Sipas policisë, gruaja, e cila ishte në muajin e shtatë të shtatzënisë, është ekzaminuar prej tre mjekëve dhe rrugës për në Tiranë, gjendja shëndetësore e saj është përkeqësuar. Ajo u dërgua menjëherë në maternitetin e Elbasanit ku humbi edhe jetën.

Njoftimi i policisë:

Specialistët për Hetimin e Krimeve të Komisariatit të Policisë Pogradec referuan materialet në Prokurori ku nisi procedimi penal për shtetasit: B. D., 35 vjeçe, banues në Elbasan, A. T., 40 vjeç, dhe S. Ç., 34 vjeç, të dy banues në Pogradec, me detyrë mjekë në maternitetin e Pogradecit.   

Mbrëmjen e datës 30.08.2026, është paraqitur në maternitetin e Pogradecit, në gjendje jo të mirë shëndetësore, shtetasja M. K., 36 vjeçe, 7 muajshe shtatzënë. Pas ekzaminimit nga këta tre mjekë, 36-vjeçarja është nisur me autoambulancë, për ndihmë mjekësore të specializuar në një maternitet në Tiranë, por duke qenë se gjendja e saj shëndetësore është përkeqësuar gjatë rrugës, ajo është dërguar në maternitetin e spitalit të Elbasanit, ku u konstatua se kishte  humbur jetën.   

Materialet procedurale iu referuan Prokurorisë së Korçës, për veprime të mëtejshme, për veprën penale “Neglizhenca në trajtimin mjekësor”./k.m

Nga burimet pranë vendit të ngjarjes, mësohet dy automjete janë përplasur me njëra tjetrën, ku dyshohet se një person nga humbur jetën dhe të tjerë kanë mbetur të plagosur.

Policia dhe ambulanca kanë mbërritur në zonë për të zbuluar më shumë për shkaqet që çuan drejt këtij aksidenti të cilat mbeten ende të paqarta.