Profili zyrtar në Instagram i Benita Zenës, ish-banores së Big Brother VIP Kosova, duket se është zhdukur brenda pak orësh, duke lënë ndjekësit e saj të habitur dhe plot pikëpyetje.
Ata që kanë tentuar të hyjnë në llogarinë e saj janë përballur me njoftime si “User not found” apo “No posts yet”, çka tregon se profili ose është çaktivizuar, ose është fshirë plotësisht. Kjo situatë ka nxitur menjëherë aludime në rrjet, ku shumë prej fansave dyshojnë për një sulm kibernetik dhe marrje të paautorizuar të aksesit.
Benita, e cila numëronte mijëra ndjekës dhe ishte mjaft aktive me postime e “story”, nuk ka reaguar ende publikisht për të sqaruar se çfarë ka ndodhur realisht. Nuk dihet nëse bëhet fjalë për një problem teknik të platformës, një hakërim të mundshëm apo një vendim personal për ta mbyllur apo pastruar profilin.
Specialistët e sigurisë online theksojnë se në raste të tilla rikuperimi i një llogarie mund të kërkojë kohë, pasi përfshin procedura verifikimi nga ana e platformës. Deri në një reagim zyrtar nga vetë Benita, mbetet mister se çfarë fshihet pas zhdukjes së profilit të saj në Instagram./mxh