Presidenti amerikan Donald Trump tha se, pas kontakteve konstruktive të premten, janë rënë dakord për shumicën e pikave kyçe të planit për t’i dhënë fund luftës në Ukrainë
Në një postim në platformën Truth Social, presidenti amerikan shprehet: “Sapo zbrita në Romë. Një ditë e mirë në bisedime dhe takime me Rusinë e Ukrainën. Ata janë shumë afër një marrëveshjeje dhe të dyja palët duhet të kenë tani një takim të nivelit të lartë për ta finalizuar atë. Për shumicën e pikave kyçe janë rënë dakord. Ndaloni gjakderdhjen, TANI.
Takimi tre-orësh mes presidentit rus dhe të dërguarit të presidentit amerikan, Steven Witkoff, ishte konstruktiv dhe ngushtoi dallimet për përfundimin e luftës në Ukrainë, tha një zyrtar i Kremlinit.
Të dy u takuan për të diskutuar planin e SHBA për t’i dhënë fund konfliktit, i cili përfshin lëshime territoriale.
Kremlini madje theksoi se të dy palët diskutuan mundësinë e rifillimit të bisedimeve të drejtpërdrejta midis Rusisë dhe Ukrainës.
Ky do të jetë një zhvillim i madh, pasi Rusia dhe Ukraina nuk kanë zhvilluar bisedime të drejtpërdrejta që në javët e para të luftës, në shkurt të vitit 2022. Në atë kohë kishte një përpjekje për paqe, por ajo u rrëzua shumë shpejt. Ndërsa ende s’ka asnjë koment nga Witkoff./E.S
