Bota është plot me tradita, zakone dhe mënyra jetese që tregojnë sa e pasur dhe e larmishme është kultura njerëzore. Nga Japoni deri në Marok, ja disa fakte interesante që do t’ju bëjnë të shihni kulturat me një sy tjetër.
Në Japoni, zhvillohen mbi 300 mijë festivale në vit, duke e bërë vendin një nga më të gjallët në botë për ngjarje kulturore. Ndërkohë, në Turqi, përgatitja e kafesë turke është shpallur trashëgimi botërore jomateriale nga UNESCO, pasi simbolizon mikpritjen dhe bashkimin shoqëror.
Spanja nuk njihet vetëm për “flamenco”-n — ajo ka mbi 50 stile të ndryshme vallëzimi tradicional, secili me histori dhe ritëm unik. Në Marok, detajet në derën e shtëpisë tregojnë statusin e familjes, një traditë që ruhet prej shekujsh.
Në Francë, kultura e kuzhinës është kthyer në art: vendi numëron mbi 1.200 lloje djathi, duke e bërë atë pjesë të identitetit kombëtar. Ndërkohë, Islanda kryeson në botë për numrin e librave të botuar për frymë — thuajse 1 në 10 banorë ka shkruar një libër.
Dhe në fund, India është shtëpia e industrisë më të madhe të kinemasë në botë – Bollywood, që prodhon mbi 1.500 filma çdo vit, duke përhapur kulturën indiane në mbarë globin.
Nga kafeja turke te sagat islandeze, këto fakte tregojnë se kultura është pasuria më e madhe që bashkon njerëzimin, pavarësisht gjuhës apo kufijve./KM