Më shumë se 1.5 milionë pelegrinë kanë mbërritur në Arabinë Saudite për Haxhin. Haxhi është një nga pesë shtyllat e islamit dhe çdo mysliman që ka mundësi duhet ta kryejë të paktën një herë në jetë.

Ai përfshin një sërë ritualesh që zhvillohen për të paktën katër ditë në Mekë dhe rrethinat e saj, në pjesën perëndimore të Arabisë Saudite. /kb

“Ky operacion është rezultat i një hetimi të përbashkët të zhvilluar nga një skuadër e përbashkët hetimore. Në vijim të hetimeve janë caktuar 15 masa sigurie personale, 10 prej të cilave janë caktuar nga GJKKO.

Është një element shumë i rëndësishëm i këtij rasti jo vetëm goditja e krimit por dhe goditja e produkteve dhe pasurive që kanë rrjedhur nga aktiviteti i trafikut të lëndëve narkotike.

Gjatë hetimeve paraprake janë sekuestruar 1 milion euro para në gjendje cash.

Pas kërkesës së SPAK janë sekuestruar automjete, llogari bankare, shoqëri që dyshohet se rrjedhin nga aktiviteti kriminal.

Ajo që dua të theksoj është që ky rezultat kjo skuadër nuk vjen si pasojë i një terreni bosh por vazhdimësi e skuadrave hetimore mes autoriteteve të Barit dhe SPAK”, tha Braho/kb

Konferenca zhvillohet në kuadër të procesit të anëtarësimit dhe organizohet nga Komiteti i Përfaqësuesve të Përhershëm të vendeve anëtare të Bashkimit Europian, COREPER. Në fokus të diskutimeve do të jetë ecuria e Shqipërisë në përmbushjen e detyrimeve të përcaktuara nga BE-ja, si dhe vendosja e standardeve përmbyllëse për Grupin 1 “Bazat”, që konsiderohet një nga grupkapitujt më të rëndësishëm të negociatave.

Takimi i tetë i Konferencës së Anëtarësimit pritet të konfirmojë përmbushjen e standardeve të ndërmjetme nga Shqipëria për kapitujt kyç që lidhen me funksionimin e shtetit ligjor dhe institucioneve demokratike. Në këtë grup përfshihen Kapitulli 23 “Gjyqësori dhe të Drejtat Themelore”, Kapitulli 24 “Drejtësia, Liria dhe Siguria”, si dhe çështje që lidhen me funksionimin e institucioneve demokratike, reformën në administratën publike dhe kriteret ekonomike.

Po ashtu, pjesë e Grupit 1 janë edhe Kapitulli 5 për prokurimin publik, Kapitulli 18 për statistikat dhe Kapitulli 32 për kontrollin financiar, fusha të cilat konsiderohen themelore për harmonizimin e legjislacionit shqiptar me standardet e Bashkimit Europian.

Vendimi i vendeve anëtare për të avancuar me këtë fazë të negociatave vjen pas një serie raportesh pozitive dhe vlerësimesh nga institucionet europiane për progresin e bërë nga Shqipëria gjatë viteve të fundit. Në mënyrë të veçantë, BE-ja ka vlerësuar avancimin në forcimin e shtetit të së drejtës, përmirësimin e funksionimit të institucioneve demokratike dhe vijimin e reformave strukturore të kërkuara në kuadër të procesit të integrimit.

Një peshë të rëndësishme në këto vlerësime vijon të mbajë reforma në drejtësi, e konsideruar si një nga shtyllat kryesore të procesit të negociatave. Sipas raporteve të Bashkimit Europian, Shqipëria ka shënuar progres në forcimin e pavarësisë së institucioneve të drejtësisë, rritjen e efikasitetit të sistemit gjyqësor dhe intensifikimin e luftës kundër korrupsionit dhe krimit të organizuar.

Institucionet europiane kanë theksuar gjithashtu rëndësinë e vazhdimit të reformave për garantimin e transparencës, funksionimit të administratës publike sipas standardeve europiane dhe krijimin e një klime më të favorshme për zhvillimin ekonomik dhe investimet./A.D

Me anë të një postimi në rrjetet sociale, Begaj ka ndarë momentin e takimit me Atin e Shenjtë, duke shkruar se lidhja e Shqipërisë me Vatikanin ka vlera të mëdha historike, duke shtuar se e ka ftuar të vizitojë Shqipërinë.

“Takimi me Atin e Shenjtë, Papa Leone XIV, është gjithnjë një takim i përzemërt.

Lidhja e Shqipërisë me Selinë e Shenjtë ka vlera të mëdha historike bazuar mbi sakrificë, pasion e shenjtëri.

