Në një intervistë për Blendi Fevziun në emisionin “Opinion”, Berisha ka treguar me bindje se PD-ja është partia më e fortë demokratike në Europë, duke iu referuar kalvareve që ka hequr kjo parti gjatë viteve të fundit.

Sipas Berishës, partia që udhëheq ka gjithë këto vite në protesta por nuk do të ndalet, për t’i hapur sytë shqiptarëve, ashtu siç ka bërë gjithë këto vite, sipas tij, me anë të rrëfimit të aferave skandaloze si: ‘5d-ja’, aeroporti i Vlorës, korrupsioni dhe personat e implikuar nga bota kriminale me pushtetin.

“Klevis Balliu i dha vezë Ramës në parlament. Edi Rama ëshët hakmarrës primitiv. Që Balliun se duan ta them unë. Ka punuar e punon non-stop për protestën.
Është rekord kombëtar për 1 vit e gjysmë në protestë në Astir. Ka kaluar një vit e gjysmë të jetës së tij në protestë, 420 ditë në protestë.
Çdo gjë është denoncuar. Pa denoncime shqiptarët nuk do dinin gjë për aeroportin e Vlorës, për 5d-të, për inceneratorët, për emrat e Suel Çelës, Ergys Agasit, për anulimin për ligjin për mbrojtjen e zonave të mbrojtura, për paketën e maleve.
Kjo opozitë ka qenë avokate e të gjitha aferave që kanë shpërthyer deri tani.
Qytetarët në radhë të parë, protestat nga dhjetori deri në 12 maj janë protestat më të mëdha të PD-së që jehuan nëpër botë.
Nuk ishte protestë ajo e të hënave, ishte foltore e qytetarëve. Doja që qytetarët të merrnin mikfrofonin e të flisnin.
Ne shkojmë në respekt të atyre protestuesve që janë pro largimit të Edi Ramës dhe jo për ata që janë pro zgjatjes së udhëheqjes së Ramës. Me ata nuk kemi punë ne.
Sondazhin NOTO e njihni besoj. E ka bërë në tetor.
Çfarë thotë NOTO?
NOTO tregon se opozita e bashkuar dominon ndjeshëm në Tiranë. Në qershor ajo protestë kishte prapa të paktën 60% të shqiptarëve.
Rama e ka kthyer procesin zgjedhor në farsë.
Partia Demokratike është absolutisht më e forta. Njeh ndonjë parti demokratike në Europë që të ketë një qëndrueshmëri të tillë?
Mos harroni çfarë hoqi PD në këto 5 vite të fundit.
Ne shpallemi fitues në Tiranë nëse bashkohemi.”, tha Berisha./Mxh

I ftuar në emisionin “Opinion”, Berisha tha se është i gatshëm të ulet dhe të bashkohet me çdo parti të vogël për të larguar kryeministrin Edi Rama nga qeverisja.

Gjithashtu shtoi se është i gatshëm të dalë me kandidatë të përbashkët në bashkitë e vendit.

“I ftoj të bashkohemi. Çdo njeri që thotë nuk bashkohem me Berishën, mbron Ramën. Por armiku i armikut tim është aleati im që nesër. Bashkohem me cilindo që të largojmë Edi Ramën nga pushteti. I them dhe atij dhe çdo njeriu, çdo force politike, çdo shoqatë hajde bashkohemi për të përzënë Edi Ramën.
Për bashkimin jemi të gatshëm të nxjerrim kandiatë të përbashkët në bashkitë e vendit. Ne nuk ftojmë me paragjykime. Jemi të gatshëm për frontin më të gjerë të mundshëm, qoftë në protestë, qoftë në zgjedhje. Jemi të gatshëm të ndryshojmë ligjin elektoral. Jemi 100% për lista të hapura.
Jam i gatshëm të takohem më të gjithë për bashkimin. Rëndësi ka të largojmë këtë të keqe të madhe që po shkatërron Shqipërinë”, tha Berisha./mxh

Sipas të përditshmes kroate “Jutarnji List”, në dokumentin e ri Komisioni Evropian do të konfirmojë se objektivi i Shqipërisë për të përmbyllur negociatat e anëtarësimit deri në fund të vitit 2027 është i realizueshëm.

