhur me vendimin, duke e cilësuar atë si instrumentalizim të drejtësisë dhe përdorim të saj për diskreditimin e një figure historike dhe [...]]]></description>
										<content:encoded><![CDATA[<p class="wp-block-paragraph" data-asw-org-font-size="18">Djali i Kadri Veselit, Klestor Veseli ka reaguar pas vendimit të fundit të Gjykatës në Hagë ndaj ish-presidentit të Kosovës, Hashim Thaçi. Përmes një postimi në Instagram, Veseli ka shprehur pakënaqësinë e tij lidhur me vendimin, duke e cilësuar atë si instrumentalizim të drejtësisë dhe përdorim të saj për diskreditimin e një figure historike dhe të Ushtrisë Çlirimtare të Kosovës.</p>
<p class="wp-block-paragraph" data-asw-org-font-size="18">“Një pështyrje në fytyrë ndaj sundimit të ligjit. Një instrumentalizim dhe përdorim i drejtësisë si armë për diskreditimin e një figure historike dhe UÇK-së që ai përfaqëson”, ka shkruar Veseli.</p>
<p class="wp-block-paragraph" data-asw-org-font-size="18">Ai ka kërkuar gjithashtu reagim nga institucionet shtetërore, duke theksuar se ato duhet të ndërmarrin veprime lidhur me zhvillimet në Hagë.</p>
<p class="wp-block-paragraph" data-asw-org-font-size="18">“Është urgjente që shteti t’i inkurajojë institucionet ndërkombëtare të kthejnë sytë në atë që po ndodh në Hagë dhe kjo përdhosje që po i bëhet të vërtetës dhe të drejtës nga ajo gjykatë, të dënohet”, ka deklaruar Veseli.</p>
<p class="wp-block-paragraph" data-asw-org-font-size="18">Ndërkohë, sot, ish-presidenti i Kosovës, Hashim Thaçi, u dënua me 17 muaj burgim në rastin për pengim të drejtësisë në Dhomat e Specializuara të Kosovës në Hagë, më 17 nëntor. Ai u shpall fajtor për tentativë për pengim të personave zyrtarë në kryerjen e detyrave, shkelje të fshehtësisë së procedurës dhe mosbindje ndaj gjykatës.</p>
<p class="wp-block-paragraph" data-asw-org-font-size="18">Gjykata konstatoi se Thaçi kishte zbuluar informacione konfidenciale për dëshmitarë gjatë vizitave që kishte pranuar në paraburgim në vitin 2023. Sipas aktgjykimit, ai kishte përdorur vizitorët për t’u përcjellë disa dëshmitarëve udhëzime se si të dëshmonin në procesin e tij për krime lufte.</p>
<p class="wp-block-paragraph" data-asw-org-font-size="18">Fadil Fazliu dhe Bashkim Smakaj u dënuan me nga 12 muaj burgim. Gjykata konstatoi se Fazliu i kishte përcjellë dëshmitarit Rrustem Mustafa udhëzime të Thaçit, ndërsa Smakaj kishte marrë udhëzime me shkrim për dëshminë e Bislim Zyrapit dhe ishte takuar me të.</p>
<p class="wp-block-paragraph" data-asw-org-font-size="18">Të dy u shpallën fajtorë për tentativë për pengim të personave zyrtarë dhe ndihmë në mosbindje ndaj gjykatës. Dënimet e tyre u konsideruan të shlyera me kohën e kaluar në paraburgim.</p>
<p class="wp-block-paragraph" data-asw-org-font-size="18">Isni Kilaj u shpall i pafajshëm për të gjitha akuzat. Gjykata konstatoi se Thaçi i kishte dhënë udhëzime lidhur me dëshminë e një dëshmitari të mbrojtur, por nuk u provua se Kilaj kishte ndërmarrë veprime për t’ia përcjellë ato. Edhe Thaçi u shpall i pafajshëm për tentativën për pengim të personave zyrtarë përmes veprimit të përbashkët me Kilajn.</p>
<p class="wp-block-paragraph" data-asw-org-font-size="18">Megjithatë, ai u shpall fajtor për shkelje të fshehtësisë së procedurës dhe mosbindje ndaj gjykatës, pasi i kishte zbuluar Kilajt informacione konfidenciale për dëshmitarë.</p>
<p class="wp-block-paragraph" data-asw-org-font-size="18">Hajredin Kuçi u dënua me një muaj burgim me kusht, me periudhë prove prej një viti, për mosbindje ndaj gjykatës. Gjykata konstatoi se ai i kishte dërguar një mesazh dëshmitarit Rrustem Mustafa, në kundërshtim me urdhrin që ndalonte kontakte të tilla. Kuçi dhe Thaçi u shpallën të pafajshëm lidhur me një marrëveshje të pretenduar për kontaktimin e tre dëshmitarëve, pasi nuk u gjetën prova të mjaftueshme.</p>
<p class="wp-block-paragraph" data-asw-org-font-size="18">Dënimi prej 17 muajsh i Thaçit do të kryhet veçmas nga dënimi në rastin për krime lufte. Në atë proces të ndarë, ai ishte dënuar me 25 vjet burgim më 16 shtator. Të dy aktgjykimet janë të shkallës së parë dhe mund të apelohen.</p>
<p class="wp-block-paragraph" data-asw-org-font-size="18">Gjykata theksoi se pengimi i detyrave zyrtare gjatë një procesi gjyqësor përbën sulm ndaj integritetit të sistemit të drejtësisë. Prokurorja e specializuar, Kimberly West, e mirëpriti aktgjykimin dhe u zotua të vazhdojë hetimet dhe ndjekjet penale për pengim të drejtësisë./et</p>
]]></content:encoded>
					
