Donald Trump, gjatë fushatës së tij, pati premtuar se do t’i jepte fund luftës në Ukrainë për 24 orë. Ai jo vetëm që nuk e mbajti premtimin – e pritshme – por bisedimet për paqe po zgjaten tejmase.
Marrëveshja duket pranë, por ende jo konkrete. Ajo që sugjeron Trump është planifikuar të përfshijë njohjen e SHBA-së të kontrollit të Rusisë mbi Krimenë, rajoni ukrainas i aneksuar ilegalisht nga Moska në 2014.
Kjo pikë duket të jetë një pikë pengese për Volodymyr Zelensky, i cili ka thënë vazhdimisht se Ukraina nuk do të pranojë të heqë dorë nga Krimea si pjesë e negociatave të paqes.
Kjo acaroi Trumpin, i cili sugjeroi në Zyrën Ovale mbrëmë se e kishte më të lehtë të merrej me Rusinë sesa Zelebskyn.
“Unë mendoj se Rusia është gati. Dhe unë mendoj se ne kemi një marrëveshje me Rusinë. Duhet të arrijmë një marrëveshje me Zelensky”, u tha Trump gazetarëve.
“Mendova se mund të ishte më e lehtë të merresha me Zelenskyn. Deri më tani, ka qenë më e vështirë. Por, mendoj se kemi një marrëveshje me të dyja”, shtoi presidenti amerikan.
Në një postim të mëparshëm në Truth Social dje, Trump tha se qëndrimi i Zelensky mbi Krimenë “nuk do të bëjë gjë tjetër veçse të zgjasë “fushën e vrasjes” dhe askush nuk e dëshiron këtë”. m.p.
