Megjithatë, autori i dyshuar duket se ka ndryshuar mendje, pasi fillimisht u justifikua me faktin se viktima e kishte ofenduar dhe ngacmuar gruan e tij, por këtë herë, Habibi ka mohuar para trupës gjykuese se ai është vrasësi i vërtetë i Shkozës.

“Më ka ikur gruaja nga shtëpia me fëmijen 4 vjeç dhe shtatzënë prej kësaj ngjarje. I kërkoj prokurorit të hapë kamerat e sigurisë se unë kam qenë në punë kur ka ndodhur ngjarja. Unë me Brankon jemi rritur bashkë. Më kanë dhunuar në polici që ta pranoja, e pranova nga frika dhe se di pse e bëra, por se kam bërë unë. Dikush tjetër që do ketë dashur të më bëjë keq mua, i ka thënë që e kam bërë unë, por unë nuk kam lidhje”, ka deklaruar Habibi.

Të dy të rinjtë, me njohje mes tyre, kanë qenë të dehur momentin e konfliktit, kurse shkak dyshohet se është bërë ngacmimi i gruas së autorit nga viktima, por hetimet janë ende aktive për rastin. Pas ngjarjes, i dyshuari e ka fshehur krimin, duke mos treguar, derisa trupi u gjet pas tre ditësh kërkime.

Prokuroria e Durrësit ka kërkuar arrest në burg, ndërsa e akuzon 35 vjeçarin për vrasje me paramendim dhe fshehje të krimit.

Ngjarja ndodhi më 2 dhjetor, teksa Habibi shtyu Shkozën në një kanal të ujërave të zeza, e më pas u largua. Trupi u gjet me 5 dhjetor dhe nuk u konstatuan shenja dhune, por më pas nga ekspertiza, dëshmitë dhe provat e grumbulluara nga grupi hetimor u vërtetua se ngjarja është kriminale.

Habibi deklaroi para policisë arsyet që e çuan drejt këtij akti kriminal, duke u justifikuar me pretendimin se Shkoza, në këtë rast viktima e ngjarjes, i kishte ngacmuar gruan. Ai është përpjekur duke i kërkuar që mos ta bënte këtë veprim, por ka marrë injorimin e tij, me 33 vjeçarin që më pas e ka ofenduar.

/E.S

Vëllai i viktimës ka folur për ngjarjen, duke dhënë dëshminë pas babait të tij. Sipas tij, dyshimet për Majlindin qëndrojnë pasi e gjithë familja kanë bashkëpunuar për të fshehur krimin e bërë.

“Vëllai im nuk ka pasur konflikt me asnjë, nuk e di se si ka ndodhur. Unë e di se janë të përfshirë të gjithë këta si familja, e kanë ditur krimin dhe nuk na kanë treguar. Katër ditë nuk e kemi gjetur vëllanë. Unë kam dyshuar vetëm tek ky lloj robi. Unë besoj se janë të përfshirë të gjithë këta si familje, të hapen kamerat dhe të zbulohen autorët. Autori e ka pranuar krimin. Vëllai vet, nëna dhe të gjithë si familje e kanë ditur. Këta duhet të arrestohen të gjithë për fshehjen e kufomës. Unë këtë kërkoj nga shteti, vetëm zbardhjen e ngjarjes”, tha vëllai i viktimës.

“Kanë 4 vite që hanë dhe pinë bashkë. Kisha dyshime te Majlind Habibi, i kisha vendosur njeri mbrapa. Djalin dinte not, por ishte i dehur. Erdhi në varrim bashkë me vëllanë. Më kanë kontaktuar dhe qanin në telefon. Pronari dhe ata që ishin në lokal ku ata pinë ishin në dijeni.”

Branko dhe Majlindi ishin shok prej vitesh me njëri tjetrin, teksa arsyeja që çoi në këtë vrasje ka të bëjë me ngacmimin që viktima i kishte bërë gruas së autorit.

Për të shuar një tjetër përplasje të mundshme mes tyre ka reaguar menjëherë policia, e cila ka ndërhyrë për të qetësuar familjarët e Shkozës.

Autori i krimit, Majlind Habibi u konfliktua më 2 dhjetor me Shkozën për motive të dobëta dhe fshehu krimin duke bërë që familja e të ndjerit të vihej në kërkim për trupin e tij.

Para policisë ai rrëfeu se viktima i kishte ngacmuar gruan, duke e quajtur sjelljen e tij tallëse dhe përçmuese. Kaq ka mjaftuar që ai ta hedhë atë drejt kanalit, duke i shkaktuar dhe vdekjen e menjëhershme.