Në bisedën me gazetarin Anderson Cooper, Coxon tha se problemi nuk është se inteligjenca artificiale sot është në gjendje të zhdukë njerëzimin, por shpejtësia me të cilën ajo po përmirësohet dhe mundësia që shumë shpejt të nisë të përmirësojë vetveten.

Sipas tij, skenari më shqetësues është ai i “përmirësimit rekursiv”, ku një sistem AI bëhet i aftë të krijojë ose përmirësojë versionet pasuese të vetes. Coxon paralajmëroi se kjo mund të ndodhë “vitin tjetër ose një vit më pas”, duke krijuar një situatë në të cilën njerëzit mund të humbin kontrollin mbi teknologjinë.

“Ekziston një mundësi shumë reale që në të ardhmen e afërt të ndodhë përmirësimi rekursiv i AI-së dhe të hyjmë në fazën ku ekziston mundësia që të gjithë të vdesim”, tha ai në intervistë, sipas raportimeve mbi bisedën e tij me CNN.

Coxon kishte njoftuar më herët dorëheqjen nga Anthropic, kompania që zhvillon modelin Claude, duke akuzuar kompanitë kryesore të AI-së se po garojnë drejt superinteligjencës vetëpërmirësuese dhe po “luajnë bixhoz me jetët tona”. Ai kishte punuar për rreth tre vjet në kërkimin e trajnimit të modeleve, si në Anthropic ashtu edhe në OpenAI.

Një tjetër detaj i rëndësishëm i intervistës është se Coxon nuk e përshkruan AI-në aktuale si një kërcënim të menjëhershëm. Frika e tij lidhet me atë që mund të ndodhë kur sistemet të bëhen dukshëm më inteligjente dhe të afta të veprojnë në mënyrë autonome. Sipas tij, ato mund të përdoren për sulme kibernetike, manipulim, ndërhyrje në infrastrukturë kritike apo edhe zhvillimin e armëve biologjike.

Paralajmërimi i Coxon mori një tjetër dimension pasi u mbështet publikisht nga Evan Hubinger, një kërkues i lartë i Anthropic, i cili tha se kompania ende nuk ka një plan të zgjidhjes së problemit të “alignment” për superinteligjencën dhe se, sipas vlerësimit të tij personal, ekziston më shumë se 10% mundësi që AI të vrasë të gjithë njerëzit brenda dekadës së ardhshme.

Coxon thotë se pikërisht kjo është arsyeja pse vendosi të largohej, edhe pse dorëheqja nënkuptonte heqjen dorë nga një përfitim i konsiderueshëm financiar. Ai argumenton se kompanitë e AI-së janë futur në një garë ku secila druhet se, nëse ngadalëson, konkurrentët do të ecin përpara.

“Ky skenar tingëllon si fantashkencë, por është tmerrësisht real”, është mesazhi që Coxon përcolli në intervistën për CNN, duke kërkuar që zhvillimi i AI-së të shoqërohet me rregulla dhe mekanizma shumë më të fortë sigurie.

Paralajmërimet e tij vijnë në një kohë kur edhe brenda industrisë së AI-së po shtohen zërat për nevojën e kontrollit dhe rregullimit të teknologjisë. CNN ka raportuar se më shumë se 1,300 punonjës të kompanive të AI-së kanë mbështetur më herët një thirrje për ngadalësimin e zhvillimit për arsye sigurie./mxh

Roma e nisi më mirë takimin dhe në minutën e 21-të pati një mundësi të artë për të kaluar në epërsi. Paulo Dybala doli i vetëm përballë portierit Ederson, por goditja e tij u ndal nga një pritje e shkëlqyer.

Fenerbahçe u përpoq të reagonte, por në minutën e 39-të Roma gjeti golin e epërsisë. Donyell Malen asistoi për Bryan Cristanten, i cili kontrolloi bukur topin në hyrje të zonës dhe me një goditje të saktë e dërgoi topin në këndin e poshtëm të portës për 0-1.

Me këtë rezultat u mbyll edhe pjesa e parë, ndërsa Fenerbahçe u detyrua të kërkonte reagimin pas pushimit.

Skuadra turke e nisi pjesën e dytë me më shumë agresivitet dhe shpërblimi erdhi shumë shpejt.

