Kërkimet për rrënojat e fluturimit MH370 të Malaysia Airlines do të rifillojnë më 30 dhjetor, më shumë se një dekadë pasi avioni me 239 persona në bord u zhduk, thanë autoritetet malajziane.
Ky kërkim i ri, i cili do të zgjasë 55 ditë, kishte filluar në mars , por u pezullua menjëherë pas kësaj për shkak të kushteve të këqija të motit.
“Zhvillimi i fundit nënvizon angazhimin e [Malajzisë] për t’u dhënë një përmbyllje familjeve të prekura nga kjo tragjedi”, tha të mërkurën ministria e transportit, sipas mediave lokale.
Fluturimi MH370, një Boeing 777, u zhduk në vitin 2014 ndërsa udhëtonte nga Kuala Lumpur në Pekin dhe shkaktoi kërkimin më të madh në historinë e aviacionit./kb