Kreu i Bashkimit Demokratik për Integrim, Ali Ahmeti, zhvilloi një tubim me qytetarët në Gostivar, ditën e enjte, ku gjatë fjalës së tij, i garantoi qytetarëve se ligji për gjuhën shqipe nuk do të cënohet.
Më tej, Ahmeti theksoi se nuk është e mbyllur çështja e shqyrtimit të ligjit të gjuhëve në Maqedoni të Veriut dhe se e konsideron si një përpjekje të zhvlerësimit të Marrëveshjes së Ohrit dhe faktorit politik shqiptar nga pushteti i tanishëm, që edhe i paralajmëroi të mos bëhet.
Ai gjithashtu nuk ngurroi duke thumbuar nga larg kryeministrin Kurti për deklaratat e tij të trazuara të bëra pak javë më parë, duke thënë se nuk është politikan sallonesh e biskotash. Sipas tij duhet të rinegociohet Marrëveshja e Ohrit e cila është e garantuar nga SHBA, BE, NATO dhe e larë me gjak nga UÇK-ja.
“Këto nuk i kanë shkollat e mia për nacionaliste, dhe të organizimeve të forta. Këta janë krejt që vijnë salloneve. Unë nuk jam politikan i salloneve, as i biskotave. Por këto politika nuk na çojnë përpara. Merreni me mend deri ku kanë shkuar gjërat, vendimi dje i Gjykatës Kushtetuese është që ky ligj do të shtyhet për 3 muaj, në mars, eventualisht në maj ku do të thirren ekspert dhe kryetar të partive politike. Çka domethënë kjo? Të rinegociohet Marrëveshja e Ohrit e cila është e garantuar nga SHBA, BE, NATO dhe e larë me gjak nga UÇK-ja”, përfundoi kreu i BDI-së, Ali Ahmeti.
/E.S
