Duke folur në fillim të një samiti të NATO-s në Turqi, Trump e quajti Iranin si “lojtarë të ndyrë” për shënjestrimin e anijeve tregtare në Ngushticën e Hormuzit, duke shkelur armëpushimin.

Komentet e fundit të presidentit amerikan pasuan njoftimin e Gardës Revolucionare Islamike se kishte nisur sulme ndaj objektivave ushtarake amerikane në Bahrein dhe Kuvajt në përgjigje të sulmeve të SHBA-së ndaj Iranit.

Trump tha se SHBA-të po humbisnin kohë duke folur me Iranin dhe shprehu dëshirën për të bërë punën e tyre në vend që të përpiqeshin të ndiqnin diplomacinë.

“Duhet t’ua heqim qafe kancerin, kancerin e tyre. Dhe e dini çfarë bëni? Duhet ta parandaloni kancerin herët. Dhe kështu ndihem unë”, tha ai./ad

Organizatorët bëjnë të ditur se emrat e kontribuuesve do të mbahen të fshehtë për t’i mbrojtur, sipas tyre, nga reprezaljet. Ata theksojnë se procesi për mbledhjen e Kuvendit do të vijojë dhe se protestuesit duhet të kenë përfaqësimin e tyre.

“Vëllezër e motra, dëshirojmë t’ju informojmë se pas një takimi i cili zgjati 5 orë të plota, Grupi Nismëtar për organizimin e Kuvendit Kombëtar të Protestës, miratoi në unanimitet platfomën dhe kriteret e anëtarësimit.

Na u nevojiten 34 ditë për të arritur në këtë pikë, ku kemi pasur pafund shkopinj nën rrota, por Zoti është më i madh dhe është me ne!

Mirënjohje pafund për kontribuesit (emrat nuk i themi sot për ti mbrojtur nga raprezaljet, por të mirën s’ua harrojmë).

Kuvendi, me hir a me pahir do të mblidhet!

Protestuesit kanë nevojë për përfaqësim dhe ne jemi aty për këtë. Kjo gjë nuk diskutohet!

Siç është e pa diskutueshme kërkesa dhe vullneti i Sovranit për dorëheqjen e Edi Ramës!”, shkruan Klajdi Bello./ad

Sipas raportimeve, ceremonia private mund të jetë zhvilluar në Tennessee, shteti ku Taylor Swift u transferua në moshën 14-vjeçare për të ndjekur ëndrrën e saj në muzikë.

Dyshimet janë forcuar edhe nga lëvizjet e avionit privat të këngëtares. Sipas një platforme që monitoron fluturimet e avionëve privatë, avioni i Swift ka bërë ndalesa në disa qytete ku jetojnë familjarët e çiftit. Pas nisjes nga Nashville, ai ka fluturuar drejt Filadelfias, ku jetojnë babai i Travis Kelce, si dhe vëllai i tij Jason Kelce me bashkëshorten Kylie. Më pas avioni është nisur drejt Tampa, Florida, ku banon babai i Taylor Swift, përpara se të rikthehej në Nashville dhe më pas në New York më 30 qershor.

Page Six raporton gjithashtu se Madison Square Garden është përgatitur për një festë luksoze, ku pritet të performojnë artistë të njohur si Stevie Nicks, Kenny Chesney dhe Ed Sheeran. Ndër të ftuarit VIP, sipas të njëjtit burim, pritet të jetë edhe legjenda e muzikës, Paul McCartney.

Ambienti thuhet se është transformuar posaçërisht për këtë event, duke përfshirë edhe një kopsht të ndërtuar brenda hapësirës, ndërsa menuja do të përbëhet nga gatime të restoranteve të preferuara të Taylor Swift.

Megjithatë, deri në këtë moment, as Taylor Swift dhe as Travis Kelce nuk kanë konfirmuar publikisht raportimet për martesën e tyre, ndaj lajmi mbetet ende në nivel spekulimesh./ad

“Pati një tymnajë dhe dezinformim, u përdor. Do të ndodhë shumë shpejt një sqarim. Edhe vet përfaqësues të protestës, ata fillestarët, të vërtetët, jo këta që fshihen pas atij që vrau njerëzit në bulevard, do dalin me zë, me figurë, së bashku me kryeministrin, me organet kompetente, dhe do të sqarohet gjithë Shqipëria sepse jemi drejt dialogut”, u shpreh Mila.

