Autoriteti Kombëtar për Sigurinë Kibernetike (AKSK), në bashkëpunim me Agjencinë Kombëtare të Shoqërisë së Informacionit dhe disa institucione të tjera publike, ka kontribuar në analizën teknike dhe shkencore për ndërmarrjen e vendimit të mbylljes së platformës “TikTok” në Shqipëri.
AKSK njofton se janë ndërmarrë hapat për fillimin e procesit tekniko-ligjor për bllokimin e “TikTok” në nivel kombëtar, me një periudhë afatmesme prej rreth një viti.
AKSK do të vazhdojë të ofrojë ekspertizën e saj për të siguruar një implementim të suksesshëm të këtij vendimi.
Kujtojmë se kryeministri Edi Rama njoftoi këtë vendim një ditë më parë, duke shtuar se pas 1300 takimeve dhe anketimeve, më shumë se 90% e prindërve kërkuan bllokimin e platformës./K.B
