Tabaku akuzon qeverinë se nuk po ndërmerr masa konkrete për të përballuar situatën dhe argumenton se çmimet e larta janë pasojë e taksave, mungesës së konkurrencës dhe mungesës së kontrollit përgjatë zinxhirit të shpërndarjes.

” Kush e bën vetë pazarin e di shumë mirë situatën dhe përse kemi arritur deri këtu. Kush vendos produktet në tryezën e familjes e di se çmimet në Shqipëri janë të larta. Kushdo që blen mjetet shkollore e sheh sa të vështirë e ka të përmbushë nevojat, kërkesat dhe dëshirat e fëmijëve. Pagat janë vetëm 43 për qind e mesatares europiane, ndërsa çmimet janë rritur pesë herë më shumë se në vendet e rajonit dhe se mesatarja e Bashkimit Europian. Qeveria, në vend që të ndërmarrë veprime konkrete, premton se do të lidhë “Besën”. E vetmja besë që ata kanë lidhur është ajo me këtë sistem, me kostot e larta dhe me korrupsionin. Shkaqet e çmimeve të larta janë taksat, mungesa e konkurrencës dhe mungesa e kontrollit përgjatë zinxhirit të shpërndarjes. Ekonomia informale dhe paraja e zezë e kanë bërë sot thuajse të pamundur që bizneset shqiptare të prodhojnë, të eksportojnë dhe të ofrojnë produkte konkurruese në treg. E vetmja besë që ata kanë lidhur është ajo për të mbajtur çmimet e larta. E vetmja besë e kësaj qeverie është ruajtja e këtij sistemi. Ndërsa besa e shqiptarëve është tjetër. Ata kërkojnë ndryshimin e kësaj qeverie. Shqiptarët duan ndryshim. Asnjë besë tjetër, vetëm ndryshim” shkroi ajo në rrjete sociale./k.m

Në një deklaratë për A2 CNN kreu i selisë blu konfirmoi  se në agjendën e tij janë parashikuar dy “Foltore”, një në Nju Jork dhe një në Teksas, si dhe pjesëmarrja në konventën e republikanëve amerikanë. Ai la të hapur mundësinë e takimeve të tjera, por pa dhënë më shumë detaje.

Gazetari i A2 CNN: Çfarë parashikon agjenda juaj përveç dy foltoreve dhe konventës në Teksas?

Berisha: Këto janë parashikimet e tanishme. Këto janë.

Gazetari i A2 CNN: Takimet nivele të larta. Mund të presim?

Berisha: Takime do ketë? Po cilat janë akoma nuk janë publikuar.

Sipas PD-së, Berisha do të zhvillojë takime me shqiptarët e diasporës në Nju Jork dhe Teksas, ndërsa gjatë qëndrimit në SHBA priten edhe kontakte me përfaqësues të Partisë Republikane dhe kongresmenë amerikanë. Ai do të shoqërohet nga Belind Këlliçi, Albana Vokshi, Fatmir Mediu dhe Enri Ceno./et

Përmes një postimi në rrjetet sociale, Meta argumenton se kufizimi i medias në sallën e gjyqit nuk prek vetëm gazetarët, por edhe të drejtën e publikut për të ndjekur dhe kontrolluar mënyrën se si administrohet drejtësia.

Sipas tij, rregullorja krijon një regjim paralel dhe më kufizues se standardet e përcaktuara nga Këshilli i Lartë Gjyqësor për marrëdhëniet mes gjykatave, publikut dhe medias.

Ai kundërshton veçanërisht kufizimet mbi praninë e gazetarëve, regjistrimet audio-vizive dhe sanksionet e parashikuara në rregullore. Meta thekson se një akt i brendshëm i GJKKO-së nuk mund të krijojë kufizime mbi të drejtat themelore pa një bazë të qartë ligjore dhe në kundërshtim me Kushtetutën apo Konventën Europiane për të Drejtat e Njeriut.

