Ministrja e Shëndetësisë dhe Mirëqenies Sociale, Evis Sala, zhvilloi këtë të premte, më 26 dhjetor, një vizitë në Qendrën Kombëtare të Transfuzionit të Gjakut, ku u njoh nga afër me investimet e reja moderne që synojnë rritjen e sigurisë dhe përmirësimin e cilësisë së shërbimit të transfuzionit në vend.
Në një njoftim për mediat, bëhet me dije se gjatë vitit 2025, Ministria e Shëndetësisë dhe Mirëqenies Sociale ka realizuar një sërë investimesh kyçe, përfshirë pajisjen me teknologji të re për gjenotipizimin e grupeve të gjakut, e cila u vjen në ndihmë pacientëve me nevoja të veçanta transfuzionale dhe shërben për parandalimin e sëmundjes hemolitike të fetusit dhe të porsalindurit.
Po ashtu, është realizuar digjitalizimi i plotë i të dhënave dhe proceseve që lidhen me dhurimin, testimin dhe shpërndarjen e gjakut, si dhe centralizimi dhe automatizimi i testimit të grupeve të gjakut, duke rritur standardet e cilësisë dhe ulur ndjeshëm rrezikun e gabimeve njerëzore.
Po ashtu, është realizuar digjitalizimi i plotë i të dhënave dhe proceseve që lidhen me dhurimin, testimin dhe shpërndarjen e gjakut, si dhe centralizimi dhe automatizimi i testimit të grupeve të gjakut, duke rritur standardet e cilësisë dhe ulur ndjeshëm rrezikun e gabimeve njerëzore.
“Kur punon mirë, ke financim më tepër…”, u shpreh ministrja gjatë kësaj vizite.
Sipas të dhënave zyrtare, gjatë vitit 2025 është shënuar edhe një rritje e ndjeshme e numrit të dhuruesve vullnetarë të gjakut, me 12 për qind më shumë krahasuar me një vit më parë, ose 16.5 dhurime për çdo 1 mijë banorë./kb
