Tërmeti me magnitudë 4.7 ballë që ndodhi mbrëmë në orën 7:46 të mbrëmjes sipas kohës italiane në zonën më të gjerë të Napolit plagosi 21 persona, dy prej të cilëve rëndë.
Shumica e të lënduarve janë në zonën e Pozzuolit, e cila ka parë dëmet më të mëdha materiale. Në dymbëdhjetë orët e fundit, sipas autoriteteve kompetente, janë regjistruar më shumë se tridhjetë lëkundje pasuese.
Më e forta u ndje në orën 5:47 të mëngjesit, sipas kohës lokale, dhe ishte 3.1 ballë sipas shkallës Rihter.
Shumë banorë të zonës së madhe të Napolit vendosën ta kalonin natën në makina dhe sheshe , sepse kanë frikë të kthehen në shtëpitë e tyre. Ndër të tjera, zjarrfikësit, për shkak të çarjeve të shkaktuara nga tërmeti, evakuuan një pallat apartamentesh në të cilin jetojnë shtatëdhjetë persona, të cilët u transferuan në një palestër bashkiake në Pozzuoli./ad