Ministrja britanike e Kulturës, Lisa Nandy, tha se ishte e drejtë që BBC-ja kishte kërkuar falje ndaj Presidentit amerikan Donald Trump për një dokumentar që avokatët e tij e quajtën shpifës.
“Gjëja më e rëndësishme që ata kanë bërë gjatë javës së kaluar është gatishmëria për të pranuar dhe kërkuar falje për gabimet serioze që janë bërë,” tha Nandy për BBC Radio 4.
BBC-ja i dërgoi një falje personale Presidentit Trump të enjten, më 13 nëntor, duke theksuar se nuk kishte bazë ligjore që ai të padiste transmetuesin publik për dokumentarin.
Dokumentari, i transmetuar në programin “Panorama” pak para zgjedhjeve presidenciale amerikane të vitit 2024, kishte spajkuar tre pjesë të fjalimit të Trump më 6 janar 2021, ditën kur mbështetësit e tij sulmuan Kapitolin, duke krijuar përshtypjen se ai kishte thirrur për dhunë.
BBC-ja është përfshirë në krizën më të madhe që dekada, pas dorëheqjes së dy drejtuesve të lartë mbi akuzat për paragjykim, përfshirë edhe për editimin e fjalimit të Trump. Akuzat dolën në dritë përmes një raporti të rrjedhur nga një zyrtar i standardeve të BBC-së.
Themeluar në vitin 1922 dhe e financuar kryesisht nga një tarifë që paguajnë britanikët për TV, BBC-ja aktualisht nuk ka një drejtues të përhershëm, ndërsa qeveria po shqyrton mënyrën se si duhet të financohet në të ardhmen./MXH