Në minutën e 48-të, Mason Greenwood krijoi hapësirën dhe pas kombinimit me Archie Brown, ky i fundit realizoi me një parabël të bukur për të barazuar rezultatin në 1-1. Fenerbahçe më pas pati edhe raste të tjera për përmbysje.

Në minutën e 52-të, Vedat Muriqi iu afrua golit të dytë, por goditja e tij e ulët u ndal nga Mile Svilar.

Në aksionin vijues, Bartug Elmaz provoi nga distanca, por goditja e tij përfundoi pak mbi traversë. Muriqi u zëvendësua në minutën e 72-të, duke ia lënë vendin Romelu Lukakut.

Fenerbahçe vazhdoi të kërkonte golin e fitores dhe në minutën e 72-të Oguz Aydın u gjend në pozitë të mirë brenda zonës, por Mile Svilar bëri një pritje fantastike.

Rasti më i madh i minutave të fundit erdhi në të 86-tën, kur Nathan Aké kërceu pas një goditjeje standarde dhe me kokë goditi traversën.

Në fund, Fenerbahçe dhe Roma u desh të pajtoheshin me nga një pikë në hapje të fazës së ligës në Ligën e Kampionëve./mxh

Siç bëhet me dije nga Agjencia e Mbikëqyrjes në Sistemin e Ekzekutimit të Vendimeve Penale, ë përfundim të kryerjes së veprimeve të para procedurale nga AMSEVP është kryer arrestimi në flagrancë i të burgosurit S. Gj., për veprat penale “Futja ose mbajtja e sendeve të ndaluara në institucionin e ekzekutimit të vendimeve me burgim” dhe “Prodhimi dhe shitja e narkotikëve”, të parashikuara nga nenet 324/a dhe 283 të Kodit Penal.

Gjithashtu, janë proceduar në gjendje të lirë shtetasi i burgosur E. B., për veprën penale “Moskallëzimi i krimit”, shtetasi F. D. me detyrë punonjës policie në IEVP Shkodër, për veprën penale “Shpërdorimi i detyrës”, si edhe shtetasi A. Ll. me detyrë punonjës policie në IEVP Shkodër, për veprën penale “Shpërdorimi i detyrës”./mxh

Berisha tha se PD nuk do të zbresë kurrë në shesh për të shuar protestën aktuale të qytetarëve.

Sa i përket një plani konkret për protessta nga opozita, Berisha u shpreh se do të shihen të gjitha variantet.

“Në shesh siç është sot ne jemi. Por në shesh që ne të shuajmë këtë protestë, nuk e bëjmë kurrë. Ata që udhëhoqën dhe uhdëheqin porotestën, donin me çdo kusht të mos ishte partiake. Kjo s’do të thotë që s’do dalim në protesta. Do të shohim të gjitha variantet”, tha Berisha./mxh

Njoftimi u bë nga kryeministri kanadez Mark Carney, i cili paralajmëroi gjithashtu një paketë të re ndihme për mbrojtjen ajrore të Ukrainës.

Sipas Carney, paketa e ndihmës për mbrojtjen ajrore ka një vlerë prej 350 milionë dollarësh kanadezë, rreth 218 milionë euro. Mbështetja vjen në një kohë kur përdorimi i dronëve është bërë një prej elementëve kryesorë të luftës në Ukrainë, si në sulmet ndaj objektivave ushtarake dhe infrastrukturore, ashtu edhe në mbrojtjen kundër sulmeve ajrore.

Në një tjetër zhvillim, Ministria ruse e Mbrojtjes deklaroi se forcat e Moskës kanë goditur një anije transporti mallrash në portin ukrainas të Çornomorskut. Sipas autoriteteve ruse, anija dyshohet se përdorej për transportin e materialeve ushtarake për forcat ukrainase. Informacioni është raportuar nga Reuters.

Ndërkohë, autoritetet ruse raportuan se një person ka humbur jetën dhe të paktën gjashtë të tjerë janë plagosur pas disa sulmeve me dronë ukrainas në rajonin e Belgorodit. Sipas autoriteteve rajonale, viktima punonte në një kompleks industrial në qytetin e Novy Oskol. Emri i objektit nuk është bërë i ditur./mxh

Sipas specifikimeve teknike të parashikuara në dokumentet e tenderit, nëntë stacione të metrosë do të modernizohen në mënyrë që, në rast nevoje, të mund të shndërrohen në bunkerë.

