Asnjë avion në Lindjen e Mesme, qielli bosh në Izrael, Iran, Irak, Jordani dhe Liba

Mijëra udhëtarë në mbarë botën po përballen me anulime të shumta të fluturimeve prej ditës se premte, kur Izraeli nisi sulmin ndaj Iranit.

Kjo video e shkëputur nga websajti i monitorimit te fluturimeve flightradar tregon 9 sekondat se si u pastrua nga avionët hapësira ajrore mbi Iran, menjëherë pasi Izraeli sulmoi me raketa zemrën e programit bërthamor te Teheranit.

Te premten hapësira ajrore përgjatë Iranit, Irakut, Izraelit dhe Jordanisë u zhyt në kaos pasi Izraeli nisi sulmin. Shume fluturime u devijuan dhe mijëra pasagjerë u bllokuan.

Lexo edhe :  Izraeli shënjestron Bushehrin, alarm për sigurinë bërthamore në Iran

Aeroportet në Izrael janë mbyllur deri në një njoftim të mëtejshëm dhe kompanitë ajrore kanë anuluar fluturimet drejt rajonit. Edhe fluturimet mes Tiranës dhe Tel Avivit janë anuluar prej ditës së premte.

Pas sulmit, Irani, Iraku, Jordania dhe Siria mbyllën gjithashtu hapësirën e tyre ajrore. Eurocontrol vlerëson se të paktën 1800 fluturime janë prekur deri më tani vetëm për në Evropë dhe anasjelltas.

Trafiku ajror u devijua ose në jug, nëpërmjet Egjiptit dhe Arabisë Saudite, ose në veri, nëpërmjet Turqisë, Azerbajxhanit dhe Turkmenistanit./kb