Mbylljet e llogarive, të cilat Meta tha se ndodhën gjatë gjashtë muajve të parë të vitit, vijnë si pjesë e përpjekjeve më të gjera të kompanisë për të goditur skemat e mashtrimit online.
Në një njoftim, ‘Meta’ tha se po lançon gjithashtu mjete të reja në WhatsApp për të ndihmuar njerëzit të dallojnë mashtrimet, duke përfshirë një përmbledhje të re sigurie që platforma do ta tregojë kur dikush që nuk është në kontaktet e një përdoruesi e shton atë në një grup.
Mashtrimet po bëhen shumë të zakonshme dhe gjithnjë e më të sofistikuara në botën digjitale të sotme, me oferta shumë të mira për të qenë të vërteta dhe mesazhe të pakërkuara që përpiqen të vjedhin informacionin ose paratë e përdoruesve.
Qendrat e mashtrimit, të cilat gjenerojnë miliarda dollarë, operojnë kryesisht në Kamboxhia, Myanmar dhe Tajlandë, dhe janë bërë objekt shqetësimi ndërkombëtar për:
• Skemat e investimit të rreme
• Manipulimin e rrjeteve sociale
• Shfrytëzimin e viktimave përmes punës së detyruar
Meta u ka bërë thirrje përdoruesve të WhatsApp të jenë të kujdesshëm dhe të raportojnë menjëherë çdo aktivitet të dyshimtë./e.t