Në këtë kuadër, Brukseli pritet të përcaktojë edhe afatet për mbylljen e kapitujve të negociatave. Shqipëria, e cila renditet ndër vendet me përparimin më të madh në procesin e integrimit, pas Malit të Zi, ka ende 31 kapituj për të përmbyllur. Megjithatë, sipas gazetës kroate, një pjesë e diplomatëve evropianë e konsiderojnë këtë objektiv mjaft ambicioz.

Sa i përket Malit të Zi, parashikimet janë edhe më optimiste. Sipas raportimeve, Podgorica mund të përfundojë negociatat e anëtarësimit deri në fund të dhjetorit 2026, ndërsa Traktati i Anëtarësimit mund të nënshkruhet në qershor të vitit 2027./mxh

Gjatë një takimi të zhvilluar këtë të martë në selinë blu me grupet e punës së qarkut Tiranë, Berisha u ndal te protestat e ditëve të fundit dhe angazhimi i të rinjve, duke kërkuar që energjia e krijuar nga lëvizja studentore të mos humbasë.

“Shpërthimi rinor të mos shkojë dëm. Ne nuk heqim dorë nga protesta, pasi protesta është pjesë e jona”, deklaroi Berisha.

Kreu i PD-së kërkoi që strukturat demokratike të vijojnë organizimin dhe mobilizimin, ndërsa protestat i cilësoi si një nga instrumentet kryesore të përballjes politike me qeverinë.

Në takim u diskutua edhe për mundësinë e bashkimit të forcave politike dhe shoqërore kundër mazhorancës. Berisha u shpreh se opozita duhet të punojë për krijimin e një fronti të përbashkët.

“Shpresojmë të ngremë një front të përbashkët në interes të vendit”, tha ai.

Paralelisht me protestat, Berisha u kërkoi drejtuesve dhe grupeve të punës të nisin përgatitjet për zgjedhjet e ardhshme lokale, duke theksuar nevojën për forcimin e strukturave dhe organizimin në terren.

Takimi zhvillohet në një kohë kur protesta studentore vijon në Tiranë, ndërsa PD ka shprehur gatishmërinë për t’iu bashkuar mobilizimit kundër qeverisë. Megjithatë, studentët kanë artikuluar kërkesat e tyre si një lëvizje të pavarur nga partitë politike./MXH

Buxheti i ministrisë përllogaritet në 75.45 miliardë lekë.

Pas prezantimit, përmes një postimi në Facebook, Karakaçi theksoi se buxheti garanton financimin e plotë të projekteve prioritare në infrastrukturë dhe energji.

“Buxheti 2027 i #MIE garanton financimin e plotë të projekteve prioritare në infrastrukturë dhe energji. Me investime në akset rrugore dhe për ujësjellës-kanalizimet në të 12 qarqet, vijojmë të investojmë në zhvillimin e vendit, përmirësimin e jetës së qytetarëve dhe të ardhmen evropiane të Shqipërisë”, shkruan ministri./mxh

Përmes një postimi në rrjetet sociale, Rama ka ndarë detaje nga takimi, duke u shprehur se bisedat me kreun e NATO-s janë gjithmonë të veçanta. Ai e cilësoi Rutte si një njohës të Europës dhe një vëzhgues të vëmendshëm të zhvillimeve në Ballkanin Perëndimor.

Kryeministri bëri të ditur gjithashtu se gjatë takimit ka marrë vlerësime për ecurinë e sektorit të mbrojtjes në Shqipëri dhe për angazhimin e vendit në përmbushjen e detyrimeve si anëtar i NATO-s.

Rama ka falënderuar gjithashtu Rutte për vlerësimet dhe inkurajimin ndaj Shqipërisë, duke e konsideruar takimin një mundësi për të diskutuar angazhimet e vendit në kuadër të Aleancës.

Në njoftimin e NATO-s ishte bërë e ditur se takimi do të zhvillohej pa një dalje publike për mediat.

