Stilisti i njohur Ralph Lauren dhe bashkëshortja e tij jetojnë në një pronë prej 250 hektarësh në Bedford, Nju Jork – një rezidencë amerikane e frymëzuar nga shtëpitë angleze
Vila, me një sipërfaqe prej 1,580 metrash katrorë, është një shtëpi prej guri në stil Norman, e ndërtuar fillimisht në vitin 1919.
Hyrja madhështore të udhëheq drejt një biblioteke të veshur me panelë mahogany në njërën anë dhe një dhome ngrënieje me mure kadifeje në ngjyrë jeshile të errët në anën tjetër.
Në katin përdhes ndodhet një dhomë pritjeje klasike në stilin anglez – dramatike, ashtu si shumica e ambienteve të brendshme të shtëpive të Ralph Lauren-it.
Atmosfera në të shumtën e dhomave është e fortë dhe ekspresive. Tartan-i përdoret në mënyrë bujare: nga jastëkët te batanijet dhe mbulesat e tavolinave, duke sjellë ndjesinë e ngrohtësisë dhe karakterit klasik.
Dekori i brendshëm është formal, por njëkohësisht lozonjar dhe eklektik – një stil që i përket vetëm Ralph Lauren-it.
Jeta në natyrë nuk mungon në këtë rezidencë luksoze: një tarracë e madhe për darka në ajër të pastër dhe një ambient pishine i rrethuar nga pisha të larta ofrojnë relaks dhe elegancë, citon citon Class.
Brenda kësaj “arratisjeje” buzë pishinës, detajet arkitektonike përfshijnë trarë druri pishe në tavan dhe një mantel oxhaku prej guri gëlqeror francez.
/E.T
