Kosova – Gazeta Fjala

16:34 Ushtritë më të fuqishme në botë, ja ku renditen në listë Shqipëria dhe Kosova

adminfjala — Sun, 23 Feb 2025 15:34:09 +0000

Në renditjen e re të “GlobalFirepower”, në të cilin vlerësohet fuqia ushtarake e 145 shteteve, Shqipëria renditet në vendin e 78-të.

Ndërkohë që Kosova nga ana tjetër vendin e 141-të nga 145 shtete, pas saj gjenden vetëm Somalia, Republika e Afrikës Qendrore, Benini dhe Butani.

Në krye të renditjes gjendet SHBA-ja, pasuar nga Rusia, Kina, India e Koreja e Jugut. Në top 10 janë Britania e Madhe, Franca, Japonia, Turqia e Italia.

Ky raport, që ka nisur të vlerësojë shtete nga 2006-a, përfshin vlerësimin e shumëllojshmërisë së armëve dhe të fuqisë punëtore, deri te vendndodhja gjeografike dhe fuqia financiare. Vlen të theksohet se në vlerësimin e fuqisë së shteteve, përfshihen dhjetëra faktorë./kb

Kualifikueset e Botërorit 2026/ Kosova njeh kundërshtarët (FOTO)

adminfjala — Fri, 13 Dec 2024 12:04:04 +0000

Shorti i kualifikuesve të Kupës së Botës 2026 ka rezervuar surpriza.

Grupi B, parashikohet si ndër më interesantët, ku mes emrave bie në sy Kombëtarja e Kosovës e cila do të duhet të tregojë veten përballë Zvicrës, Suedisë dhe Sllovenisë.

Ndeshjet zyrtare do të nisin në muajin mars dhe më pas skuadrat do të rikthehen në shtator për sfidat e fundit.

Shorti i kualifikuesve të Kupës së Botës 2026.

/E.S

Ofensivë për lidhjet diplomatike/ Osmani dhe Kurti vijojnë turin e takimeve

adminfjala — Fri, 13 Dec 2024 08:56:25 +0000

Kryeministri i Kosovës, Albin Kurti dhe presidentja, Vjosja Osmani janë angazhuar për të forcuar lidhjet akademike të shtetit me vendet e rajonit dhe Shteteve të Bashkuara të Amerikës.

Dy nga liderët kryesorë në Kosovë, po punojnë së bashku duke marrë pjesë në takime dhe vizita të rëndësishme, kur kanë mbetur dhe pak kohë nga vitit 2024. Presidentja Osmani, po zhvillon një vizitë në Washington të SHBA-ve, ku ka mbajtur takime në Senat dhe Dhomën e Përfaqësuesve.

Ajo ka zhvilluar takime me senatorin republikan Thom Tillis, me të cilin ka diskutuar në lidhje me zhvillimet e fundit të sigurisë në Kosovë e Ballkanin Perëndimor.

Ndërkohë, kryeministri Albin Kurti ka udhëtuar për në Zagreb të Kroacisë ku do të zhvillojë një vizitë zyrtare dhe do të mirëpritet në takime bilaterale nga krerët e shtetit të Kroacisë.

“Pjesë e delegacionit të Qeverisë së Republikës së Kosovës do të jenë ministri i Punëve të Brendshme, Xhelal Sveçla, ministrja e Industrisë, Ndërmarrësisë dhe Tregtisë, Rozeta Hajdari dhe ministri i Financave, Punës dhe Transporteve, Hekuran Murati”, thuhet në njoftim të lëshuar nga zyra e kryeministrit.

Pritshmëritë janë që gjatë vizitës të nënshkruhen disa marrëveshje në fushën e sigurimeve shoqërore, për njohje reciproke të patentave të shoferëve, për bashkëpunim në mbrojtje nga fatkeqësitë natyrore, teknike dhe teknologjike, dhe bashkëpunim në fushën e mjekësisë ligjore. Më pas Kurti pritet të udhëtojë drejt Sllovenisë.