Sipas tij, media e pavarur nuk është armike e drejtësisë, por një mekanizëm thelbësor për transparencën, llogaridhënien dhe kontrollin publik mbi pushtetin gjyqësor. Meta i kërkon KLGJ-së të ndërhyjë për të garantuar respektimin e standardeve ekzistuese dhe shfuqizimin e parashikimeve që kufizojnë median në GJKKO.

Në përfundim, ai e cilëson rregulloren si “anti-GJKKO” dhe në shërbim të asaj që e quan “Drejtësi me Regji”, duke paralajmëruar se drejtësia nuk mund të fitojë besimin e qytetarëve duke kufizuar transparencën./k.m

Duke folur në emisionin “Puls”  Gonxhja e konsideroi krenari faktin që emri i tij lakohet për një post të tillë, por theksoi se nuk është ambicia e tij drejtimi i Tiranës. Po ashtu ai vuri në dukje se pozicioni i ministrit është i përkohshëm dhe askush nuk është i pazëvendësueshëm.

“Kjo është një pyetje e drejtpërdrejtë, e vështirë, sepse unë nuk kam se si… sepse gjithë qenia ime, prezenca ime, roli dhe kontributi im përgjatë këtyre viteve tregon që unë kam pasur një vokacion timin për të shërbyer në administratën publike. Në parim apriori mendoj që çdo njeri do të ishte i nderuar, nëse do të ishte i konsideruar, ju thatë i përmendur, dhe natyrisht do ishte një krenari në rast se mendon se qytetarët, mediat, apo opinioni, mund të mendonte që ky zotëri ka vlera dhe mund t’i japë atë që sot është detyra më e vështirë, drejtimi i bashkisë. Por përtej një falënderimi nga ana ime, kjo s’ka lidhje fare me ambicien time, apo me diçka që mund të jetë konkretisht e lidhur me mua. Nuk besoj që të ketë një zhvillim”, tha Gonxhja.

I pyetur nëse do t’i vinte keq që të mos jetë më pjesë e kabinetit qeveritar, Gonxhja u shpreh: “Si mund të më vijë keq nëse do isha po ai që jam. Është e drejtë e strukturave të Kryesisë së partisë, është natyrisht jo lobim personal, është jo synim personal, s’do ishte as bukur, as korrekte, që të ishte kjo një gjë që nis nga personi. Është një privilegj i jashtëzakonshëm puna që bëj, por kjo s’duhet të bëjë të harrosh, që je një nga elementët që shtyn përpara mjetin në lëvizje që ka nevojë për energji dhe fuqi të reja. Gonxhja sot është nesër s’është. Ne jemi individë që jemi të përkohshëm. Ministri është aty politik dhe është në funksion të spektrit të kryeministrit”. /et

Sekretari i Përgjithshëm i Bashkisë Tiranë, Eldi Hoxha, ka dhënë dorëheqjen nga detyra.

Në vend të tij, kryebashkiaku Erion Veliaj ka komanduar Alban Dokushin në postin e Sekretarit të Përgjithshëm të Bashkisë Tiranë.

Vendimi vjen pasi gjykata administrative ka vendosur rikthimin e Dokushit në detyrë./et

Takimi i parë i thirrur nga Këshilli Bashkiak i parashikuar për datën 31 gusht në qytet dështoi për shkak të mospjesëmarrjes qytetare, ndërsa Këshilli Bashkiak vendosi të caktojë një datë tjetër me shpresën e interesimit qytetar,

I parashikuar në 1 Shtator ka dështuar edhe takimi me banorët e Njësisë Administrative Kajan. Edhe për këtë takim këshilli do të gjykojë caktimin e një date tjetër.

Ajo që të bien në sy është mungesa e interesit dhe një indiferencë nga ana e qytetarëve të Bashkisë Belsh qoftë pro apo kundër hartës së re të parashikuar.

Këshilli Bashkiak i Belshit ka publikuar kalendarin e dëgjesave publike në 10 gusht, kohë e mjaftueshme për informimin e qytetarëve.

