Një vit pasi u gjet në rrugët e Neë York, saktësisht në Manhattan, duke lypur, Parashqevi Simaku dhe Elton Ilirjani janë rikthyer aty ku nisi gjithçka.

Ata kanë ndarë foto nga momenti kur janë gjendur te vendi ku edhe u takuan për herë të parë. Ilirjani ishte një nga njerëzit që ndihmoi Parashqevi Simakun duke i gjetur menjëherë strehim për ta larguar nga rruga.

“Pas 1 viti te vendi që preku gjithë shqiptarët”,shkruan Ilirjani në foto.

Ka qenë një rrugëtim i gjatë që vijon ende pasi edhe në një intervistë të fundit në “Opinion” në Tv Klan, biznesmeni tha se Luke nuk takohet me nënën e tij. Këngëtarja nuk e beson që është e divorcuar dhe nuk pranon as të bëjë dokumentacionin e identifikimit.

Megjithatë, ai ka vendosur mos ta lërë vetëm. Në fotot e postuara, Ilirjani ka bërë një premtim për të.

“Të kam shumë xhan! Ti nuk do jesh kurrë në rrugë apo në problem! Sepse zotohem që çdo gjë do financohet nga unë personalisht! Qira shtëpie, jetesa jote e përditshme dhe çdo gjë që do ti”, shkruan ai.

Në intervistë, sipërmarrësi tha se askush nuk ka ofruar ndihmë. Kujtojmë që qiraja e shtëpisë së këngëtares u mbulua për 1 vit nga një biznesmen, por pas kësaj ajo rrezikonte të mbetej sërish në rrugë./kb