Një grup hakerash arritën të grabisin para digjitale me vlerë gati 1.5 miliardë euro, në atë që mund të jetë vjedhja më e madhe e kriptomonedhave në histori.
Kompania e këmbimit të parave Bybit, me qendër në Dubai, tha se një sulmues fitoi kontrollin e një portofoli Ethereum dhe transferoi zotërimet e tij në një adresë të paidentifikuar. Bëhet e ditur se kompania, e cila ka më shumë se 60 milionë përdorues në mbarë botën, tha se asnjë portofol tjetër nuk u prek dhe tërheqjet po vazhdojnë normalisht, raporton Skynews.
Kompania Bybit mori më shumë se 350,000 kërkesa për tërheqje të aseteve pas asaj që shefi ekzekutiv, Ben Zhou, e përshkroi si hakerimin më të keq në histori. Raportohet se vjedhja mund të jetë më e madhja e këtij lloji, me rekordin e mëparshëm që vlerësohet të jetë 620 milionë dollarë kriptomonedhë e vjedhur nga Ronin Network në 2022./e.t