Reforma Administrative Territoriale parashikon bashkimin e Belshit dhe Cërrikut me Elbasanin. Ndërkohë që në të gjithë qarkun e Elbasanin nuk kanë munguar protestat qytetare, në Belsh, i vetmi organizim shënoi një pjesëmarrje shumë të vogël qytetarësh.

Projektligji për Reformën e re Administrative Territoriale i propozuar nga PS u është dërguar të gjitha bashkive të vendit ku kërkohet të merret mendimi i qytetarëve, e po ashtu zyrtarisht të shprehen Këshillat Bashkiakë dhe kryetarët e bashkive.

Në bashkitë që nuk preken nga kjo reformë dëgjesat qytetare kanë qenë kryesisht formale, por ato kanë marrë rëndësi, kryesisht në bashkitë që shkrihen./ad

Pas dorëheqjes së Hoxhës, kryebashkiaku Erion Veliaj ka komanduar në postin e Sekretarit të Përgjithshëm Alban Dokushin.

Dokushi rikthehet kështu në detyrë edhe pas vendimit të Gjykatës Administrative, e cila kishte vendosur në favor të tij.

Lëvizjet në administratën e Bashkisë së Tiranës vijnë pas vendimit të Veliajt për të shkarkuar Anuela Ristanin, e cila ushtronte funksionet e kryetarit të bashkisë gjatë kohës që Veliaj ndodhet në paraburgim./ad

Kjo është situata në Bashkinë e Tiranës me Erion Veliajn, pasi ligji i njeh të drejtën të udhëheq pushtetin lokal nga qelia edhe pa deleguar kompetencat.

Largimi i Anuela Ristanit nga karrigia e kryetarit të komanduar sjell nevojën e përhershme për firmën e Erion Veliajt, por mungesa e lirisë së tij pritet të sjell vonesa në vendime.

“Një veprim I cili ishte i pritshëm dhe madje i vonuar në gjykimin tim, në momentin që Gjykata Kushtetuese e riktheu në detyrë. Qoftë edhe në ambientet e paraburgimit mund ta ushtrojë detyrën, sigurisht që ka mungesa për shkak të pjesës së komunikimit, por ligjërisht kjo nuk e bën të pamundur. Erion Veliaj mund të nënshkruajë të gjitha aktet të cilat do të përcillen nga sekretari i përgjithshëm apo drejtori juridik në ambientet e paraburgimit”, tha avokati, Arbër Hoxha.

“Fakti që Erion Veliaj sot si kryetar bashkie nuk ka autorizuar asnjë nga nënkryetarët do të thotë nga ana administrative që çdo akt i nxjerr nga Bashkia e Tiranës duhet të shkojë patjetër në paraburgimin e Durrësit për tu firmosur dhe pastaj të protokollohet në bashki. Këta drejtorët mund të raportojnë te nënkryetarët sipas strukturës së bashkisë, por nënkryetarët nuk mund ta përfaqësojnë institucionin me palë të treta”, u shpreh avokati Indrit Sefa.

Ngërçi institucional është i dukshëm pa praninë e kryetarit të bashkisë për të ndjekur mbarëvajtjen e punëve të kryeqytetit. Por Kushtetuta dhe ligji i vetëqeverisjes vendore nuk bëhet penguese për mbajtjen e detyrës në këto kushte, me kryetarin e zgjedhur me votë në qeli dhe me shfuqizimin e kryetares së komanduar.

“Sot ne kemi një Bashki që nuk ushtron një aktivitet normal. Neni 64 I ligjit për vetëqeverisjen vendore është i qartë që të gjitha veprimtaritë administrative të Bashkisë së Tiranës i kryen kryetari i Bashkisë përveç atyre kompetencave të këshillit bashkiak. Deri dje ka qene zonja Ristani e cila ka përfaqësuar institucionin e kryetarit të bashkisë, sot me heqjen e delegimit i takon që Veliaj të jetë në mbledhjet e këshillit bashkiak”, tha Sefa.

