Të paktën pesë persona u vranë dhe tre të tjerë u plagosën kur një makinë-bombë shpërtheu jashtë një selie policie në një qytet në shtetin perëndimor meksikan të Michoacan, thanë autoritetet.
Zona është shtëpia e disa bandave të trafikimit të drogës, përfshirë kartelet e fuqishme New Generation of Jalisco (NGJ) dhe New Family of Michoacan, të cilat administrata Trump i shpalli si “organizata të huaja terroriste” këtë vit.
#Nacional No fue terrorismo: FGR precisa que explosión en Michoacán se investiga como delincuencia organizada
La Fiscalía General de la República aclaró este domingo que la indagatoria por la explosión de un vehículo ocurrida el sábado en Coahuayana, Michoacán, corresponde al… pic.twitter.com/OYKrnRfLZb
— QR Ahora – Quintana Roo Ahora (@QRAhora) December 7, 2025
Në shtetin e Michoacan, vrasjet në tetor të një kryetari bashkie të njohur dhe biznesmeni vendas shkaktuan protesta masive dhe e detyruan presidenten Claudia Sheinbaum të njoftonte një plan për të rivendosur sigurinë, si pjesë e të cilit atje u vendosën elementë të ushtrisë.
Shpërthimi ndodhi pak para mesditës (ora lokale) përpara selisë së policisë në komunën e Coahuila, në bregdetin e Paqësorit të vendit, sipas zyrës së prokurorit të përgjithshëm meksikan, i cili mori përsipër hetimin. Tre nga pesë personat e vrarë ishin oficerë policie, sipas zyrës së prokurorit të shtetit.
Sulmet me bomba makinash janë relativisht të rralla në Meksikë, por në tetor, një sulm i ngjashëm ndodhi në shtetin fqinj të Guanajuato, duke plagosur tre oficerë policie.