		
		
		<enclosure url="https://fjala.al/wp-content/uploads/2026/11/thaci_sd.webp" length="49828" type="image/webp"/><media:content url="https://fjala.al/wp-content/uploads/2026/11/thaci_sd.webp" width="1280" height="720" medium="image" type="image/webp"/>	</item>
		<item>
		<title>10:59 Pengim i drejtësisë/ Haga dënon me dënohet me 17 muaj burg ish-presidentin e Kosovës Hashim Thaçi! Ja dënimi për 4 të akuzuarit e tjerë</title>
		<link>https://fjala.al/pengim-i-drejtesise-haga-denon-me-denohet-me-17-muaj-burg-ish-presidentin-e-kosoves-hashim-thaci/</link>
		
		<dc:creator><![CDATA[Klara]]></dc:creator>
		<pubDate>Tue, 17 Nov 2026 09:59:28 +0000</pubDate>
				<category><![CDATA[Aktualitet]]></category>
		<category><![CDATA[Kosova]]></category>
		<category><![CDATA[Kryesore]]></category>
		<guid isPermaLink="false">https://fjala.al/?p=955354</guid>

					<description><![CDATA[Ish-presidenti i Kosovës, Hashim Thaçi, është dënuar me 17 muaj burgim për veprat penale që lidhen me pengim të drejtësisë. Ai është shpallur fajtor për trentativë për pengimin te personave zyrtare në kryerjen e detyrave zyrtare me anë të veprimit të përbashkët Fajtor për shkelje të fshehtësisë së procedurës. Gjithashtu është shpallur fajtor për mosbindje [...]]]></description>
										<content:encoded><![CDATA[<p data-asw-org-font-size="17">Ish-presidenti i Kosovës, Hashim Thaçi, është dënuar me 17 muaj burgim për veprat penale që lidhen me pengim të drejtësisë.</p>
<p data-asw-org-font-size="17">Ai është shpallur fajtor për trentativë për pengimin te personave zyrtare në kryerjen e detyrave zyrtare me anë të veprimit të përbashkët Fajtor për shkelje të fshehtësisë së procedurës.</p>
<p data-asw-org-font-size="17">Gjithashtu është shpallur fajtor për mosbindje ndaj gjykatës.</p>
<p data-asw-org-font-size="17">Bashkim Smakaj është dënuar me 12 muaj burgim. Ai është shpallur fajtor për pengim të personave zyrtarë, për mosbindje të Gjykatës.</p>
<blockquote data-asw-org-font-size="20">
<p data-asw-org-font-size="17">“Meqenëse keni kaluar më shumë muaj në paraburgim, ju liroheni”, ka thënë gjyqtari Gosnell.</p>
</blockquote>
<p data-asw-org-font-size="17">Isni Kilaj është shpallur i pafajshëm për akuzat në rastin për pengim të drejtësisë. Gjyqtari Christopher Gosnell urdhëroi lirimin e tij pas përfundimit të seancës, pasi koha e kaluar në paraburgim ia mbulon dënimin e shqiptuar.</p>
<p data-asw-org-font-size="17">Fadil Fazliu u dënua me 12 muaj burgim në rastin për pengim të drejtësisë. Megjithatë, ai do të lirohet pas përfundimit të seancës, pasi koha e kaluar në paraburgim ia mbulon dënimin e shqiptuar.</p>
<p data-asw-org-font-size="17">Hajredin Kuçi u dënua me një muaj burgim me kusht. Dënimi nuk do të ekzekutohet nëse Kuçi nuk kryen ndonjë vepër tjetër penale gjatë periudhës njëvjeçare të provës.</p>
<p data-asw-org-font-size="17">Prokuroria thotë se Thaçi, gjatë vizitave që ka pranuar në Qendrën e Paraburgimit në Hagë në vitin 2023, u ka dhënë të bashkakuzuarve informacione konfidenciale për dëshmitarët dhe udhëzime për të ndikuar në dëshmitë e tyre./k.m</p>
]]></content:encoded>
					
