Operatori i Sistemit, Transmisionit dhe Tregut [KOST], Kompania për Distribuim të Energjisë Elektrike në Kosovë [KEDS] dhe Kompania Kosovare për Furnizim me Energji Elektrike [KESCO], kanë kërkuar shtrenjtimin e energjisë elektrike në Kosovë.
Lajmi është bërë i ditur nga Kreu i Bordit të Zyrës së Rregullatorit për Energji Elektrike, Ymer Fejzullahu, i cili ka deklaruar se kompanitë në fjalë kanë dorëzuar aplikimet për shqyrtimin e tarifave te reja, duke shtuar se në fund të muajit mars pritet që bordi të dalë me propozime të reja për këtë çështje.
Ndaj kërkesave të kompanive për rritje të çmimit të energjisë ka reaguar opozita.
Ata kanë bërë me dije se qeveria aktuale e ka përgatitur terrenin për ngritje të çmimit të rrymës.
Zyrtarët e PDK-së dhe LDK-së kanë drejtuar gishtin nga Qeveria Kuti.
Nga rradhet e LDK ka reaguar Hykmete Bajrami, e cila kerkon qe qytetarët e Kosovën të dinë, nëse do të ketë rritje të çmimit të energjisë.
Në profilin e saj në “Facebook”, Bajrami ka kritikuar Qeverinë Kurti se në këtë mandat nuk ka bërë asnjë investim për shtimin e kapaciteteve për prodhimin e energjisë.
Çfarë ka bërë qeveria Kurti për të rritur prodhimin e energjisë? Zero investime në kapacitete gjeneruese që nga viti 2021: Asnjë projekt i ri për prodhimin e energjisë, Asnjë investim në kapacitetet ekzistuese, Asnjë strategji për uljen e varësisë nga importi. Për 4 vite, qeveria ka lënë vendin në mëshirën e çmimeve të importit, ndërkohë që qytetarët paguajnë fatura gjithnjë e më të larta.
Nëse do të ketë rritje të çmimit të energjisë, kjo nuk do të jetë hera e parë që ndodh në Qeverinë Kurti.
Në këtë mandat qeverisës, fatura e energjisë elektrike janë ngritur disa here, ndersa ne mbyllje te vitit te kaluar, ne prag te festave dhe ne temperature me minus, vendi kaloj disa dite pa energji elektrike./k.k
