Autoritetet siriane njoftuan se janë vjedhur disa statuja dhe artefakte të lashta nga Muzeu Kombëtar i Sirisë në Damask. Vjedhja u zbuluar të hënën, kur stafi i muzeut vuri re se një nga dyert ishte thyer nga brenda. Mungojnë gjashtë statuja prej mermeri, të cilat datojnë nga periudha Romake.
Drejtoria e Përgjithshme e Antikiteteve dhe Muzeve të Sirisë njoftoi se ka nisur një hetim për të zbuluar rrethanat e humbjes së këtyre ekspozitave dhe ka ndërmarrë masa për të përmirësuar mbrojtjen dhe sistemet e monitorimit të muzeut. Oficerë të sigurisë në Damask po intervistojnë rojet e muzeut dhe individë të tjerë të përfshirë.
Muzeu Kombëtar i Damaskut, i themeluar në vitin 1919, ruan një nga koleksionet më të rëndësishme arkeologjike të Sirisë, përfshirë tableta të lashta të shkrimit cuneiform nga Ugariti dhe skulptura greko-romake nga Palmyra. Gjatë luftës civile, muzeu u mbyll në vitin 2012 dhe shumica e koleksioneve u shpërndanë në vende të fshehta për t’u mbrojtur. Ai u rihap pjesërisht në vitin 2018 dhe rifilloi operacionet e plota në janar të vitit 2025, pas rrëzimit të regjimit të presidentit Bashar al-Assad.
Muzeu ka pësuar dëme të mëdha gjatë luftës civile, me shumë nga vendet e trashëgimisë botërore të UNESCO-s të dëmtuara ose të shkatërruara, përfshirë sulmet e grupit ISIS, i cili shkatërroi disa tempuj dhe struktura të rëndësishme kulturore në Palmyra./ MXH