“Studimi i fizibilitetit duhet të vlerësojë rreziqet e mundshme që lidhen me hyrjen e ajrit të kontaminuar në sistemet e ventilimit të zonës së destinuar për mbrojtjen civile dhe të garantojë që zgjidhjet teknike të parashikojnë sisteme filtrimi dhe ventilimi mjaftueshëm efikase për largimin e pluhurave radioaktive, aerosoleve dhe substancave toksike”, thuhet në dokumentacionin e cituar nga gazeta.

Më herët, e njëjta gazetë ka publikuar informacione lidhur me blerjen e strukturave kundër dronëve nga kompani të rajonit. Gjithashtu, administrata e distriktit të Kronstadtit, një ishull në Gjirin e Finlandës që në qershor u godit nga një dron ukrainas, ka blerë disa strehimore dhe i ka shpërndarë në territorin e saj.

Gjatë muajve korrik dhe gusht, Shën Petersburgu dhe rajoni përreth u përballën me sulme masive me dronë nga ushtria e Kievit. Sulmet shënjestruan veçanërisht dy qendra logjistike të kompanisë së shitjeve online Wildberries, si dhe portin tregtar të Ust-Lugës, në brigjet e Detit Baltik.

Për shkak të këtyre sulmeve, operacionet në aeroportin Pulkovo u pezulluan disa herë./mxh

I pyetur nga gazetari Çim Peka, Berisha u shpreh se këtë ngjarje nuk e sheh si hakmarrje as ndaj ish-kryetarit të PD-së, Lulzim Basha, që njoftoi përjashtimin e tij nga partia për shkak të sanksioneve të vendosura nga qeveria amerikane dhe as ndaj ish-ambasadores amerikane të atyre viteve, Yuri Kim.

“Jo nuk ndjej ndonjë hakmarrje ndaj tyre. Sepse në mënyrë të përsëritur, njeriu që ishte marrë aktivisht me ëktë çështje se kjo nuk hiqet kurrë, sado që jepja shembuj që është hequr. Ajo insistonte se nuk hiqej kurrë. Njerëzit që e dëgjonin e kishin të vështirë të mos besonin ambasadoren dhe jo mua. Ata betoheshin dhe madje u përpoqën të ulin edhe avionit që të mos vija”,-tha Berisha./mxh

Sipas të dhënave të publikuara sot në këtë periudhë janë regjistruar më shumë se 74 mijë hyrje të parregullta, rreth 35% më pak krahasuar me të njëjtën periudhë të vitit 2025.

“Frontex” e lidh këtë rënie me bashkëpunimin e vazhdueshëm me vendet partnere, si dhe me masat parandaluese të ndërmarra në vendet kryesore të origjinës së migrantëve.

Rënia është vërejtur në pothuajse të gjitha rrugët kryesore të migracionit drejt Evropës.

Megjithatë, agjencia thekson se statistikat nuk përfshijnë plotësisht hyrjen masive të migrantëve nga Maroku drejt enklavës spanjolle Ceuta në fund të korrikut.

Një shifër përfundimtare nuk mund të përcaktohet me saktësi, pasi shumica e personave që kaluan kufirin ishin larguar përsëri drejt Marokut përpara se të regjistroheshin.

Sipas qeverisë spanjolle, rreth 80 mijë persona hynë përkohësisht në Ceuta gjatë ngjarjes, ndërsa Maroku e vlerësoi numrin në rreth 40 mijë.

Rreth 83 persona humbën jetën në përpjekjet për të arritur enklavën.

Ngjarja në Ceuta riktheu debatin mbi sigurinë e kufijve të jashtëm të BE-së dhe përgjegjësinë e Spanjës për menaxhimin e tyre.

“Frontex” paralajmëron se rënia e numrit të hyrjeve nuk do të thotë se rrjetet e kontrabandës së migrantëve janë zhdukur.

Sipas agjencisë, trafikantët thjesht presin momentin e përshtatshëm për të rifilluar aktivitetin.

