Pas eliminimit të saj nga Big Brother VIP Albania, Joz Marku ka reaguar me dy deklarata në rrjete sociale.
Ai ka falënderuar publikun për mbështetjen dhe ka folur për sfidat që ka kaluar gjatë qëndrimit në shtëpi.
Në një postim të ndarë në Instagram, Jozi shkruan:
Përshëndetje të gjithëve, uroj të jeni mirë!
Dua të falënderoj nga zemra të gjithë popullin shqiptar që më keni mbështetur dhe përkrahur në këtë rrugëtim aspak të lehtë që kalova.
Faleminderit për dashurinë që më dhatë gjatë qëndrimit tim në shtëpi dhe edhe më shumë, jashtë saj.
Mirënjohje për secilin prej jush, si dhe për ekipin e Top Channel, që më dha mundësinë të isha pjesë e këtij formati kaq të dashur për të gjithë ne – një eksperiencë që do mbetet e paharrueshme në jetën time.
Më tutje ai në një InstaStory tjetër shkruan:
Jam provokuar, por në asnjë moment nuk kam zgjedhur të luaj rolin e viktimës. Edhe kur fjalët dhe veprimet e rënda më kanë lënduar thellë, kam heshtur, kam duruar… por edhe durimi ka një kufi.
Për të gjithë ata që përpiqen të hedhin baltë mbi imazhin tim, kam vetëm një fjalë:
‘Balta që vjen nga llumi, nuk të bën pis.’
Shumë dashuri për të gjithë ju,
Me respekt,
Jozi
Ky është reagimi i parë publik i Jozit pas incidentit që shkaktoi shumë zhurmë, kur goditi Gjestin me shuplakë. /E.T
