Meteorologia Tanja Porja ka treguar sesi do të jetë moti gjatë ditëve të fundjavës.
Ajo tha se mëngjesin e të shtunës reshjet e shiut do të nisin të largohen gradualisht dhe do ia lënë vendin kthjellimeve.
Tanja Porja tha gjithashtu se temperaturat do të jenë në rënie gjatë të shtunës dhe akoma edhe më të ulëta të dielën.
Sipas meteorologes, dera do të fryjë me drejtim veri-lindje dhe lindje, duke bërë që ajri të jetë i ftohtë.
“Fundjava sjell reshje, që mbeten prezente, herë pas here me intensitet të lartë. Reshje dëbore mbi lartësitë 700 metra. Reshje gjatë orëve të natës, ndërsa mëngjesin e të shtunës, reshjet gradualisht largohen. Era do të fryjë me shpejtësi mesatare me drejtim verilindor dhe lindor.
Temperaturat do të pësojnë një rënie mëngjesin e të shtunës. Minimimi shkon në -3 gradë celcius, ndërsa maksimumi në rreth 13 gradë. E njëjta gjë edhe për të dielën, mot me diell, por temperatura akoma më të ulëta”, tha Porja./e.t
