elisa spiropali – Gazeta Fjala

11:55 E FUNDIT/ PD bllokon foltoren, Spiropali i heq të drejtën e fjalës Nokës

adminfjala — Thu, 12 Dec 2024 10:55:45 +0000

Tensionet vazhdojnë të jenë prezente në Kuvend. Kështu, opozita ka bllokuar foltoren e Kuvendit gjatë seancës së sotme plenare.

Shkak u bë ndërprerja e fjalës ndaj deputetit demokrat Flamur Noka, i cili refuzoi të largohej prej foltores pa e marrë atë sërish.

Megjithatë, Elisa Spiropali nuk ia dha fjalën deputeit, pasi sipas kryeparlamentares, Noka po përdorte fjalë fyese dhe nuk po fliste për procedurën e rendit të ditës. Më tej u afruan dhe deputetët e tjerë të opozitës, teksa Spiropali njoftoi 5 minuta pushim.

Pjesë nga debati:

Spiropali-Nokës: Mos na qani hallin ne! Nuk jemi njësoj. Ju hiqet fjala, nuk mund të fyeni kryetaren e kuvendit

Korreshi: Ne nuk e dimë ça ka ndodhur këtë javë, fjalë korridoresh, na kanë thënë që ju kanë tërhequr veshin.

/E.S

Kërkesa e Bardhit për Interpelancë, Spiropali: Mjaft me propaganda dite

adminfjala — Thu, 12 Dec 2024 09:46:34 +0000

Kryetarja e Kuvendit, Elisa Spiropali i është përgjigjur Kryetarit të Grupit Parlamentar të Partisë Demokratike, Gazment Bardhi pas kërkesës së tij për Interpelancë me Ramën për çështjen Beccheti.

Spiropali tha se në bazë të Kushtetutës, Interpelanca duhet kërkuar bazuar mbi të vërteta dhe jo në propagandë.

“Duhet të bazohet në të vërteta në kontroll parlamentar dhe jo në nevojë për propagandë të ditës. Kryetar i Kuvendit ka të drejtë të mos e përfshijë interpelancë në rend dite për çështje që nuk janë në përgjegjësi të këshillit të ministrave. Jemi të gatshëm në çdo kohë, sillni interpelanca që janë sipas rregullore së Kuvendit. Mos merrni gjëra të pathëna, që nuk bazohen në dokumente të shtetit shqiptar. Do trajtohen interpelanca të bazuar në fakte për interesin publik.”

/E.S

12:33 “Të nderojmë kontributin e tyre”/ Spiropali bën propozimin e veçantë për ish deputetët

adminfjala — Wed, 11 Dec 2024 11:33:06 +0000

Kryetarja e Kuvendit, Elisa Spiropali ka ndarë në Konferencën e Kryetarëve në mesditën e kësaj të mërkure, dy propozimet e saj lidhur me dy ish deputetët e ndarë nga jeta, Bashkim Fino dhe Gerti Bogdani.

Spiropali argumentoi se kontributi i tyre në jetën politike duhet shpërblyer me emërimin e dy sallave të Kuvendit, ndaj kërkoi bashkëpunimin e të gjithë të pranishmëve të saj për të bërë të mundur këtë ide.

“Dëshiroj t’ju bëj me dije se kam vendosur që për të nderuar emrin dhe kontributin politik, shoqëror e parlamentar të dy personaliteteve të shquar, të ndarë nga jeta, dy sallave të mbledhjeve në mjediset e ndërtesës së sallës së seancave të Kuvendit, t’u vemë njerës emrin Bashkim Fino dhe tjetrës emrin Gerti Bogdani.
Bashkim Fino, ish-Kryeministër i Shqipërisë, ish-ministër dhe deputet i Kuvendit për 6 legjislatura, u nda nga jeta në detyrë, si deputet i Kuvendit.
Gerti Bogdani, deputet i Kuvendit, për 2 legjislatura, u nda nga jeta në moshë të re.
Besoj se kam mbështetjen tuaj dhe të deputetëve të Kuvendit”, u shpreh znj. Spiropali.

Kujtojmë se Bashkim Fino u nda nga jeta më 29 mars të vitit 2021 pasi u infektua me virusin e Covid-19, teksa Gerti Bogdani ndërroi jetë më 18 shtator të këtij viti si pasojë e një arresti kardiak.