kupa e botes – Gazeta Fjala

EPIKE/ Përballja me Serbinë, sulmuesi i Kombëtares sjell batutën e famshme

adminfjala — Fri, 13 Dec 2024 14:47:00 +0000

Shqipëria do të përballet me Serbinë pas 10 vitesh. Kështu vendosi shorti i kualifikuesve të Kupës së Botës, e cila i sheh këto dy skuadra së bashku me Anglinë, Latvinë dhe Andorrën.

Lidhur me këtë duel të madh ballkanik, ka reaguar sulmuesi i Kombëtares i cili aktivizohet me Granadën në ligën e dytë spanjolle, Myrto Uzuni, i cili sjell në vëmendje batutën e famshme të tifozëve shqiptarë kur pyeten për Serbinë.

“A jemi live”, shkruan Uzuni në postimin e tij në Instagram.

Kujtojmë që sulmuesi theu dhe rekordin si golashënuesi më i mirë në historinë e Granadës.

Postimi i Uzunit.

/E.S

Presidenti Duka komenton shortin e Botërorit: Duhet të punojmë shumë

adminfjala — Fri, 13 Dec 2024 13:34:46 +0000

Është hedhur sot në selinë e FIFA-s në Zyrih shorti për Kupën e Botës 2026. Shqipëria u pozicionua në grupin K dhe do të përballet me Anglinë, Serbinë, Letoninë dhe Andorrën.

Presidenti i FSHF-së, Armand Duka, dha komentin e tij në një prononcim të shkurtër për Federatën, sa i përket goglave që shorti rezervoi për Kombëtaren duke thënë se grupi ku ajo bën pjesë është shumë i vështirë dhe se skuadra duhet të përgatitet dhe të punojë shumë gjatë fushatës kualifikuese.

“Shorti duhet pranuar siç është. Nuk është më e mira e mundshme që mund të na sillnin goglat. Anglia është një nga ekipet më të mira në botë, është e vështirë përballja kundër tyre. Apo ndeshja me Serbinë, është vërtetë sensitive. Uroj që të shkojë mirë, të jetë mesazh bashkëpunimi, atë që duhet të bëjë futbolli. Duhet të flasim për futboll, është një grup i vështirë. Mund të ishte ndryshe, por kualifikueset e Kupës së Botës janë gjithmonë të vështira. Shumë më të vështira se kualifikueset e Europianit dhe Ligës së Kombeve.

Nuk na mbetet gjë tjetër vetëm se të përgatitemi, të presim datat e takimeve, cili do jetë kundërshtari jonë në mars dhe të bëjmë më të mirën e mundshme për të luftuar. Kualifikueset janë për të luftuar deri në fund. Mund të na sillnin ndonjë gjë më të mirë goglat, por kohët e fundit nuk kanë qenë shumë dashamirëse me ne. Na mbetet vetëm të punojmë shumë” – deklaroi Presidenti Duka.

/E.S

Kualifikueset e Botërorit 2026/ Kosova njeh kundërshtarët (FOTO)

adminfjala — Fri, 13 Dec 2024 12:04:04 +0000

Shorti i kualifikuesve të Kupës së Botës 2026 ka rezervuar surpriza.

Grupi B, parashikohet si ndër më interesantët, ku mes emrave bie në sy Kombëtarja e Kosovës e cila do të duhet të tregojë veten përballë Zvicrës, Suedisë dhe Sllovenisë.

Ndeshjet zyrtare do të nisin në muajin mars dhe më pas skuadrat do të rikthehen në shtator për sfidat e fundit.

Shorti i kualifikuesve të Kupës së Botës 2026.

/E.S

SHORTI/ Grup “ferri” për Shqipërinë, goglat i përcaktojnë Serbinë dhe Anglinë

adminfjala — Fri, 13 Dec 2024 11:48:06 +0000

Shqipëria ka mësuar kundërshtarët e saj të parë me të cilët do të përballet në kualifikueset e Kupës së Botës të vitit 2026.

Goglat nuk janë treguar aspak miqësore me Kombëtaren, ku e kanë shortuar krahas emrave si Anglia dhe Serbia në grupin K.

Pjesë e këtij grupi janë gjithashtu Latvia dhe Andorra.

Ndeshjet zyrtare do të nisin në muaj mars dhe më pas Kombëtaret do të kthehen sërish në shtator për ndeshjet e radhës.

Shorti i kualifikuesve të Kupës së Botës 2026, grupi dhe kundërshtarët e Kombëtares Shqiptare.

/E.S