Last Updated on 16/10/2025 by EL
Arratisja e 20 anëtarëve të bandës të cilësuar jashtëzakonisht të rrezikshme që mbaheshin në një burg të Guatemalës ka shkaktuar një krizë politike në vendin e Amerikës Qendrore, duke çuar në shkarkimin e ministrit të brendshëm të mërkurën.
“Kam vendosur të bëj ndryshime në ekipin që kishte qenë përgjegjës për sigurinë dhe kam pranuar dorëheqjen e Francisco Jimenez nga pozicioni i ministrit të brendshëm, si dhe ato të dy zëvendësministrave”, tha presidenti socialdemokrat i Guatemalës, Bernardo Arevalo.
Arratisja e anëtarëve të burgosur të Barrio 18, u zbulua të dielën, ndërsa kreu i shtetit ishte jashtë vendit, duke vizituar Evropën. Në vend ka pasur protesta për shkak të mosveprimit të qeverisë ndaj krimit.
Autoritetet kanë rritur masat e sigurisë në burgje dhe në kufijtë me El Salvadorin, Hondurasin dhe Meksikën, dhe qeveria po ofron shpërblime për informacionin që çon në arrestimin e të arratisurve. Deri më tani, vetëm një është vënë përsëri në pranga.
Bandat rivale Barrio 18 dhe Mara Salvatrucha, janë cilësuar si organizata “terroriste” nga Uashingtoni, ndërsa pretendojnë kontrollin e pjesëve të Guatemalës, ku ato angazhohen në zhvatje për të marrë para nga tregtarët, transportuesit dhe qytetarët e tjerë, nëse objektivat e tyre refuzojnë të paguajnë, ata shpesh vriten. Ato veprojnë edhe në vende të tjera të rajonit. /K.M