“Kjo qeveri është mandatuar me më shumë se 860 mijë vota dhe me një premtim primar, që është…Po më gjete 10 vlonjatë që protestojnë?! Kur nuk protestojnë vlonjatët. Ne kemi dalë një vit më parë dhe u kemi thënë shqiptarëve na dhuroni një mandat të fortë për ta çuar Shqipërinë në BE. Ju më thoni, ndalojeni këtë volumin, sepse kanë dalë këta që s’duan që ky proces të ndodhi!”, vijoi deputetja e PS.

Por kush është Hasan Ferracaku?
Hasan Ferracaku është një prej të dyshuarve si pjesëmarrës në masakrën e ndodhur në Velipojë 5 vite më parë ku mbetën 4 të vrarë dhe dy të plagosur.

Korrespondenti i Top Channel Klodian Zhivani bën me dije se Hasan Ferracaku ndodhej me masën “arrest shtëpie” dhe ishte në ruajtje 24 orë nga policia e Shkodrës, por pavarësisht kësaj ka arritur që të arratiset duke i shpëtuar ruajtjes policore dhe duke u larguar në drejtim të paditur.
Ferracakut, pasi i kishin mbaruar afatet e paraburgimit si një prej të dyshuarve në vrasjen e ndodhur në Velipojë u la në “arrest shtëpie”, nga gjykata kërkoi mbikëqyrje 24 orë.
Ferracaku ishte në ruajtje nga efektivët prej afro 3 vitesh dhe ka gjetur mënyrën që të arratiset për arsye që ende janë të paqarta. Ai ishte një prej dy të plagosurve në masakrën e 26 qershorit 2021 në Velipojë bashkë me nipin e tij 17 vjeçar E.D të cilët u arrestuan menjëherë pas ngjarjes së rëndë.
Në atë përplasje me armë mbetën të vrarë Kujtim Ferracaku 59 vjeç dhe dy vëllezërit Edmond Gocaj 38 vjeç dhe Xhovani Gocaj 25 vjeç si dhe kamarieri 20 vjeçar Myzerim Zeneli që kishte ditën e parë të punës. Për atë ngjarje policia asokohe shpalli në kërkim edhe 3 djemtë e Hasan Ferracskut, Abedin, Shyqyri dhe Besmir Ferracaku.
Vrasja e katër shtetasve dhe plagosja e dy të tjerëve erdhi pas një konflikti mes familjes Gocaj dhe familjes Ferracaku lirdhur me një parcelë shezllongesh në plazhin e Velipojës.
Sherri degradoi në përdorimin e armëve. Në vendngjarje u sekuestruan dy pistoleta, njëra e gjetur në vendngjarje dhe tjera në hotelin e Gocajve.
Në dosjen e prokurorisë thuhet se vëllezërit Hasan dhe Kujtim Ferracaku janë konfliktuar me vëllezërit Gocaj për ndarjen e shezlongëve në plazh dhe në darkë janë takuar për t’u sqaruar./kb

Situata u tensionua kur një grup protestuesish goditën me vezë disa deputetë në hyrje të Kuvendit. Pas incidentit, forcat e policisë ndërhynë duke shoqëruar në komisariat disa prej protestuesve të përfshirë.

Në vijim, protesta u përshkallëzua edhe më tej, pasi disa protestues çanë gardhin metalik të vendosur përpara Parlamentit dhe tentuan të hyjnë në ambientet e jashtme të institucionit.

Për të neutralizuar situatën dhe për të ndaluar depërtimin e turmës, Policia përdori spray lotsjellës, duke larguar protestuesit nga hyrja e Kuvendit.