		
		
		<enclosure url="https://fjala.al/wp-content/uploads/2026/11/WhatsApp-Image-2026-11-17-at-10.59.10.jpeg" length="37963" type="image/jpeg"/><media:content url="https://fjala.al/wp-content/uploads/2026/11/WhatsApp-Image-2026-11-17-at-10.59.10.jpeg" width="780" height="440" medium="image" type="image/jpeg"/>	</item>
		<item>
		<title>10:33 Nis aktgjykimi për Hashim Thaçin në Hagë, Prokuroria kërkon edhe 6 vite burg për pengim të drejtësisë</title>
		<link>https://fjala.al/nis-aktgjykimi-per-hashim-thacin-ne-hage-prokuroria-kerkon-edhe-6-vite-burg-per-pengim-te-drejtesise/</link>
		
		<dc:creator><![CDATA[Anisa]]></dc:creator>
		<pubDate>Tue, 17 Nov 2026 09:33:36 +0000</pubDate>
				<category><![CDATA[Aktualitet]]></category>
		<category><![CDATA[Kosova]]></category>
		<guid isPermaLink="false">https://fjala.al/?p=955321</guid>

					<description><![CDATA[Gjykata Speciale në Hagë ka nisur seancën për shpalljen e aktgjykimit ndaj Hashim Thaçit dhe katër të bashkakuzuarve të tij për pengim të dyshuar të drejtësisë. Përveç Thaçit, në këtë rast akuzohen edhe ish-shefi i Agjencisë Kosovare të Inteligjencës, Bashkim Smakaj, ish-kryetari i Malishevës, Isni Kilaj, ish-ministri i Drejtësisë, Hajredin Kuçi, dhe veterani i Ushtrisë [...]]]></description>
										<content:encoded><![CDATA[<p>Gjykata Speciale në Hagë ka nisur seancën për shpalljen e aktgjykimit ndaj Hashim Thaçit dhe katër të bashkakuzuarve të tij për pengim të dyshuar të drejtësisë.</p>
<p>Përveç Thaçit, në këtë rast akuzohen edhe ish-shefi i Agjencisë Kosovare të Inteligjencës, Bashkim Smakaj, ish-kryetari i Malishevës, Isni Kilaj, ish-ministri i Drejtësisë, Hajredin Kuçi, dhe veterani i Ushtrisë Çlirimtare të Kosovës, Fadil Fazliu.</p>
<p>Të pesë të akuzuarve u është kërkuar të jenë fizikisht të pranishëm në seancë, e cila zakonisht transmetohet me dhjetë minuta vonesë.</p>
<p>Prokuroria i akuzon për përpjekje të paligjshme për të ndikuar në dëshmitarët e procesit gjyqësor për krime lufte ndaj ish-krerëve të UÇK-së.</p>
<p>Thaçi, i dënuar në shkallë të parë me 25 vjet burgim për krime lufte, përballet me mundësinë e një dënimi tjetër, pasi Prokuroria ka kërkuar edhe gjashtë vjet heqje lirie për pengim të drejtësisë./Rel-ad</p>
]]></content:encoded>
					
		
		
		<enclosure url="https://fjala.al/wp-content/uploads/2026/11/hashim.jpg" length="45384" type="image/jpeg"/><media:content url="https://fjala.al/wp-content/uploads/2026/11/hashim.jpg" width="751" height="438" medium="image" type="image/jpeg"/>	</item>
	</channel>
</rss>
