Last Updated on 11/06/2025 by adminfjala
IMD paralajmëron se kjo valë e nxehti pritet të zgjasë edhe 4 deri në 5 ditë, duke vënë në rrezik të lartë banorët e zonave të prekura, veçanërisht të moshuarit dhe personat me sëmundje kronike. Ekspertët theksojnë se përveç temperaturave të larta, lagështia e shtuar e bën nxehtësinë edhe më të padurueshme, duke rritur rrezikun për goditje nga dielli dhe dehidratim.
“Ndikimi i të nxehtit mbi trupin e njeriut ndryshon në varësi të vendndodhjes, ekspozimit dhe aktivitetit fizik. Në këto kushte, qëndrimi për një kohë të gjatë në ambient të hapur mund të jetë i rrezikshëm,” thuhet në paralajmërimin e specialistëve të shëndetit publik.
Ndërkohë, në shtetin Uttar Pradesh, më i populluari në Indi, vala e të nxehtit ka rritur ndjeshëm përdorimin e kondicionerëve dhe ventilatorëve, duke shkaktuar mbingarkesë në rrjetin elektrik dhe ndërprerje të shpeshta të energjisë. Kjo ka shtuar vështirësitë për banorët që përpiqen të mbrohen nga i nxehti përvëlues.
Sipas Ministrisë së Shëndetësisë së Indisë, vala e të nxehtit gjatë vitit 2024 ka shkaktuar mbi 100 viktima në nivel kombëtar, duke nxjerrë në pah urgjencën për masa parandaluese dhe ndërgjegjësim publik.
Autoritetet vijojnë të bëjnë thirrje për kujdes të shtuar, duke rekomanduar qëndrimin në hije, hidratimin e vazhdueshëm dhe shmangien e aktiviteteve fizike gjatë orëve të pikut të nxehtësisë./kb