Kryeministri britanik Keir Starmer i kërkoi liderit të Reform UK, Nigel Farage, të përgjigjet ndaj akuzave për sjellje raciste dhe antisemitike në të kaluarën, të publikuara nga gazeta The Guardian. Gjatë seancës së pyetjeve në parlament, Starmer sfidoi deputetin e Reform UK, Lee Anderson, duke e pyetur nëse Farage do të gjente kohë t’u përgjigjej raportimeve që bazohen në dëshmi të ish-shokëve të shkollës.
Sipas The Guardian, mbi një duzinë bashkëmoshatarësh të Farage pretendojnë se ai ka bërë komente raciste dhe antisemitike në shkollë, përfshirë shaka për dhomat e gazit dhe trajtim diskriminues ndaj një studenti të pakicës etnike. Reform UK i hodhi poshtë akuzat si të pabazuara dhe tha se mungojnë prova apo dokumente të kohës që t’i mbështesin.
Nigel Farage, i cili fitoi mandatin e tij të parë parlamentar në korrik pas shtatë përpjekjesh të pasuksesshme, drejton partinë anti-emigracion Reform UK, e cila po qëndron lart në sondazhe. Ai është i njohur si figura më e spikatur e fushatës pro-Brexit në vitin 2016./MXH