Postimi i Edi Ramës:

“Gjithnjë të veçanta takimet me Sekretarin e Përgjithshëm, Mark Rutte, një njohës i spikatur i Europës, vëzhgues i vëmendshëm i Ballkanit Perëndimor dhe dashamirës i hapur i Shqipërisë. Kënaqësi për fjalët vlerësuese dhe inkurajuese për ecurinë e sektorit të mbrojtjes në Shqipëri, si edhe seriozitetin e Shqipërisë në përmbushjen e detyrimeve të NATO-s”./mxh

Ambasadorja e BE-së në Shqipëri, Sofia Moreira de Sousa zhvilloi sot një takim me kryetarin e grupit parlamentar të Partisë Demokratike, Gazment Bardhi.

Në një postim në llogarië e saj në X, Sousa shkruan se gjatë takimit u diskutua për rrugëtimin e Shqipërisë drejt BE dhe rëndësinë e angazhimit të të gjitha palëve në proces.

Postimi i plotë i ambasadores Sofia Moreira de Sousa:

U takova sot me Gazment Bardhin, kryetarin e grupit parlamentar të PD-së, për të diskutuar rrugëtimin e Shqipërisë drejt anëtarësimit në BE.

Patëm një diskutim të frytshëm mbi rolin qendror të Kuvendit në miratimin e reformave, përafrimin e legjislacionit me atë të BE-së dhe sigurimin e llogaridhënies së ekzekutivit.

Kjo kërkon angazhimin e të gjitha palëve dhe që Kuvendi të jetë një hapësirë e mirëfilltë dialogu./et

“Unë jam një njeri që gjithmonë, ju e dini, kërkoj të debatoj, të përballem me njerëzit, të sfidoj e të sfidohem, por nuk është e lehtë kur thua ‘’po proteston’’, për çfarë? Do të dëgjohesh? Eja. Dua t’ju dëgjoj, dua të flas më ju. “Jo nuk duam t’ju dëgjojmë, nuk duam të flasim me ty, duhet të ikësh”. Më fal, por nuk ma dhatë ju këtë punë. E kam këtë punë, më është dhënë nga populli shqiptar dhe kam një kontratë kështu që eja, le të flasim. Jam gati t’ju dëgjoj. “Jo, jo”! Pra nuk flasim, nuk ka dialog, nuk ka diskutim, por thelbi i çështjes është që ndryshe nga vende të tjera, kjo fazë e re dhune ka si karakteristike një numër shumë të ulët njerëzish, nuk është se është populli shqiptar në rrugë, janë shumë më tepër njerëz”, tha Rama.

Kryeministri tha se sfida është që njerëzit të kuptojnë cakun e lirisë së tyre, ndërsa qeveria kupton se kërkesat e njerëzve tejkalojnë atë që ekonomia prodhon./mxh

“Programi i transportit rrugor, synohet një sistem modern, i sigurt dhe i lidhur në kontekstin rajonal. Në 2027-ën do të vijohet me financim me prioritet të akseve të Korridorit VIII dhe Korridorit Blu. Për këtë program 35.15 miliardë lekë buxheti për këtë program për këtë vit, 90% është financimi i brendshëm dhe 10% i huaj. Për vitin 2027, prioritet do të kenë Elbasan-Qafë Thanë, Ura e Grykshit-Peqin, fazat e reja Tiranë-Durrës, akset e tjera të Tiranë-Ndroq Plepa si dhe ndërhyrjet për stabilizimin e aksit Librazhd Qafë Thanë. By-Pass i Tiranës, është i financuar aktualisht faza e parë 10 kilometra dhe vijojnë punimet, ndërsa vijimi i punimeve do të ketë financim edhe nga BERZH”, tha Karakaçi.

Ministri i Infrastrukturës Enea Karakaçi u ndal edhe tek projektet hekurudhore, që do të marrin mbështetje financiare për vitin që vjen.

“Transporti hekurudhor 9.49 mld lekë buxhet, financimi i huaj është 73%, jemi të bazuar kryesisht në financimin e huaj me grante dhe kredi. Projektet hekurudhore të mbështetura me financim të huaj për periudhën 2027-2029 arrijnë në 62.6 miliardë lekë, prioriteti kryesor është avancimi i korridoreve strategjike, Vorë-Hani i Hotit, Durrës-Rrogozhinë, Durrës-Tiranë-Rinas”, tha ministri.