Vlerësova marrëdhëniet tona dhe e ftova Atin e Shenjtë për të vizituar Shqipërinë”, shkruan Begaj./A.D

Rama u shpreh se opozita arriti deri në pikën që përdori edhe flamujt e Gjermanisë në Bulevard, duke shtuar se gjatë konferencës ndërqeveritare në Bruksel me BE-në do të takohet edhe me kancelarin gjerman, dhe do ta ‘përshëndeste’ opozitën me informacione të detajuara.

“Çfarë nuk thanë për këtë që nesër bëhet një tjetër fakt. Ku nuk shkuan dhe çfarë nuk sajuan. Dhe mbi të gjitha për turpin e madh, por turpi është një fjalë që nuk ka lidhje me ta. Morën rrugën me molotovë dhe gëzoheshin që kazanët e plehrave që digjeshin, apo flakadanët që godisnin Kryeministrinë dhe Xhaminë e Madhe dilnin në mediat e botës.

Arritën deri në pikën që nxorën flamujt e Gjermanisë në bulevard. Kishim parë flamujt e Amerikës, kur thonin: ‘Amerika është me ne’. Këtej molotovët, këtej flamujt e Gjermanisë dhe mbushën dynjanë që Gjermania na ka ndëshkuar.

Nesër në Bruksel janë të gjithë, është edhe Gjermania. Pas disa ditësh, do t’ju çoj si përshëndetje një informacion të detajuar nga takimi që do kem me kancelarin e Gjermanisë.

Dua të argëtohem pak me ata. Unë kam shumë qejf kur ata shkojnë vetë te grepi dhe tunden në grep.

Dua të them vetëm që sot ne përfaqësojmë Shqipërinë me forcën e transformimit. Jo thjesht sepse kemi restauruar fasada, as se kemi mundësinë të paraqitemi me atlete, por sepse ky është një vend që para një dekade kishte më pak se 10 miliardë euro prodhim. Sot ka kaluar 27 miliardë. Paga mesatare në sektorin publik është 1086 euro, të ardhurat janë rritur përsëri pa rritur taksën. Sot kreditë bankare janë 10 miliardë euro. Do të vazhdojë rruga e transformimit”, u shpreh Rama.

Teksa tha se Partia Socialiste është ndarë nga periudha e komunizmit, Rama e cilësoi Berishën si “mbeturina më e neveritshme komuniste”.

“PS është një parti liberale dhe një parti e lidhur ngushtë me atë Luftë Nacionalçlirimtare që e vendosi Shqipërinë në krahun e duhur të historisë.

Por, nga ana tjetër, PS e ka të qartë që në hapat e parë raportin me atë pjesë që na lidh me diktaturën komuniste, ndërsa të tjerët kanë luftuar dhe vazhdojnë të luftojnë sot komunistët dhe jo komunizmin.

Ndërkohë që PS i ka vlerësuar komunistët për atë që kanë qenë dhe e ka refuzuar komunizmin për atë që ka kryer.

Nuk është rastësi që sot, në anën tjetër, vazhdon dhe mbijeton në krye të asaj që gabimisht quhet opozitë, një mbeturinë e komunizmit, e komunizmit në formën e vet më të neveritshme, siç e përcaktonte Vaclav Havel: formën më të keqe e ka te komunisti-antikomunist”, tha Rama./A.D

Sipas Ministrisë së Jashtme ruse, gjatë telefonatës së zhvilluar të hënën, Lavrov deklaroi se sulmet ruse përbëjnë një “përgjigje ndaj sulmeve të vazhdueshme terroriste nga regjimi i Kievit” kundër civilëve në territorin rus.

Moska bëri të ditur se forcat e saj të armatosura kanë nisur “sulme sistematike” ndaj objekteve në Kiev që përdoren për nevojat e ushtrisë ukrainase, përfshirë edhe qendra të rëndësishme të vendimmarrjes.

Në të njëjtën kohë, Lavrov i kërkoi SHBA-së të tërheqë personelin e ambasadës amerikane nga Kyiv, duke iu referuar paralajmërimit të autoriteteve ruse drejtuar vendeve që kanë misione diplomatike në kryeqytetin ukrainas.