Si pasojë e përplasjeve, tre efektivë policie mbetën të plagosur, ndërsa disa protestues u shoqëruan në komisariat. Forcat e rendit rikthyen kontrollin në zonë, ndërsa masat e sigurisë përreth Parlamentit mbeten të përforcuara./ad

Kryebashkiaku i Kuçovës u dënua me vendim të formës së prerë në korrik të 2024.

Sipas Celibashit, Hajdari nuk është në kushtet e ndalimit për ushtrimin e detyrës, pasi dënimin e shleu me punë në komunitet.

Kreu i KQZ-së, Ilirjan Celibashi, u shpreh “Jemi përpara faktit që ai ka paraqitur formularin e dekriminalizimit. Me nxitje nga PD ka pasur një proces shqyrtimi penal. Ka një vendim penal për këtë çështje, i cili e ka sanksionuar me atë masë dënimi dhe, në fund, ka urdhëruar që ajo masë dënimi të shlyhet me orë pune në komunitet”./ad

Inflacioni i përgjithshëm në 21 vendet që përdorin monedhën euro ra në 2.8% në qershor, nga 3.2% në maj, dukshëm nën pritshmëritë prej 3.0%, pasi inflacioni i ushqimeve, energjisë dhe shërbimeve u ngadalësua.

Ndërkohë, një tregues më i ndjekur nga afër për çmimet bazë, i cili përjashton çmimet e paqëndrueshme të ushqimeve dhe karburanteve, ra në 2.4% nga 2.6%, ndërsa inflacioni i shërbimeve zbriti në 3.2% nga 3.5%.

Megjithëse shifra e qershorit mbetet ende dukshëm mbi objektivin prej 2% të BQE-së, rënia e fundit e çmimeve të naftës, e nxitur nga pritshmëritë për një marrëveshje paqeje, ka shtuar shpresat se presionet mbi çmimet do të zbuten nga ky moment dhe se dëmi më i gjerë nga rritja e fortë e çmimeve të energjisë do të mbetet i kufizuar.

Në të vërtetë, një sërë politikëbërësish, duke folur si publikisht ashtu edhe jozyrtarisht, kanë thënë se banka nuk ka nxitim ta pasojë rritjen me çerek pikë të normave në qershor me një tjetër lëvizje këtë muaj, dhe se politikëbërësit mund t’i lejojnë vetes pak kohë për të parë si do të zhvillohen presionet mbi çmimet.

BQE-ja është veçanërisht e shqetësuar se goditja fillestare nga energjia do të nisë të rrisë çmimet e mallrave dhe shërbimeve të tjera, duke çuar përfundimisht edhe në rritje të pagave.

Por efekte të tilla dytësore mbi çmimet ende nuk janë shfaqur dhe presionet mbi pagat gjithashtu nuk po përshpejtohen, duke forcuar argumentin për durim.

Megjithatë, shumica dërrmuese e ekonomistëve dhe investitorëve mendojnë se BQE-ja ka të ngjarë t’i rrisë sërish normat në shtator ose tetor, edhe nëse në korrik bën një pauzë.

Kjo sepse çmimet e energjisë mbeten ende shumë mbi nivelet e para luftës dhe konflikti në Lindjen e Mesme mund të marrë sërish një kthesë të papritur, siç ka ndodhur shumë herë më parë, duke i mbajtur pritshmëritë për çmimet të paqëndrueshme.

Ka gjithashtu shqetësime se mungesa e plehrave kimike nga Lindja e Mesme dhe një valë të nxehti në Europë mund të ulin rendimentet e të korrave dhe të ushtrojnë njëfarë presioni rritës mbi çmimet e ushqimeve, duke e rritur inflacionin pikërisht teksa kostot e energjisë po lehtësohen./ Reuters-ad

Paraguai kaloi në epërsi në minutën e 42-të me Julio Enciso, i cili shënoi me kokë pas një aksioni të ndërtuar bukur nga Almirón dhe Galarza. Ishte goli i parë në histori për “Albirroja”-n në fazën me eliminim direkt të një Kampionati Botëror.

