Obeziteti po kthehet në një problem serioz shëndetësor, veçanërisht tek të rinjtë.
Sipas mjekut kardiolog Sajmir Shehu, rastet e obezitetit në Elbasan janë në rritje për shkak të mungesës së aktivitetit fizik dhe konsumit të ushqimeve të pashëndetshme.
Ai paralajmëron se kjo gjendje rrit rrezikun për sëmundje kardiovaskulare, diabet dhe çrregullime metabolike.
Edhe mjekja dietologe Alisa Xhyra, thekson se akumulimi i tepërt i yndyrave dhe stresi ndikon negativisht në shëndet. Sipas saj, 150 minuta aktivitet fizik në javë dhe një dietë e ekuilibruar janë çelësi për parandalimin e obezitetit.
Mjekët bëjnë thirrje për ndërgjegjësim dhe ndryshim të stilit të jetesës, për të shmangur pasojat afatgjata të kësaj sëmundjeje./ S,M