Sa i takon hekurudhës Tiranë-Durrës dhe devijimi në Rinas, ministri sqaroi në komision se projekti ka nisur i paplotë ndaj dhe punimet ende nuk janë mbyllur. Kjo linjë hekurudhore pritet të jetë gati për qytetarët në vitin 2028.

“Kur është miratuar projekti, është miratuar vetëm shina treni që të çonin nga Tirana në Durrës, pa stacione, pa depo, pa elektrifikim. Më vonë u miratuan stacionet, aktualisht jemi në 70% të stacioneve të realizuara, shinat janë në 90% punimeve fizike të realizuara, dhe komponenti i fundit elektrifikimi, huaja është marrë, tenderi është realizuar dhe presim miratimin e kontratës. Më pas do të duhen 14 muaj për të realizuar elektrifikimin, më pas mund të themi që projekti është realizuar. Ndërsa projektet e reja hekurudhore, janë të plota me të gjitha këto elemente”, tha Karakaçi.

Në 2027-ën studimi për Aeroportin e Gjirokastrës

Faza e parë për realizimin e Aeroportit të katërt të vendit që do të jetë në Gjirokastër do të nisë në 2027-ën. Fillimisht aeroporti u parashikua për tu ndërtuar në Sarandë, por vendndodhja e tij do të jetë Gjirokastra dhe në projektbuxhetin e ardhshëm janë parashikuar fondet për projektimin e tij.

“Në transportin ajror në 2027 hapim një perspektivë të re për jugor e vendit duke financuar me 230 milionë lekë për studimin e fizibilitetit për aeroportin e Gjirokastrës”, tha Karakaçi.

Në programin e politikave prioritare, fatura për këtë projekt është përllogaritur në 34 milionë euro.

Porti i ri tregtar në Porto Romano, 9.9 mld lekë vitin tjetër

Porti i ri Tregtar i Integruar i Durrësit ne Porto Romano Faza I, është parashikuar të mbyllet brenda vitit 2029, me vlerë 47,1 miliardë lekë, në vitin që vjen i merr nga buxheti për vitin e ardhshëm 9,94 mld lekë.

“Në transportin detar, vijon të jetë i financuar porti i ri tregtar në Porto Romano, faza e parë, me synim për ta zhvilluar. Nuk kemi qenë të suksesshëm në dy faza prokurimi, por ky është vizion i qeverisë shqiptare për të vijuar me këtë projekt”, tha Karakaçi.

Tenderi për Portin e Ri tregtar në Porto Romano u anulua gjatë këtij viti pasi kompania e vetme që mbeti në garë u tërhoq  dhe nuk paraqiti ofertë financiare. Në Porto Romano do të ndërtohet edhe Baza e NATO-S, e cila do të financohet nga buxheti i shtetit me 1 miliardë lekë./et

Shifrat u bënë publike në Konferencën Kombëtare për Sigurinë Kibernetike, ku zëvendëskryeministrja Albana Koçiu tha se rreth gjysma e sulmeve kanë pasur në shënjestër infrastrukturat kritike.

Përballë rritjes së kërcënimeve, Shqipëria po përgjigjet me investime në forcimin e sistemeve mbrojtëse.

Krahas sulmeve tradicionale, një tjetër kërcënim janë videot e rreme dhe përdorimi i algoritmeve për krijimin e konfuzionit dhe manipulimin e informacionit.

Ndërsa ministrja e Ekonomisë, Delina Ibrahimaj, u ndal te ndikimi i sigurisë kibernetike në ekonomi. Ibrahimaj nënvizoi se edhe sektori privat duhet të rrisë investimet në sisteme të sigurta.

Ministria tha se sulmi kibernetik i vitit 2022 shërbeu duke e kthyer sigurinë kibernetike në një prioritet kombëtar dhe duke sjellë investime të shumta për forcimin e mbrojtjes së sistemeve./et