Për këtë arsye, “Frontex” thotë se duhet të jetë e gatshme edhe në periudhat kur situata kufitare duket e qetë./mxh

30 vatra zjarri janë raportuar gjatë ditës së sotme në të gjithë territorin e vendit. 7 prej tyre vijojnë të jenë aktive, 10 janë nën mbikëqyrje, ndërsa 13 janë shuar plotësisht.

Në terren janë angazhuar mbi 400 forca operacionale vendore dhe lokale, të mbështetura nga 21 automjete zjarrfikëse. Në operacione janë përfshirë edhe Forcat e Armatosura me 133 efektivë, një helikopter, dy automjete zjarrfikëse, një dron, 13 mjete dhe një autoambulancë.

Në Qarkun e Tiranës, aktive vijon të jetë vatra në Malin e Dajtit. Për shuarjen e zjarrit janë angazhuar 25 zjarrfikës, 7 forca të Administratës së Zonave të Mbrojtura dhe 52 efektivë të Forcave të Armatosura, me 6 mjete dhe një autoambulancë. Sipas autoriteteve, zjarri nuk paraqet rrezik për zonat e banuara.

Ndërkohë, vatrat në Malin e Bërzhitës dhe në zonën e Malit me Gropa janë izoluar dhe vijojnë të mbahen nën mbikëqyrje.

Situatë më problematike paraqitet në Qarkun e Dibrës, ku mbeten aktive disa vatra zjarri. Flakët vijojnë në Lundre–Madhesh të Matit, në Cerrujë–Mali i Allushit në Klos, në Selishtë, si dhe në një vatër të re të raportuar në Pleshë, Klos. Ndërsa vatra në Qafën e Helmesit është nën mbikëqyrje.

Në Qarkun e Shkodrës, aktive mbetet vatra në Porav të Fushë-Arrëzit. Zjarret në Rragam dhe në malin e Tërbunit janë nën kontroll dhe, sipas autoriteteve, nuk paraqesin rrezik për zonat e banuara. Ndërsa vatra në Mnelë të Madhe është shuar plotësisht.

Në Qarkun e Fierit, zjarri në Peshtan vijon të monitorohet, ndërsa aktiv mbetet zjarri në Çërrilë të Mallakastrës. Në terren janë angazhuar forcat vendore, strukturat pyjore dhe ato të mbrojtjes civile. Në ndihmë të operacioneve kanë ndërhyrë edhe Forcat e Armatosura me një helikopter, 32 efektivë dhe 3 mjete.

Në qarqet Lezhë, Elbasan dhe Korçë, situata paraqitet më e qëndrueshme. Vatrat e raportuara janë kryesisht të shuara ose nën mbikëqyrje.

Në Opar të Korçës vijon puna në terren për monitorimin e situatës, por vatra klasifikohet nën mbikëqyrje dhe nuk raportohet rrezik për banesat.

Agjencia Kombëtare e Mbrojtjes Civile vijon monitorimin e pandërprerë të situatës në të gjithë territorin e vendit, në koordinim me prefekturat, bashkitë dhe strukturat e sistemit të Mbrojtjes Civile.

Forcat operacionale mbeten në terren dhe në gatishmëri për të ndërhyrë në çdo zonë ku situata e kërkon, ndërsa prioritet mbetet mbrojtja e jetës së qytetarëve, banesave, pasurisë dhe mjedisit./mxh

Vjedhjet u kryen nga korriku deri në gusht të vitit të kaluar në zonën e Vorarlbergut.

Sipas medias zvicerane “Krone”, shqiptari hyri me forcë në shtëpi dhe mallrat e vjedhur kapin shifrën e të paktën 14,000 eurove.

Provat e ADN-së në vendet e krimit e lidhën me të akuzuarin shqiptar, ndaj të cilit ekzistonte edhe një urdhër arresti evropian. 46-vjeçari ka qenë në paraburgim në burgun e Feldkirch që nga marsi i këtij viti, si edhe ka vuajtur dënimin në Suedi dhe Danimarkë për vepra të ngjashme penale.

Tanimë ndaj shqiptarit është caktuar dënim me gjashtë vite burg./mxh