Sipas deklaratës zyrtare të palës ruse, Moska u ka bërë thirrje qeverive të huaja “të sigurojnë largimin e personelit diplomatik dhe qytetarëve të tyre nga Kievi”, mes tensioneve në rritje dhe përshkallëzimit të sulmeve në rajon./A.D

Pas sekuestrimit, pasuritë administrohen nga Agjencia e Administrimit të Pasurive të Sekuestruara dhe të Konfiskuara, e cila i publikon ato dhe në shumicën e rasteve i jep me qira. Aktualisht, 3982 pasuri dhe prova materiale, ku përfshihen apartamente, njësi shërbimi, toka dhe automjete, janë nën mbikëqyrjen e këtij institucioni.

Gazetarja Anila Hoxha ka treguar në emisionin Top Story detaje nga sekuestrimi i një apartamenti të ish-prokurorit Adriatik Llalla, duke theksuar se pas konfiskimit, prona kaloi në favor të shtetit dhe sot përdoret si qendër sociale dhe kulturore.

“Më publikja është rastri i konfiskimit të një apartamentit të konstatuar gjatë hetimit të ish-prokurorit Adriatik Llalla, pasuri e cila u konsiderua e pajustifikuar, e ardhur nga veprimtari e paligjshme. Për këtë arsye ajo nga sekuestrimi më pas, kaloi në favor të shtetit si e konfiskuar. Sot, apo prej disa vitesh, kjo pasuri, ky apartament, që është pronë e shtetit shqiptar përdoret për aktivitete dhe si qendër sociale dhe kulturore.

Jemi duke folur pas dënimit të z. Llalla, i cili kur u dënua, u largua nga Shqipëria dhe menjëherë paralelisht u vendos sekuestrim dhe konfiskim. Në momentin që iu vendos konfiskimi, kjo pasuri nuk u shit, por i kaloi, më shumë edhe për të dhënë një mesazh domethënës, kaloi për përdorim social. Një apartament përmbi 100 mijë euro në Durrës”, tha ndër të tjera gazetarja.

Pesë krisma radhazi. Pa lëkundje. Edhe pse asnjë nuk e zuri. Atentatori ishte aty. Nuk erdhi nga stepat ruse dhe as nga zyrat e Kominternit. Ishte shqiptar, nga Piqerasi i bregdetit, dhe quhej Vasil Laçi…

…Atentati ndodhi më 17 maj 1941. Nëntë ditë më vonë, më 26 maj, makineria pushtuese fashiste e dënoi me vdekje dhe një ditë pas vendimit e ekzekutoi në litar. Faji i tij? Kishte guxuar të ngrinte armën kundër Viktor Emanuel III, mbretit italian dhe perandor i Etiopis,që mbante mbi kokë kurorën e grabitur të Shqipërisë – simbolin e pushtimit, dhunës dhe përdhosjes së sovranitetit të një vendi të vogël ballkanik.

Vizita e goditur

Viktor Emanueli III kishte planifikuar një vizitë të zgjeruar në Shqipëri pas pushtimit italian. Ai qëndroi shtatë ditë në vend dhe, përveç Tiranës, vizitoi edhe Krujën, Shkodrën, Durrësin, Vlorën, Sarandën, Delvinën, Gjirokastrën dhe Korçën. Por përgjatë Rrugës së Durrësit, – tek donte të mbërrinte në Laprakë ku do ti hipte avionit, – kortezhi perandorak u përball me atë që propaganda fashiste nuk e kishte llogaritur: rezistencën shqiptare. Plumbat e atentatit plagosën lehtë kryeministrin kolaboracionist Shefqet Vërlaci por nuk dëmtuan “augustin”.

Frika nga “gjaku shqiptar”

Në planin propagandistik, Roma fashiste nuk mund ta pranonte kurrë që një djalosh shqiptar po refuzonte me plumba “mirësinë” e Perandorisë. Pranimi i kësaj do të rrëzonte gjithë mitin e “çlirimit” dhe “bashkimit” me Italinë.

Te romani “Nëntori i një kryeqyteti”, Ismail Kadare e zbërthen me mjeshtëri panikun e propagandës fashiste kur shkruan: Më në fund ata e gjetën zgjidhjen: atentatori ishte çifut, sigurisht; përveç kësaj ishte dhe rus, pra çifut rus, i maskuar nën emrin Vasil Laçi.

Njoftimi zyrtar i zyrs perandorake përpiqej me dëshpërim të fshinte të vërtetën, duke deklaruar se monarku kishte shpëtuar nga nj “agjent i Kominternit”, njëfarë Izak Mihajllov, i dërguar posaçërisht për atentatin. “Zoti e shpëtoi perandorin august”, thuhej në njoftim,

Ishte një përpjekje groteske për t’ia mohuar Shqipërisë birin e saj rebel nga bregdeti.