Gjermania reagoi në pjesën e dytë dhe barazoi në minutën e 54-t me Kai Havertz, që finalizoi me kokë një asist të Florian Wirtz. “Pancerat” kërkuan golin e fitores deri në fund, por portieri Gill mbajti në lojë Paraguain me disa ndërhyrje vendimtare.

Në kohën shtesë, gjermanët menduan se kishin gjetur golin e kualifikimit, kur Jonathan Tah realizoi me kokë në minutën e 102-të. Megjithatë, pas rishikimit në VAR, arbitri anuloi golin për një faull në zonë.

Fituesi u vendos në penallti, ku emocionet nuk munguan. Portieri Gill priti dy gjuajtje të Gjermanisë, ndërsa edhe Paraguai humbi dy mundësi për ta mbyllur serinë. Në fund, gabimi i Jonathan Tah rezultoi fatal, ndërsa Canale shënoi penalltinë vendimtare që vulosi eliminimin e bujshëm të Gjermanisë.

Kjo është hera e parë në histori që Gjermania eliminohet me penallti në një Kampionat Botëror. Nga ana tjetër, Paraguai shkruan historinë duke siguruar për herë të parë kualifikimin në këtë fazë dhe në 1/8-at e finales do të përballet me fituesin e duelit Francë–Suedi./ad

REZULTATI:

GJERMANI 1-1 PARAGUAI (3-4 P)

Havertz 54’ / Enciso 42’

NGJARJET KRYESORE:

Penalltitë:

6- Canale shënon.

6- Tah gabon.

5- Valbuena gabon.

5- Amiri shënon.

4- Sanabria gabon.

4- Woltemade gabon.

3- Galarza shënon.

3- Musiala shënon.

2- Gomez shënon.

2- Kimmich shënon.

1- Mauricio shënon.

1- Hazertz gabon.

120+3′ Mbyllet dhe pjesa e dytë e shtesës. Fituesi do të vendoset nga penalltitë!

119′ Anton godet me kokë, por Gill e kontrollon.

106′ Nis pjesa e dytë shtesë.

105+5′ Mbyllet pjesa e parë shtesë!

105+4′ Havertz godet me kokë, por ndalet nga portieri.

102′ Brown hedh një krosim nga këndorja dhe Tah godet me kokë duke tundur rrjetën. Pas rishikimit me VAR, gjyqtari e anulon për faull. (Video)

97′ Woltemade provon me një gjuajtje që devijohet. Gjermanët pretendojnë për 11-metërsh.

91′ Nis koha shtesë!

90+5′ Nuk ka fitues, takimi shkon në shtesë!

90+2′ Tah provon me kokë, por topi ndalet nga portieri

90′ Akordohen 5 minuta shtesë.

54’ Goool Gjermania 1-1/ Skuadra e Nagelsmann kthehet me ritëm tjetër. Barazon me Havertz dhe gjithçka nis nga e para. (Video)

46’ Nis pjesa e dytë.

45+5’ Gjermani shumë e dobët, e mbyll pjesën e parë në disavantazh. 

45+3’ Duhej të vinte fundi i pjesës së parë që Gjermania të bënte gjuajtjen e parë në portë. Provoi Kimmich nga brenda zone.

42’ Goool Paraguai 0-1/ Surprizohen gjermanët, Enciso kalon në avantazh amerikano-latinët. Gol historik për Paraguain, pasi është hera e parë që shënon në një ndeshje me eliminim direkt në Botëror. (Video)

30’ Gjermania mban topin, por ende asnjë gjuajtje në portë nga ana e tyre. Ndeshje tejet e vakët.

1′ Nis sfida në Boston!

FORMACIONET ZYRTARE:

Lajmi është bërë i ditur nga Ministria e Arsimit dhe Sportit, e cila njofton se rezultatet janë shpallur zyrtarisht nga Qendra e Shërbimeve Arsimore.

Kujtojmë se provimi i Lëndës me Zgjedhje u zhvillua më 23 qershor, duke përmbyllur ciklin e provimeve për maturantët.

Kliko këtu për të parë notën e provimit të Lëndës me Zgjedhje: