Last Updated on 14/06/2025 by adminfjala
Rreth gjashtëdhjetë persona kanë humbur jetën pas një sulmi izraelit ndaj një ndërtese banimi në Teheran, sipas një gazetari të medias shtetërore iraniane.
Televizioni iranian transmetoi pamje të drejtpërdrejta të punëtorëve që po pastronin mbeturinat nga vendi i rrënojave të një ndërtese në kompleksin rezidencial Shahrak-e Shahid Chamran në Teheran.
Sipas një gazetari në vendngjarje, në ndërtesën e goditur u vranë 20 fëmijë, përfshirë foshnje vetëm 6-muajshe. Dhjetë trupa ende mbeten të bllokuara nën rrënoja.
Gazetarja theksoi se këto shifra i mori nga autoritetet përgjegjëse për kompleksin rezidencial. CNN nuk ka verifikuar në mënyrë të pavarur numrin e viktimave.
Ndërkohë, nuk është e qartë saktësisht sa civilë kanë humbur jetën në sulmet izraelite, por i dërguari i Iranit në OKB deklaroi se të paktën 78 persona u vranë në sulmet e premten./kb