Të vdesësh si shqiptar

Për Romën, ishte e paimagjinueshme që populli që pretendonte se po “civilizonte” po i përgjigjej me grykën e pistoletës. Ky absurditet del edhe në prapaskenat e procesit gjyqësor, të sjella më vonë në filmin “Plumba Perandorit” të regjisorit Mevlan Shanaj.

Teksa kryetari i trupit gjykues, i veshur me uniformën fashiste, diskutonte me cinizëm me oficerin e shërbimeve sekrete, Xanini, që kishte montuar procesin se si duhej “shitur” atentatori para opinionit publik – si grek, si rus, si çifut apo si sllav – përgjigjja e prerë vuloste të vërtetën:

-I dashur, ai po vdes si shqiptar. Më kupton? Si shqiptar.

Në atë fjali kishte më shumë frikë sesa propagandë. Sepse pushtuesit e kuptonin se një komb që prodhon njerëz të gatshëm të vdesin për lirinë, nuk mund të mbahet gjatë nën çizmen pushtuese.

Më shumë se hakmarrje

Vasil Laçi foli vetë përpara hetuesve të tij, me një kthjelltësi që nuk lalinte vend për interpretime:

-Mund t’ju them se qëllova me bindje të plotë mbi perandorin, sepse vetëm kështu mund të veproja.

Ky atentat nuk ishte një akt i izoluar dhe as një shpërthim i verbër rinor, si u mundua ta shiste propaganda. Ishte britma e një brezi që refuzonte ta shihte Shqipërinë si provincë të Fashos Romane. Në një kohë kur propaganda dhe kolaboracionistët përpiqeshin ta paraqisnin okupimin si “aleancë”, plumbat e Laçit grisën perden e mashtrimit. Ata treguan se Shqipëria ishte e pushtuar, por jo e nënshtruar.

Regjimi fashist reagoi me egërsinë tipike të pushtuesit që ndien frikën pas uniformës. Dënimi me varje u mendua si spektakël terrori për të mbjellë nënshtrim publik. Por historia prgjithsisht tallet me diktaturat: aty ku ato kërkojnë të zhdukin një emër, përfundojnë duke krijuar një simbol.

Epilogu

Vasil Laçi u shpall më vonë “Hero i Popullit”. Enciklopedia Shqiptare e vitit 1985 e përshkruan si një të ri patriot dhe antifashist, ndërsa atentati i tij konsiderohet si një nga sinjalet e para të rezistencës së organizuar kundër pushtimit italian.

Sot, figura e Vasil Laçit nuk i përket vetëm kronikës historike. Ajo mbetet simbol i kundërshtimit ndaj pushtimit dhe poshtërimit kombëtar. Ai kujton se liria e një vendi nuk matet me madhësinë e territorit apo fuqinë e ushtrive, por me njerëzit që janë të gatshëm të japin jetën për të mos jetuar në gjunjë.

Sipas Berishës, kryeministri Edi Rama u përpoq të infiltroi në Partinë Demokratike një përfaqësues të organizatave më të rrezikshme kriminale.

Berisha nuk përmendi emra, por deklarata të tilla janë bërë në mënyrë të përsëritura prej tij, që i lidhi publikisht me Ervin Salianjin.

Kryedemokrati shtoi se individë të tillë mendonin se mund të ktheheshin në partinë prej të cilës u larguan për të shkuar drejt një partie tjetër.

“Përpjekjet e tij për të infiltruar një përfaqësues të organizatave më të rrezikshme kriminale. Përpjekjet e tyre për të promovuar të përdalë, që ikin nga partia e shkojnë nëpër parti të tjera e pastaj mendonin se mund të ktheheshin në këtë parti”,-tha Berisha./mxh

Nga Durrësi, në 35-vjetorin e PS në këtë qytet, Rama u shpreh se nga nesër, fillon mbyllja e grupkapitujve, me konferencën ndërqeveritare Shqipëri-BE në Bruksel.

“Qëllon edhe që do të jetë dita përpara mbledhjes, konferencës ndërqeveritare Shqipëri BE nesër, ku do të vuloset hapja e fazës përmbyllëse të negociatave me BE. Shqipëria, pasi hapi të gjitha kapitujt në kohë rekord, tanimë konsiderohet e gatshme për të filluar nga mbyllja e kapitujve të negociatave. Konferenca e nesërme zhvillohet sipas kalendarit, me synimin e përbashkët që negociatat e anëtarësimit të mbyllen brenda 2027. Është një majë që tani e prekim me sy dhe rrugën e kemi të piketuar. Edhe kohën për ta zhvilluar atë rrugë e kemi të planifikuar. Jemi sot, më afër se asnjëherë BE”, tha Rama./mxh