Me një kërkesë zyrtare drejtuar Bashkisë Durrës, Ministrisë së Kulturës dhe institucioneve të tjera, një përfaqësi e grupimit qytetar kundër projektit TID në Durrës kërkon pezullimin e menjëhershëm të të gjitha punimeve, prishjeve dhe procedurave të shpronësimit.

Sipas dokumenteve ligjore, me hyrjen në fuqi të VKM-së nr. 621 të korrikut 2026, është shfuqizuar vendimi i vitit 2020 që shpallte Zonën 5 si zonë për zhvillim, mbi të cilin u ngrit i gjithë projekti i rikualifikimit urban pranë Parkut Arkeologjik dhe Amfiteatrit.

Nga 74 prona të parashikuara fillimisht për shpronësim, të paktën 20 prej tyre rezultojnë se nuk duhet të jenë më objekt ndërhyrjeje apo prishjeje.

Banorët kërkojnë rishqyrtim të plotë të projektit, përditësim të listave të pronave, njoftim individual për secilën familje dhe pezullim të financimeve e prokurimeve deri në rivlerësimin e situatës ligjore.

“S’kanë të drejtë të na prishin shtëpitë”, është shprehur një qytetare.

Përfaqësuesit e pronarëve paralajmërojnë se vazhdimi i ndërhyrjeve mbi aktet ligjore tashmë të shfuqizuara e bën projektin të pamundur dhe të paligjshëm, ndërsa kërkojnë nga institucionet përgjigje zyrtare brenda afateve ligjore./k.m

Ndërhyrja lidhet me vijimin e punimeve për projektin e zgjerimit të Superstradës Tiranë-Durrës, Faza III. Gjatë kësaj kohe do të kryhet montimi i trarëve metalikë në hapësirën qendrore të mbikalimit të ri të Kasharit.

Qarkullimi në drejtim të Durrësit dhe Tiranës do të devijohet përkohësisht në rrugët dytësore. Mjetet e rënda, veçanërisht kamionët, do të devijohen që në nyjën e hyrjes së kryeqytetit.

Ndërkohë, automjetet që udhëtojnë drejt Rinasit, Shkodrës dhe Kosovës do të orientohen përmes mbikalimit Kashar-Thumanë./k.m

“Kanë 4 vite që hanë dhe pinë bashkë. Kisha dyshime te Majlind Habibi, i kisha vendosur njeri mbrapa. Djalin dinte not, por ishte i dehur. Erdhi në varrim bashkë me vëllanë. Më kanë kontaktuar dhe qanin në telefon. Pronari dhe ata që ishin në lokal ku ata pinë ishin në dijeni.”

Branko dhe Majlindi ishin shok prej vitesh me njëri tjetrin, teksa arsyeja që çoi në këtë vrasje ka të bëjë me ngacmimin që viktima i kishte bërë gruas së autorit.

Për të shuar një tjetër përplasje të mundshme mes tyre ka reaguar menjëherë policia, e cila ka ndërhyrë për të qetësuar familjarët e Shkozës.

Autori i krimit, Majlind Habibi u konfliktua më 2 dhjetor me Shkozën për motive të dobëta dhe fshehu krimin duke bërë që familja e të ndjerit të vihej në kërkim për trupin e tij.

Para policisë ai rrëfeu se viktima i kishte ngacmuar gruan, duke e quajtur sjelljen e tij tallëse dhe përçmuese. Kaq ka mjaftuar që ai ta hedhë atë drejt kanalit, duke i shkaktuar dhe vdekjen e menjëhershme.