“Qytetarët e Tiranës nuk kanë votuar Ristanin por Veliajn, si i tillë ai përgjigjet pozitivisht apo negativisht për veprimet apo mosveprimet. Sigurisht që një masë e ndryshme nga ajo e arrestit me burg në detyrim paraqitje do të ishte më e përshtatshme për sa kohë hetimet kanë përfunduar dhe nuk mund të dëmtohen edhe provat. Megjithatë ka vend për tu rikuperuar sepse duhet shprehur edhe Gjykata Europiane e të Drejtave të Njeriut”, u shpreh avokati Hoxha.

Kjo është zgjidhja që japin juristët me firmën nga paraburgimi, por qytetarët kërkojnë të mos përballen më me kaosin e krijuar në Bashkinë e Tiranës prej mungesës fizike të kryetarit./ad

Përmes një reagimi, Ambasada Amerikane vlerëson kthimin e fundit të dy grave dhe tre fëmijëve nga Siria, duke theksuar se tashmë atyre u mundësohet një e ardhme e sigurt, përmes mbështetjes për rehabilitim dhe riintegrim.

Ambasada Amerikane e konsideron riatdhesimin dhe riintegrimin e këtyre personave si një hap të rëndësishëm jo vetëm për familjet e prekura, por edhe për forcimin e sigurisë globale.

“Shtetet e Bashkuara vlerësojnë Shqipërinë për riatdhesimin e shtetasve të saj nga Siria, dy gra dhe tre fëmijë të kthyer së fundmi, të cilëve u mundësohet një e ardhme me mbështetje për rehabilitim dhe riintegrim. Një fitore për këto familje dhe për sigurinë globale”, thuhet në reagimin e Ambasadës Amerikane./k.m

Në rrjetet sociale të Berishës janë promovuar së fundmi takime me komunitetin shqiptar në Dallas të Teksasit, të planifikuara për 8 shtator, ku do të marrë pjesë edhe Fatmir Mediu.

Me pak fjalë, Teksasi do të ketë për disa orë versionin amerikan të “Foltores,” ku do Berisha dhe Mediu do dalin përballë një grupi emigrantësh shqiptarë, këtë herë jo në bulevardin e Tiranës, por në Lewisville të Dallasit.

Ironia e kësaj “Foltorjeje” amerikane është se Berisha shoqërohet në këtë udhëtim nga Fatmir Mediu, i cili prej vitesh e ka kultivuar profilin e tij si “garancia republikane,” apo një lloj njeriu i Amerikanëve brenda opozitës, kur vetë amerikanët refuzojnë kontaktet me demokratët shqiptarë për shkak të statusit non-grata të Berishës. Tani, pikërisht ky “njeri i republikanëve” po shfaqet krah Sali Berishës, një politikani të shpallur “non grata” nga Departamenti Amerikan i Shtetit dhe që prej vitesh e ka ndërtuar një pjesë të retorikës së tij politike mbi akuzat se Amerika, ambasadorët e saj dhe institucionet amerikane kanë ndërhyrë kundër tij.

Megjithatë, në thelb, formati i këtij takimi të Berishës mbetet familjar.

Për vite me radhë “Foltorja” e tij në Tiranë ka funksionuar si një takim i delirantëve të Kryeqytetit dhe militantëve më besnikë të tij, ku kreu i PD-së flet gjatë, ata e dëgjojnë dhe në fund gjithçka paraqitet si një ngjarje politike shumë më e madhe dhe më e rëndësishme se sa pjesëmarrja reale në sallë.

Tani ky model udhëton përtej Atlantikut.

Pas gjithë përpjekjes për t’u rikthyer në Amerikë, Berisha duket se nuk ka ndërmend të humbasë kohë me ndryshimin e formatit. Nga Tirana në Teksas, “Foltorja” mbetet “Foltore”. Ndryshojnë vetëm flamujt në sfond dhe adresa ku mblidhen dëgjuesit./k.m